JEREMIA 9:10 - Pathien Lekhabu Inthieng (BSI)

¹⁰ An kâng zo tah a, tukhawm an fe tlang ta ngai naw leiin, tlânghai ta ding chun sûnin ṭapinrûm ka ta, thlalêra tlatna hmunhai ta ding chun sûn ka tih; mihai chun ran ruol râwl khawm chu hre thei ta naw ni hai a; chunglêng vatehai le ramsahai khawm chu an tlânse tah a, an tlân- hmang tah.

JEREMIA 9:10 ပူးပေါင်းရင်းမြစ်များ

ISAI 41:15

Ngai ta, bu chîlna khâwl thar- tak, ngeitak, ha nei miah siem ka ti cheu: tlânghai chu chîlin vaw nawi in ta, muol pâwnghai chu busi angin siem in tih.

ISAI 49:19

I hmun se ta le rausan hnunghai le sukbohmang hnung thua chun tuhin a umhai ta ding chun i chîn talaw ngei ngei ding a ni sih a; nangma lemtuhai kha hlatakah an um ta ding a nih.

JEREMIA 12:10

Berâmpu tamtakhai chun ka grêp huon chu an suksiet a, ka chan chu an ke hnuoiah an sirde a, ka chan inhawitak chu thlalêr ram râusanah an siem tah a.

JEREMIA 12:11

Râusanah an siem tah a; râu- sana umin ka kuoma chun a ṭap a; mi tukhawma lungril a an sie naw leiin ram pumpui chu râusana siem a ni tah a.

JEREMIA 12:4

Ieng chen am ram chun sûnin, ram pumpui hlohnahai chu a vuoi ding a na? chutaka an rîtlona um zing lei chun, ramsahai le vatehai khawm chu an bohmang a, “Ei ni hnungtieng tâwpna chu hmu naw ni,” an ti leiin.

JEREMIA 14:6

Ram sabengtunghai khawm chu tlâng sâng chungahai chun an ngîr a, sihalhai angin thli an dawng a, hlo pet ding a um naw leiin an mit ân thim a.

JEREMIA 2:15

Sakeibaknei tuoihai chun an inrûm khum a, an inhûk a: a ram chu an suksiet a; a khawpuihai khawm a hluotuhai um loin a kâng zo tah a.

JEREMIA 2:6

Anni chun, ‘Aigupta rama in- thawka eini mi hung ṭhuoi suok a, thlalêra le, ram thlalêr le khur hmun le, ram ṭâwltak le thina hlim ram le, ram mi tukhawm an fethleng ngai nawna le, mi tukhawm chêng nawna rama mi ṭhuoitu LALPA kha khaw lai am a um a? khawm an ti nawh.

JEREMIA 23:10

Ram chu uirehaiin an sip a, ṭawngsie lei chun ram chun a sûn a; thlalêra hlo petna hmunhai khawm chu a ṭâwl zo a; an lampuihai chu a ṭha nawh a, an hrâtna khawm chu ân dik nawh.

JEREMIA 50:3

Hmârtienga inthawk chun hnam pakhat a ram chu râusana siema tukhawm chêng lo dinga siem dingin a hung mêk a; an tlânseh a, mihriem le ramsahai khawm chu, an fe hmang zo tah a.

JEREMIA 7:29

Aw Jerusalem, i sam chu tan rawh, peihâwn la, bâwlhmun tlânga- hai chun sûnna siem rawh; LALPA chun a lunginsenna thlahai chu a nghatsanin a hnâwl ta sih a.

JEREMIA 8:18

Aw lungngainaa inthawk hin keima le keima bêk inthlamuong thei lang chu; ka sûnga chun ka lung hlak chu a thidang sih a.

ṬAP HLA 1:16

Hieng thilhai lei hin ka ṭap a; ka mit chu tuiin a luong- thla a, Thlamuongtu ka lungril sukhartu ding kha keimaa inthawka a hlat êm leiin. Hmêlmahai chun an hne ta leiin, ka nauhai chu râusanin an um tah a.

ṬAP HLA 2:11

Ka mithai chun mitthli a tlasam hiel a, ka sûng tieng a buoi zo a, Ka mîtkhâ chu hnuoi chungah bunthlâkin a um a, ka mihai naunuhai suksietna lei chun; Naupang dâwnghai le nêne ne laihai chu kawtthlêrhaia chun an inkawn el a.

ṬAP HLA 5:18

Zion tlâng chu râusana umin, Sihalhai chu a chungah an inlawn a.

EZEKIEL 14:15

Chun, chu ram chu ramsa tuorhlaumhai chun fe thlengin, sukse hai sien, râusana umin, ramsahai lei chun mi fe paw ngam loin umhai sien;

EZEKIEL 27:2

“Nang mihriem naupa, Tura ta dingin sûnna hla siem la,

EZEKIEL 29:11

Mihriem ke chun fethleng ta naw nih a, sa ke khawm chu fethleng ta bawk naw ni; chun, kum sâwmli sûng chu hluoin um bawk ta naw nih.

EZEKIEL 33:28

Ram chu râusanah siem ka ta, maktia um ding leh; a thilthawtheina chapona chu re tâng a ta, Israel tlânghai chu râusan ni tâng a ta, tukhawm fethleng ta naw ni hai.

EZEKIEL 6:6

In chêngna hmunhaia po po chun khawpuihai chu suksiet nîng an ta, bâwlhmunhai chu râusan nîng an ta; in mâichâmhai chu râusan le suksiet a ni theina ding le in milimhai chu suktliek le suktâwp a nia, in nisa- milimhai chu phûr thlûk a na, in sinthawhai chu suktâwp a ni theina dingin.

HOSEA 4:3

Chuleiin, ram chun sûn a ta, A sûnga chêng tinrêng chu chau an tih, Ramsahai le chunglêng vatehai leh; Anih, tuisuorieta ngahai chenin lâk hmang nîng an tih.

JOEL 1:13

Nangni thiempuhai, saiip puon dierkei unla, ṭap ro; nangni mâichâm rawngbâwltuhai, khêk rak rak ro; nangni ka Pathien rawngbâwltuhai, hung unla, saiip puon silin zânkhaw- vârin zâl ro: in Pathien ina inthawk chun beiphit inhlân le dâwn ding inhlân chu khap a ni sih a.

JOEL 1:19

Aw LALPA, ka ko che hi; mei chun thlalêr ram hlohna hmun chu a kâng fai tah a, meichawk chun ram thing po po chu a kâng fai ta sih a.

AMOS 5:1

Aw, Israel chihai, hi thu nangni sûnna dinga ka hril hi hre ro:

AMOS 5:16

Chuleiin, LALPA, sipaihai Pathien, Lalpa chun hieng ang hin a tih, “Khawlaidung lien po poah ṭap rak rakna um a ta, kawtthlêr po poah. ‘A va pawi de aw!’ tîng an tih; lungngai dingin loneituhai le ṭap rak rak dingin lusûn thiemhai ko an tih.

MIKA 2:4

Chu nia chun nangni demin tekhithu hril an ta, ṭap hla lungriem- ithlâk umtaka inzâwtin, “Rawk vawngin ei um tah a nih, ka mihai chan a sukdanglam a, ka kuoma inthawkin a tâwl hmang tah a ni hi! Hel hmanghai kuomah ei lo a sem dar tah a ni hi,” tîng an tih.

MIKA 3:12

Chuleiin, Zion chu, nangni lei chun lo anga inlet nîng a ta, Jerusa- lem chu thil se um khâwm nîng a ta, biekin umna tlâng chu ramhnuoi hmun insâng ang nîng a tih.