JEREMIA 8:21 - Pathien Lekhabu Inthieng (BSI)

²¹ Ka chipuihai naunu suknatnaa chun suknat vein ka um a, ka thla ân vai a, beidawngnain a mi chel tlat a.

JEREMIA 8:21 ပူးပေါင်းရင်းမြစ်များ

NEHEMIA 2:3

Kei chun lal kuoma chun, “Lal chu kumkhuoin dam raw se; a mi thlatuhai thlân umna khuo chu a ram tah a, a kawtkhârhai chu a kâng vawng ta sih a, lungngai hmêl put lo thei am nîng ka ti?” ka tih a.

JEREMIA 14:17

Chun, an kuoma chun hieng thu hi hril rawh: Sûn le zâna khawm ka mithai chu mitthliin luong thla raw se; ma lo tawpin; ka chipui naunu inthieng chu hliemna nasatakin, pawpna nasataka suknawiin a um a.

JEREMIA 14:2

Juda chun a sûn a; chutaka a dai kawtkhârhai khawm chu an ṭâwp zo a, hnuoi chunga chun a duma inbelin ân ṭhung a; Jerusalem khêk ri chu chungtieng a feh a.

JEREMIA 17:16

Keia chungthua chun, nanga hnunga berâmpu ni chu ka tum ṭâl nawh a, ni chungpikum khawm chu ka châk bawk nawh a, i hriet a, ka hmûra inthawka suokhai chu i hmai- hmaa chun a um sih a.

JEREMIA 4:19

Ka phîng, ka phîng! ka lungah a na; ka lung chu a to ṭawk ṭawk naw tawp a; ka to ṭawk ṭawk thei nawh; indona inṭhi lâwkna tawtawrâwt ri chu, aw ka thla, i lo hriet ta leiin.

JEREMIA 8:20

Busîk hun chu a liem tah a, nipui hun chu a tâwp tah, sandamin ei um nawh.

JEREMIA 9:1

Aw ka chipuihai naunu sukhluma um chu a sûn a zâna ka ṭa theina dingin ka lu hi tuihai ni sienla, ka mithai hi mitthli tuikhurhai hung ni sien chu!

ṬAP HLA 3:1

A lunginsenna hmawla hremna hmu tah mihriem chu ka na,

JOEL 2:6

An hmaa mipuihai chu an thla- phâng a, an hmêlhai chu a hung dâng vawng tah a.

NAHUM 2:10

Sukruokin a um a, a ruok dêr a, a rêm dêr a nih, lungril chu ân tui- hmang a, khûphai chu ân vuoktuoh a, kâwng po po chu a na ngawi ngawi a, an rênga hmêl chu a dâng zo vawng a nih.

LUKA 19:41

Chun, a tlung ding ṭepin, khuo chu a hmuh a, a ṭap nghah a,