JEREMIA 8:18 - Pathien Lekhabu Inthieng (BSI)

¹⁸ Aw lungngainaa inthawk hin keima le keima bêk inthlamuong thei lang chu; ka sûnga chun ka lung hlak chu a thidang sih a.

JEREMIA 8:18 ပူးပေါင်းရင်းမြစ်များ

INPÂKNA HLABU 143:7

Aw Lalpa, mi hung dawn vak la, ka thlarau a châu ding a ni hi; Ka kuoma hin i hmai thup naw la, Chuong naw chun khura zu fehai ang elin hung um rawi ka tih.

ISAI 22:4

Chuleiin, kei chun, “Mi en loin, khingtieng en ro, ka ṭap rak rak ding a nih; ka mihai naunuhai râllâka an lâk thua chun mi thlêm inkhaw nuom naw ro,” ka tih a.

JEREMIA 23:9

Zâwlneihai chungthua chun; ka lungril chu ka sûnga chun a kawiseh a, ka ruhai po po khawm ân hnîng a; zu inrui mi, mi uoinin a hne zet ang el chu ka nih; LALPA lei le, LALPA thu inthienghai lei chun.

JEREMIA 4:19

Ka phîng, ka phîng! ka lungah a na; ka lung chu a to ṭawk ṭawk naw tawp a; ka to ṭawk ṭawk thei nawh; indona inṭhi lâwkna tawtawrâwt ri chu, aw ka thla, i lo hriet ta leiin.

JEREMIA 6:24

Chu thuthang chu kan lo hriet a; kan kuthai chu a hung châu a, lungzîngna chun keini a mi man a, nuhmei nauhase nat tuor ang el chun keini chu a mi chip a nih.

JEREMIA 9:1

Aw ka chipuihai naunu sukhluma um chu a sûn a zâna ka ṭa theina dingin ka lu hi tuihai ni sienla, ka mithai hi mitthli tuikhurhai hung ni sien chu!

ṬAP HLA 5:17

Hi lei hin kan lungril chu a chau a; Hieng thilhai lei hin kan mithai chu ân thim a.

HABAKKUK 3:16

Ka hriet a, ka phîngsûng chuân thin a, Ka hmûrhai chu râwlria chun ân thin hlawp hlawp a; Ka ruhaia chun hmawnna a hung lût a, chuongchun, ka hmuna chun kân thin a nih; Buoina nia chun châwl kata, Mipui, sipai pâwl anga mi rûntu chunga an hung tlung pha chun.