JEREMIA 8:14 - Pathien Lekhabu Inthieng (BSI)

¹⁴ Iengdinga ei ṭhung zing am? Hung inkhâwm unla, khawpui kul neiahai chun lût ei ta, chutaka chun bohmang el ei tiu; LALPA chunga chun thil ei lo suksuol ta leiin, LALPA ei Pathien chun bohmangnaa um dingin a mi sie tah a, tûr pawl tui chu dâwn dingin a mi pêk tah a.

JEREMIA 8:14 ပူးပေါင်းရင်းမြစ်များ

2 SAMUEL 20:6

Chuongchun, David chun Abisai kuomah, “Bikri naupa Seba hin Absalom nêk hmanin ei pawi a tâwk ding a nih ie, i pu mihai hi ṭhuoi la, hnawt ro khai; chuong naw chun khaw kul neia dam lût hman a ta, ei hmu phâk nawa hin insuo hlau rawi ei tih,” a ta.

INPÂKNA HLABU 39:2

Chuongchun, to zingin ṭawng loin ka um a, A ṭha tienga khawm ka to zing a; Nisienlakhawm, ka lungngaina chu chawkthoin a um lem hman a.

INPÂKNA HLABU 69:21

Ka bu dingin thil kha an mi pêk nâwk nghâl a, Ka dang a châr hlakin uoin thûr dâwn dingin an mi pêk a,

ISAI 47:5

Aw Kaldai naunu, to zingin ṭhung la, inthim hnuoiah lût ta, “Ram tin lalnu,” an ti ta naw ding che a nih.

JEREMIA 14:20

Aw LALPA, kan suolnahai ka hung inhriettir a, kan thlatuhai suolna leh; nangma chunga chun thil kan lo suksuol ta sih a.

JEREMIA 14:7

Kan suolnahai chun keini a mi hêk khawma, Aw LALPA, i hming leiin nangin sin thaw la, kan hnung- tawlnahai chu a tam hle ta sih a; i chunga chun thil kan lo suksuol ta a nih.

JEREMIA 23:15

Chuleiin, zâwlneihai chung- thua chun sipaihai LALPA chun hieng hin a tih; Ngai ta, anni chu sairamkhain châwm ka ta, mîtkhâ tui indâwntir ka tih; Jerusalem zâwlneihaia inthawk chun ram po poa chun sukpawrchena chu a fe suok sih a.

JEREMIA 3:25

ei inzaknaa chun zâl ei ta, ei lungril ngaibuoina chun mîn khum raw se; LALPA ei Pathien chunga chun thil ei lo suksuol ta sih a; ei naupang laia inthawk tah vawisûn chen hin eini ni leh, ei thlatuhai ni leh; chuongchun, LALPA ei Pathien râwl chu ei lo awi ta naw a nih.

JEREMIA 35:11

Amiruokchu, Babulon lal Nebukadnezzar chu hi rama hin a hung lai khan, ‘Thaw ro, Kaldai sipaihai ṭi lei le, Suria sipaihai ṭi leiin, Jerusalemah hang fêng ei tiu,’ kan tih a; chuongchun, Jerusalema chun kan hang chêng tah a,” tiin.

JEREMIA 9:14

nisienlakhawm, an lungril ngarna ang pei chu an hraw lem a, Baal hnung chu an zui a, an thlatu- haiin anni an lo inchûktir ta ang khan;

JEREMIA 9:15

chuleiin, sipaihai LALPA Israel Pathien chun hieng hin a tih: Ngai ta, hi hnam hi, anni ngei hi sairam khâin vai ka ta, tûr pawl tui dâwn dingin pêng ka tih.

ṬAP HLA 3:19

Ka hrem tuorna le ka rimsikna, sairam thing le khâkna chu hre zing la.

LEVI DÂN 10:3

Chuongchun, Mosie chun Aron kuomah, “Hi hi a nih LALPAIN, ‘A mi hnaituhaia chun inthiengin inlang ka ta, mipui po po hmaa chun chawi- mawiin um ka tih,’ tiha a hril kha,” a tih a. Aron chu a to zing a.

AMOS 6:10

Chun, mi pakhat pami ama rawtu ngei khawmin a lâk a, in sûnga inthawka a ru la suok dingin, in sûngril taka um kuomah, “I kuomah tukhawm an la um am?” a tih a, ama chun, “Um lo,” a ti chun; ama chun, “To zing rawh, LALPA hming chu ei sâm ding a ni si nawh a” tîng a tih.

HABAKKUK 2:20

LALPA ruok chu a biekininthienga chun a um a, Leihnuoi po po chu a hmaah to ṭhiep raw se.

ZEKARIA 2:13

Mi po pohai, LALPA hmaa chun to ṭhiep ro khai: a chêngna inthienga inthawk chun a hung thohar ta sih a.

MATTHAI 27:34

uoin thûr, thil kha le pawl, a dâwn dingin an pêk a, nisienla- khawm ân tem phingin a dâwn nuom ta nawh a.

DÂN PAHNINA 29:18

Chuong naw chun, nangni laia pasal amanih, nuhmei amanih, sûng- kuo amanih, hnam amanih, chuong hnam pathienhai be ding chun an lungrilin tuhin LALPA ei Pathien chu nghatsanin, nangni lai thil kha le sairam zung ṭo suokna bul dâm lo um khiet rawi in tih.

DÂN PAHNINA 32:32

An grêphrui chu Sodom grêphrui, Gomorra rama mi a nih; An grêphai chu tûr grêp a nih. A bâwrhai chu a khâ.