JEREMIA 8:12 - Pathien Lekhabu Inthieng (BSI)

¹² Thil tirdakum an thaw lai chun inzapui an ti? An inzapui hlawl nawh; an hmai khawm a mâwk nawh a, chuleiin, a tluhai laia chun tlu vêng an ta, anni chu hrem an ni huna chun, LALPA chun a tih.

JEREMIA 8:12 ပူးပေါင်းရင်းမြစ်များ

INṬANNA 19:34

Chun, a zînga chun a upa lem chun a naupang lem kuoma chun, “Ngai ta, zâni zân khan ka pa kâwlah ka zâl a; vawizân khawm hin uoin indâwntir nâwk ei ti khai; chun, nang lût la, ei pa suonmawng loa ei siem theina dingin a kâwlah va zâl ve rawh,” a ta.

INPÂKNA HLABU 52:1

Aw mi hrât, iengdinga thil suksuol i sawng am a na? Pathien zaidamna chu a um zing hlak a nih.

INPÂKNA HLABU 52:7

“En ta u, hi mi hi a nih, Pathien a kulbînga siem nuom lo a, A hausakna nasatak ring lem a, A suolnaa insukhrât vei chu,” tiin.

ISAI 24:2

Chun, vântlâng chunga a um angin, thiempu chunga khawm um a ta, suokpa chunga a um angin a pu chunga khawm um a tih; suoknu chunga a um angin a pi chungah um a ta; inchawtu chunga a um angin a zawrtu chunga khawm um a tih; inpûktirtu chunga a um angin a pûktu chunga khawm um a tih; a pung hnawta inpûktirtu chunga a um angin a kuoma a pung petu chunga khawm um a tih.

ISAI 3:9

An hmêl put dân hrim chun anni chu a hêk fâwm a; an suolna chu Sodom ang elin an inlangtir a, an ip nawh. An hringna chung chu a rik de! thil ṭha nawin an inthung fâwm pei sih a.

JEREMIA 10:15

Thil teplo, sinthaw nuizatum an nih; hrem an ni pha chun bohmang an tih.

JEREMIA 14:15

Chuleiin, ka hminga zâwlnei thuhriltuhai chungthua chun, LAL- PA chun hieng hin a tih: anni chu ka tir nawh a; amiruokchu, hi rama hin kâwlhnâm le ṭâm tla naw ni, tituhai, chuong zâwlneihai chu kâwlhnâm le ṭâmin sukbohmang nîng an tih.

JEREMIA 23:12

Chuleiin, an lampui chu an ta dingin inthim laia hmun innâltak ang chu nîng a ta; hnawtin um an ta, chutaka chun tlûng an tih, an chunga chun thil ṭha naw, anni hremna kum ngei chu ka hung intlungtir ding a ni sih a, LALPA chun a tih.

JEREMIA 3:3

Chuleiin, raw sûrhai chu chel- tâng an na, ruo nuhnung tieng chu a um ta naw a nih; amiruokchu, mi hur chal chu i nei a, inzak i tum dêr si nawh a.

JEREMIA 44:10

Vawisûn ni chen khawm hin an insukhnuoi nawh a, an ṭi bawk nawh a, ka dân khawm chu an hraw bawk nawh a, ka thuruothai khawm chu an hraw nawh; chuong in thlatuhai le nangni hma ngeia ka lo sie tahai kha.

JEREMIA 6:15

Thil tirdakumhai an thaw chun an inzapui am? An inzapui hlawl nawh, an hmai khawm a mâwk nawh; chuleichun, a tluhai lai ma chun anni khawm tlu vêng an tih; ka va hrem pha chun anni chu pei thlûk nîng an tih, LALPA chun a tih.

JEREMIA 6:21

Chuleiin, LALPA chun hieng hin a tih: Ngai ta, hi hnam hmaa hin tlûkna lunghai chu sieng ka ta, chuong chunga chun pahai le naupa- salhai chu insuithlu hmunkhat an ta; tuolbâwm le a ruol khawm chu bohmang bawk an tih.

EZEKIEL 23:18

Chuongchun, a nawchizawrna chu langchangtaka a thaw a, a saruokna a hlîm chun, ka lungril chu amaa inthawk chun ân her a, a unaunua inthawka ka lungril a lo inher ta ang bawk khan.

HOSEA 5:9

Ephraim chu hremna nia chun sukrêm nîng a ta, Thil hung ni ngei ding chu Israelhai laia chun kân hriettir tah a nih.

ZEPHANIA 3:5

Ama sûnga chun LALPA chu mi indik a na; rîtlona chu thaw naw ni; zîng tinin a rorêlna chu varah a hung lâk suok a, a thlâwn ngai hrim hrim nawh a; amiruokchu, mi fel naw chun inzakna a hriet naw a nih.

DÂN PAHNINA 32:35

Phuba lâk le thung chu keima thaw ding a nih, An kalbi ân tleu pha chun, An sietna ni chu a hung hnai an tah a, An chunga thil tlung dinghai chu hung tlung vak a tih.

PHILIPPI 3:19

Chuonghai tâwpna chu bo- hmangna a nih, an Pathien chu an phîng a nih, an ropuina khawm chu an muolphona a nih, khawvêl thil an dit hlak a nih.