JEREMIA 7:9 - Pathien Lekhabu Inthieng (BSI)

⁹ Inruin, tuolthatin, uirein, khêla inkhâmin, Baal hmaa chun rimin- hnik rawin pathien in hriet nawhai chu zuiin,

JEREMIA 7:9 ပူးပေါင်းရင်းမြစ်များ

1 LALHAI 18:21

Chun, Elija chun mipuihai po po chu a va hnai a, “Lung âwpinkaiin ieng chen am in um ding a na? LALPA chu Pathien a ni chun, ama chu zui unla; chun, Baal chu a ni chun ama chu zui ro,” a ta. Mipuihai chun bau khat khawmin an dawn nawh.

FESUOKNA 20:3

Kei naw chu pathien danghai hrim i nei ding a ni nawh.

ISAI 1:13

Thilpêk mei meihai chu hung chawi ta ngai naw ro; thil riminhnik khawm chu ka ta dingin thil tirdak- umtak a nih; thla thar dâm, châwlni dâm inkhâwmpuia infiel khâwm dâm mei mei chu ka ngai thei naw tawp el; khawhlona mei mei a nih, inkhâwm ropuitak khawm hi.

ISAI 58:2

Anni chun zawng chu ni tin el an mi zawng hlak a, ka lampui thuhai hriet chu an inhâwk hlak; feltaka thaw le an Pathien rorêlna bânsan ngai naw hnam angin, ka kuomah rorêlna feltak an mi hni hlak a. Pathien hung hnai khawm an inhâwk hlak a nih.

JEREMIA 1:16

Chun, an khawhlonahai thuah anni kalin ka rorêlnahai chu hrilsuok ka tih, kei mi mâksana, pathien danghai kuoma riminhnik rawh a, an kut sinthawhai ngei chu chibai an lo bûk ta leiin.

JEREMIA 11:13

Aw Juda, i khawpui ni zât ang pei el chun i pathienhai chu an um sih a; Jerusalem kawtthlêr zât zâtin inzâpuiumtakin mâichâmhai, Baal kuoma riminhnik rawna ding ngei chu, i lo siem ta bawk a.

JEREMIA 11:17

Sipaihai LALPA, nangni phun- tu cheu chun Israel sûngkuo le Juda sûngkuoin Baal hmaa riminhnikhai inhlân a, mi suklungsen dinga anni ta dinga thilsuol an lo thaw ta leiin i chungah thil ṭha naw chu a hril lang tah a nih.

JEREMIA 13:10

Hi hnam suol ka thu ngai nuom loa, an lungril ngarna anga fea, an rawng bâwl dinga pathien danghai chu zuia, anni chibai bûktuhai hi hi hrên ienga khawma ṭhangkai ta lo ang hi nîng an tih.

JEREMIA 18:15

Ka mihai chun an mi thei- nghil a, teplo kuoma chun riminhnik chu an lo raw ta sih a; chun, anni chun an lampuihaia chun an insui thlûktir a, tienlaia lampuihai, lampui rûka fe dingin, tluongpui lam niloa chun;

JEREMIA 19:4

Kei an mi lo nghatsan tah a, hi hmun khawm hi an lo sukhran tah a, an hriet lo pathienhai kuoma chun a sûnga hin riminhnik chu, anni le an thlatuhai le Juda ram lalhai ngei khawma an lo raw tâk leiin; hi hi hmun hi mi thiem thisen chun an lo suksip tah a;

JEREMIA 32:29

chun, hi khaw hung dotu Kaldaihai chu hung an ta, hi khuo hi meiin hung râwng an ta, a inhai a chunga Baal kuoma riminhnik an râwna le, kei mi suklungsenna dinga pathien danghai kuoma dâwn mi thilinhlânhai an lo bunthlâkna inhai le chun kâng a tih.

JEREMIA 44:3

lunginsennaa mi chawktho ding- in an thlatuhaiin amanih, anni ngei khawma an hriet lohai pathien danghai chu an rawng bâwl ding le, an kuoma riminhnik raw dinga an fe a, chuong khawhlonahai an thawna lei chun.

JEREMIA 44:8

chuongahai chun in kut sinthaw- hai chun in mi suklungsen a, in va mikhuolna tiengahai chun Aigupta rama pathien danghai kuoma chun riminhnik dâm in rawh a; chuong chu hi hnuoia hnam po pohai laia thu- sekawk le, ṭawngsephur le, sât thlâk in ni theina ding chau a ni naw am a nih?

JEREMIA 44:9

In thlatuhai khawhlona dâm, Juda ram lalhai khawhlona dâm, an nuhmeihai khawhlona dâm le nangni khawhlona dâm ngei khawm, in nuhmeihai khawhlonahai Jerusalem kawtthlêrhaia le, Juda rama an thawhai kha in hriet zing naw am a nih?

JEREMIA 48:35

Chu nawa khawm, Moaba chun bâwlhmuna thilinhlân le, ama pathien kuoma riminhnik râwtu chu suktâwp ka tih, LALPA chun a tih.

JEREMIA 5:2

“LALPA chu a hring zing angin,” an ti dea chu, inkhêl letdêra inkhâm el an nih.

JEREMIA 5:7

Iengtin am ngaidam thei ka ti cheh a? I thlahai chun an mi nghat- san tah a, pathien ni lohaia chun an inkhâm tah a; khawptaka ka châwm lai khawmin, an uire tah a, nawchi- zawr inahai chun a pâwl pâwlin anni chu an inkhâwm tâwl a.

JEREMIA 7:6

mikhuolhai chu in nêksâwr nawh a, pa nei lohai le hmeithaihai leh; hi hmuna hin mi thiem thisen chu in insuo naw bawk a, nangni le nangni insukpawina dingin pathien danghai chu in zui bawk naw chun,

EZEKIEL 18:18

A pa chungthua chun, ama chun rilotakin a lo nêksâwr tah a, thaw- luinain a unau chu a lo suksiet tah a, a mihai laia thil ṭha naw chu a lo thaw leiin ngai ta, a suolnaa chun thi ngei a tih.

EZEKIEL 20:30

Chuleiin, Israel sûngkuohai kuoma chun hril la, Lalpa PATHIEN chun hieng hin a tih: In thlatuhai thaw dân ang bawkin nangni le nangni in insukpawrche ding a ni maw? An tirdakumna chu châkin in zâwm ve ding a ni maw?

EZEKIEL 23:39

An milimhai kuoma an nauhai an that laiin, chu nia ma chun ka hmun inthieng chu sukpawrche dingin an hung sih a; chun, ngai ta, ka in sûnga chun chuong ang chun an thaw a nih.

EZEKIEL 5:11

Chuleiin, ka hring zing angin, i tirdakumna po po le i thilpawrchehai po po chun ka hmun inthieng chu i lo sukpawrche tâk leiin hung sukriral ngei ngei ka ti che a, ka mit khawma hla naw ni cheh a, kei khawma lunginsietna nei bawk naw ning che.

HOSEA 2:13

Riminhnik a rawpêk hlak Baal nihai chu a chungah thung ka ta, Chuong lai chun a nabehai le a în cheinahai chu ân bel a, A dit zâwnghai a pan a, kei a mi theinghil a nih, Ti hi LALPA thu suok a nih.

HOSEA 6:9

Suomhmang ruolin mi an inchân hlak angin, Thiempu pâwlhai chun Sekem lampuiah mi an that hlak; Anih, thil suol an thaw tah a nih.

AMOS 4:5

chawl ṭhang lâwmthu hrilna in- thâwina chu inhlân unla, mâni nuom- zâwnga inhlânhai chu hril unla, phuong ro; Aw Israel nauhai, hi hi in nuom sih a,” Lalpa PATHIEN chun a tih.

ZEPHANIA 1:5

chun, inchung sîpa inthawka vâna thil umhai chibai bûktuhai le, Milkom hminga inkhâmtuhai le, LALPA hminga ṭawng inkhâma betuhai le;

MALAKI 3:5

Chun, rorêlnaah in kuom hung hnai ka ta; chun, inkhâmtu khêlin- hliphai chunga le uiretuhai chunga le, dawi hmangtuhai chunga chun thuhretu hrâttak hung nîng ka tih; a hlaw chungthua inhlawfa, hmeithai le, fahrahai nêksâwra, a thuneinaa inthawka mikhuol hnawt hmang hlaktu, kei mi ṭi ngailo chunga le chun, sipaihai LALPA chun a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:2

Chuong thil thaw hlaktuhai chunga Pathienin a sawisêlna chu thu indiktak a nih ti ei hriet sih a.

DÂN PAHNINA 32:17

Pathien ni lo, khawhrihai kuomah an inthâwi a, An hriet ngai naw pathienhai kuomah, Vaihnurama um chau pathien tharhai, In pi in puhai iṭi ngai lohai kuoma chun.

THUPUONGSUO 21:8

Amiruokchu, mi dawi dâm, awi- naw dâm, tirdakum dâm, tuolthat dâm, indit hmang dâm, dawithiem dâm, milim bie dâm, khêlinhlip po po dâm chan ding chu mei le kâta kâng dîla chun um a tih; chu chu thi hnina chu a nih,” a ta.

THUPUONGSUO 22:15

Tuola chun, ui dâm, dawithiem dâm, indit chîng dâm, tuolthat dâm, milim bie dâm, khêl ngaina le khêlinhlip taphawthai chu um an tih.

RORELTUHAI 5:8

Pathien tharhai an chel a, Daikawtkhâr bulhaia khan indona a hung um a, Israel rama mi sîng li zet laia khan Phaw le fei kha um hrim a um am a nih?