JEREMIA 7:7 - Pathien Lekhabu Inthieng (BSI)

⁷ in thlatuhai kuoma ram ka i pêk tah, inhmaa inthawka kumkhaw- tluong elin, hi hmuna hin inchêngtir ka ti cheu.

JEREMIA 7:7 ပူးပေါင်းရင်းမြစ်များ

2 CHANCHIN SUINA 33:8

in thlatuhai ta dinga ram ka iruot taha inthawk chun Israel kepha chu sawn ta bawk naw ning a; Mosie hmanga thupêkhai, thuruothai, dân- hai po po, anni thu ka pêkhai po po chu an thaw phawt chun,” a lo tina LALPA ina chun a sie a nih.

FESUOKNA 22:22

Hmeithai amanih, fahra chu i sukrimsi ding a ni nawh.

ISAI 1:19

Tiâwitak le thuâwitaka in um chun, in rama thil ṭhahai hi fâng in ta;

JEREMIA 25:5

‘Mi tin el chu tuhin in thilthaw indik nawhaia inthawk le, mâni lam- pui suola inthawk chun kîr seng unla; nangni le in thlatuhai kuoma inhma le kumkhuoa dinga, LALPAIN ram a pêk cheua chun chêng ro;

JEREMIA 26:13

Chuleiin, tuhin in thilthawhai le in umdânhai chu siemṭha unla, LALPA in Pathien râwl chu awi ro; chuongchun, nangni dodâla LALPA- IN thil ṭha naw a lo hril ta khawm chu lamlêt a tih.

JEREMIA 3:18

Chuong nihaia chun Juda sûng- kuo chu Israel sûngkuo le chun in- tlawn an ta, hmâr tieng rama in- thawk chun hung suok hmunkhat an ta, in thlatuhai kuoma rochan dinga ka pêk rama chun hung an tih.

JEREMIA 35:15

Chun, zîngkâra thoa anni hung tirin, ‘Mi tin chu mâni lampui suola inthawk chun hung kîr unla, in thil- thawhai chu siemṭha unla, pathien danghai chu an rawng bâwl dingin zui bawk naw ro, chuongchun, nangni le in thlatuhai kuoma ram ka ipêk cheua hin chêng in tih,’ tiin, ka siehlaw zâwlneihai po po chu in kuomah ka hung tir a; nisienla- khawm, in na khawm in sit nawh a, ngai khawm in mi ngai naw kha.

JEREMIA 4:1

“Aw Israel, i hung kîr chun, LALPA Pathien chun a tih: ka kuomah i hung kîr ding a nih; i tirdakumnahai chu ka mithmua inthawka i sie hmang chun nang chu sukchângin um naw ti nih;

ZEPHANIA 3:7

Ama chungthua ka lo ruot ta ang po poin, a chêngna chu sât thlâk a ni nawna dingin. “Matheiloin kei mi ṭîng i ta, sukdikna chu hmu bawk i tih,” ka ta; nisienlakhawm, zîngkâr an tho a, an thilthawhai po poa chun an sukdik nawh a.

DÂN PAHNINA 4:40

Kumkhuoa dinga LALPA in Pathienin a pêk cheu rama chun nangni le in thlahai ta dinga ṭha le in chêng sâwt theina dinga thuruothai le thupêkhai, tuta ka pêk cheu hi in zâwm ding a nih,” ti hi.