JEREMIA 7:34 - Pathien Lekhabu Inthieng (BSI)

³⁴ Chun, Juda khawpuihaia in- thawk le Jerusalem kawtthlêrhaia inthawk chun hlimna râwl dâm, lâwmna râwl dâm, moneitu râwl dâm, mo râwl dâm inrêtir ka tih; ram chu suksiet a ni ding a ni sih a.

JEREMIA 7:34 ပူးပေါင်းရင်းမြစ်များ

JOB LEKHABU (THE BOOK OF JOB) 3:7

Anih, chu zân chu zân dawkdâium ni sienla, Chu zâna chun hlim râwl hrim hrim um naw raw se.

INPÂKNA HLABU 78:63

Meiin an tlangvâlhai chu a kânghmang a, An nunghâkhai chun inneina hla hrim hrim an nei ta nawh a.

ISAI 1:7

In ram chu rausanin a um zo a, in khuohai chu meiin a kâng zo a, in ram chu ram dang mihaiin in mithmu ngeiah an nei zo a, ram dang mihai suksiet angin a se zo tah.

ISAI 3:26

A kul kawtkhârhai chun an âwm inchumin ṭap an ta; ama chu ruok a ta, hnuoiah inṭhung a tih.

ISAI 6:11

Chun, kei chun, “LALPA, ieng chen am nîng a ta?” ka tih a. Chun, ama chun a dawn a, “Khawpuihai mihriem um loa a ram a, inhai thlûttu um lo a a ṭîek a, râusana a um vawng a,

JEREMIA 16:9

Israel Pathien sipaihai LALPA chun hieng hin a ti sih a: Ngai ta u, i nihaia hin, in mithmua inthawkin hlimna râwl ri dâm, lâwmna râwl ri dâm, mo neitu râwl ri dâm le monu râwl ri dâm chu hi hmuna inthawk hin ka suktâwp ding a nih.

JEREMIA 22:6

Juda lal in chungthua chun LALPA chun hieng hin a ti sih a: Ka ta ding chun Gilead i na, Lebanon lu leh; nisienlakhawm, matheiloin thla- lêra le khawpui hluo loah ka siem ding che a nih.

JEREMIA 25:10

Chu nawa khawm, anni laia inthawk chun, hlimna râwl dâm, lâwmna râwl dâm, mo neitu râwl dâm, mo râwl dâm, bu râwtna ri dâm, sathâu khâwnvar varna dâm chu sukbo vawng ka tih.

JEREMIA 27:17

Anni thu chu ngai naw unla, Babulon lal rawng chu bâwl unla, damin um ro, ieng dingin am hi khawpui hi râusanin um el a ta?

JEREMIA 33:10

“LALPA chun hieng hin a tih: ‘Sa le mihriem khawm um loin a sie a,’ in ti, hi hmuna le, Juda ram khawpui- haia le, hluotu um loa, ran khawm um loa râusan Jerusalem kawtthlêrahai chun hieng hi hriet la nîng a tih:

JEREMIA 33:11

hlimna râwl dâm, lâwmna râwl dâm, moneitu râwl dâm, mo le, ‘Sipaihai LALPA kuoma chun lâwmthu hril ro, LALPA chu a ṭha sih a; a zainêmna chu kumkhuoin um zing a tih,’ tituhai râwl le, LALPA ina lâwmthu hrilna inthâwinahai hung chawituhai râwl ri chu. Hi ram sal intângna hi a tîr ang khan ka lamlêt ding a ni sih a, LALPA chun a tih.

JEREMIA 4:26

Ka hei en a, ngai ta, ram rahlâwktakhai khawm chu thlalêr a lo ni tah a, chutaka khawpuihai po po chu LALPA hmaihmaa le, a lungin- senna ṭiumtak hmaa chun a lo chim tâwl tah a.

JEREMIA 4:27

LALPA chun hieng hin a ti sih a, “Ram pumpui chu râusan nîng a ta, a tâwp ruok chu intlungtir naw ning.

JEREMIA 44:6

Chuleiin, ka lunginsenna le ṭîumna chu Jerusalem kawtthlêrhaia le Juda ram khawpuihai chunga chun bunthlâkin a um a, mûtchawkin a um ta a ni kha; chuongchun, vawisûn ni chena an ni angin, suksiet le râusan an ni tah a.

ṬAP HLA 5:14

Upahai chun dai kawtkhâr an rielsan a, Tlangvâlhai chun an rimawihai chu an tâwpsan a.

EZEKIEL 26:13

Chun, i hlahai ri chu intâwptir ka ta: i ṭingṭang rihai khawm chu hriet ni ta naw nih.

EZEKIEL 7:11

Thawluinaa inthawkin rîtlona hmawl a hung suok a, a tu el khawm um sawng thei naw nih a, an mipuihai khawm, an hausaknahai khawm; anni lai chun a ṭhabik ti khawm um naw nih.

HOSEA 2:11

A hlimna po po, a ruoiṭhe dâm, a thla thar dâm, A châwlni dâm le a hunbi ruoiṭhehai po po khawm suktâwp vawng ka tih.

HOSEA 2:13

Riminhnik a rawpêk hlak Baal nihai chu a chungah thung ka ta, Chuong lai chun a nabehai le a în cheinahai chu ân bel a, A dit zâwnghai a pan a, kei a mi theinghil a nih, Ti hi LALPA thu suok a nih.

LEVI DÂN 26:33

Hnam danghai laia chun suk- dar ka ti cheu a, a hnawt ding cheuin kâwlhnâm chu phawi ka ta, chuong- chun, in ramhai chu sukrêm nîng a ta, in khuohai chu ṭâwp a tih.

MIKA 7:13

Chuong sa khawm chun ram chu a sûnga chênghai le a thilthaw ra lei chun râusan nîng a tih.

THUPUONGSUO 18:23

Khâwnvar khawm i sûngah var nâwk ta naw tawp a ta; pasal le mo ri khawm i sûngah hre nâwk ta naw tawp an tih. I sumdâwngtuhai chu hnuoia mi lienhai an ni sih a; i dâwiin hnam po po hlêm an ni kha.