JEREMIA 7:30 - Pathien Lekhabu Inthieng (BSI)

³⁰ Juda thlahai chun ka mithmua thil ṭha naw chu an lo thaw ta sih a, LALPA chun a tih: sukpawrche ding- in, in ka hming chawia koa chun an tirdakumnahai chu an sie tah a.

JEREMIA 7:30 ပူးပေါင်းရင်းမြစ်များ

2 LALHAI 21:3

A pa Hezekiain a suksiet tah bâwlhmunhai chu a siem ṭha nâwk a; Israel lal Ahab thaw angin Baal mâichâmhai a siem a, Aserahai a siem a, vâna um po po khi a biek a, an rawng a bâwl a.

2 LALHAI 21:4

LALPAIN, “Jerusalemah ka hming inumtir ka tih,” a tina, LALPA ina chun mâichâmhai a siem a.

2 LALHAI 21:7

Chun, LALPAIN David le a naupa Solomon kuoma, “Hi in le Jerusalem khuo, Israel chihai po po laia ka ithlanga hin, ka hming chu kumkhuoin inumtir ka ta;

2 LALHAI 23:12

Chun, Ahaz in sâwng chunga Juda lalhaiin mâichâm an siemhai le Manassein LALPA in inhuonna tuol sûnglai pahnia mâichâm a siemhai chu lal chun a sukchim a, a suknâwi vawng a, a nâwihai chu Kidron va- dungah a pei a.

2 CHANCHIN SUINA 33:15

Chun, Pathien danglamhai le, milimhai chu LALPA ina inthawk chun a lâk suok a, LALPA in tlânga mâichâm a lo siem tahai po po le, Jerusalema mihai le khan a lâk hmang vawng a; khawpui puoa chun a peihâwn tah a.

2 CHANCHIN SUINA 33:3

A pa Hezekiain a lo suksiet ta hnung bâwlhmunhai kha a siem ṭha nâwk a; Baal ta dingin mâichâmhai a dâw thar nâwk bawk a; Asera a siem a, vâna thil umhai po po chu chibai a bûk a, an rawng a bâwl bawk a.

2 CHANCHIN SUINA 33:7

Chun, milim kerṭielhai, ama siem chu LALPA ina chun a sie a; chu chungthua chun Pathien chun David le a naupa Solomon kuoma chun, “Hi ina le Jerusalema khawm, Israel hnam po po laia inthawka ka thlang suoka hin, kumkhuoa dingin ka hming chu sieng ka ta,

ISAI 66:4

Ka ko lai khan tukhawma an mi dawn nawh a, thu ka hril lai khan nain an hriet nawh a, ka mithmua thil suol chu an thaw lem a, ka thil lâwm naw zâwng chu an thlang leiin kei khawmin anni hlêmna ding chu thlangpêk ka ta, an ṭi zâwnghai chu an chungah intlungtir ka tih,” tiin.

JEREMIA 16:18

Chun, a hmasatakin, an khaw- hlona le suolna chu a let hniin thung ka ta, ka ram chu an thil thienglo ruokhai chun an lo sukpawrche tah a, ka rochan khawm an tirdakumna chun an lo suksip ta leiin.

JEREMIA 23:11

Thiempu le zâwlnei chu suk- pawrche an ni ve ve sih a; anih, ka ina chun an khawhlona chu ka hmu a nih, LALPA chun a tih.

JEREMIA 32:34

Amiruokchu, an tirdakumna chu ka hming chawia sak in chu sukpawrche dingin an sieh a.

JEREMIA 32:35

Hinnom phairuoma um Baal bâwlhmunhai chu Molek kuoma an naupasalhai le an naunuhmeihai meia infethlengtirna dingin an bâwl a, Juda chu suol inthawtir dingin, hi tirdakumna dâm hi thâwng an tih ti ka lungrila khawm a lût ngainawh.

EZEKIEL 7:20

An incheina mawina chu inlal- saknân an hmang a; nisienlakhawm, an tirdakumna limhai chu an siemin, an pawrchena thilhai limhai le chun; chuleiin, an ta ding chun thil thieng- nawah ka siem tah a nih.

EZEKIEL 8:3

Chun, kut ang tak hi a hang ban suok a, ka samtawma chun a mi man a, chuongchun, thlarau chun vân le hnuoi kâra chun a mi dawm kâng a, Pathien thil hmulâwknahai chun Jerusalemah, tuolsûng sûngril lem dâi kawtkhâr hmâr tieng sawnga chun a mi ṭhuoi tah a; chutaka chun îtthîkna milim, îtthîk dinga chawk- tho hlaktu ṭhungpha chu a um a.

DANIEL 11:31

Sipaihai chu ama tieng chun ngîr an ta, Hmun Inthiengtak chu hrilsieng an ta, kulpui ngei khawm chu; chun, pumrawhmang thilinhlân zing zing chu la hmang an ta, sukrêmna intluntu tirdakumna chu sie lem an tih.

DANIEL 9:27

Chun, hapta khat chu mi tam- tak leh thuthlung dettak siem a ta, chun, chu hapta chenve kâr chun inthâwina le thilinhlân chu suktâwp a tih; chun, tirdakumna thla chunga chun sukrêmtu inumtirtu ding chu hung a ta, a tâwpna ding ruot chen chun; chun, sukrêmtu chunga chun lunginsenna chu buok ni tâng a tih,” tiin.