JEREMIA 7:26 - Pathien Lekhabu Inthieng (BSI)

²⁶ nisienlakhawm, keia thu chu an ngai chuong nawh a, an na khawm an sit bawk nawh a, an rîng chu an suktlûn a, an thlatuhai nêkin an thaw ṭha naw lem tah a.

JEREMIA 7:26 ပူးပေါင်းရင်းမြစ်များ

1 LALHAI 14:22

Judahai chun LALPA mit- hmua chun thil suol an thawh a; an puhai thilthaw po po khûma an suolnahai chun a thîkthu a chawktho pêk a.

1 LALHAI 14:9

nang ruok chun chu i hmaa mihai po po nêkin thil i suksuol nasa bîk a, mi suklunginsenna dingin pathien danghai le milim sunghai i siem a, hnung i mîn nghatsan tah a,

2 LALHAI 17:14

Chuong sa khawm chun an pawm nuom nawh a, an pi le pu, LALPA an Pathien ring nuom naw- haiin an lûlul an insuo angin an lûlul an insuo veh a.

2 LALHAI 17:15

Chun, a thuruothai, an pi le puhai kuoma a thuthlunghai, an kuoma thu inhriettirhai chu an pawisa nuom nawh a; thil teplo mei mei an pawm a, teplo mei mei an hung ni tah a; an chungchâng thua LALPAIN, “Anni ang chun thaw naw ro,” a lo ti tah, an kâwl vêla hnamhai thaw dân chu an lâk veh a.

2 CHANCHIN SUINA 30:8

In thlatuhai an ni angin mi kâwmâwhai ni naw unla; nangni chu LALPA kuomah inpe lem ro; kum- khuoa dinga sukthieng tah, a hmun inthienga chun lût unla, nangnia inthawka a lungsenna ṭiumtak chu ân kieng theina dingin LALPA in Pathien rawng chu bâwl ro.

2 CHANCHIN SUINA 33:10

Chuongchun, Manasse le a mi- hai kuoma chun LALPA chun thu a hril a, nisienlakhawm, an pawisa nawh a.

2 CHANCHIN SUINA 33:23

A pa Manasse ân sukhnuoi ta ang khan ama hi chu LALPA hmaa chun ân sukhnuoi ve nawh a; chuong- chun, hi Amon hi chu a suol nasa deu deu tah a.

NEHEMIA 9:29

“I dâna i ṭhuoi lût thei nâwkna dingin i kâwk hlak a; nisienlakhawm, chapotakin thil an thawh a, i thupêk- hai an pawm nawh a, i rorêlna kalin thil an suksuol a; (miin an zâwma an hringpui ding chu); chun, an tuk- hnungkhur an innghat a, an insuk- kâwmawh a, an ngai nuom nawh a.

THUVARHAI 29:1

Kâwka um rawpa, rîng sukngar hlak chu, Kârloin se dar a ta, sukdam nâwkna um naw nih.

ISAI 48:4

Mi kâwmaw in na, in rîng chu thîr tha a na, in chal chu dâr a ni ka hriet leiin,

ISAI 5:4

Ka grêp huona hin ka thaw ta ang bâk khan chu a chungah ieng am thaw nâwk chuong ding a la um ta rawp a? Grêp raa ra dinga ka beisei vei le khan ieng leia grêp suoka a hung ra el am a ni aw?

JEREMIA 11:8

Nisienlakhawm, an awi nawh a, an na khawm an sit bawk nawh a, amiruokchu, mi tin chu mâni lungril ngarna ang pei chun an fe lem a; chuleiin, an chunga chun hi thu- thlung thuhai po po hi ka hung intlungtir a, chuong chu thaw dingin thu ka pêk a, nisienlakhawm, an thaw nawh a,’ tiin.

JEREMIA 16:12

in thlatuhai nêk hman chun thil suol in thaw lem a, ngai ta u, mi tin el chu mâni lungril ngarna ang peia fein, keia thu chu in ngai ta nawh a;

JEREMIA 17:23

nisienlakhawm, an ngai nawh a, an na khawm an sit nawh a, an rîng an sukngar a, an hriet nawna ding le inchûktirna chu an pawm nawna dingin.

JEREMIA 19:15

“Sipaihai LALPA Israel Pathien chun hieng hin a tih. Ngai ta u, a chunga tlung dinga ka lo hril ta po po, thil ṭha naw po po chu hi khawpui le a khawperhai po po chunga chun ka hung intlungtir ding a nih, anni chun an lungril an sukngar a; ka thuhai chu an ngai nawna dingin,” a ta.

JEREMIA 22:21

I vângneinaa chun i kuomah thu ka hril a; amiruokchu, nang chun, “Ngai naw ning,” i tih a. I naupang laia inthawk tah hi hi i khawsak dân a ni hrim a; ka râwl hi i ngai ngai nawh.

JEREMIA 25:3

“Juda ram lal Amon naupa Josia inlal kum sâwmpathum kuma in- thawka vawisûn ni chen hin, hi kum sâwmhni pathum sûng hin LALPA thu chu ka kuomah a hung tlung hlak a; chun, in kuoma chun ṭhahnem- ngaitakin ka lo hril hlak cheu a; amiruokchu, in awi ngai nawh a.

JEREMIA 25:7

Ana chu, ka thu chu in ngai nawh a, LALPA chun a tih; in insuknatna dinga in kut sinthawhai chun in mi suklungsen a.

JEREMIA 26:5

inhmataka thoa anni hung tira, ka siehlaw zâwlneihai in kuoma ka hungtirhai thuhai in ngai dinghai chu, in ngai ta nawh a;

JEREMIA 29:19

anni chun ka thu an ngai naw leiin, LALPA chun a tih; inhmataka thoa anni tirin, ka siehlaw zâwlnei- hai chu an kuomah ka tir a; nisien- lakhawm, anni chu in lo ngai si nawh, LALPA chun a tih.

JEREMIA 3:13

I suolna chu hre phawt phawt la, LALPA i Pathien chunga chun i lo bawsiet tah a, thing hring tin hnuoia chun hmêlmakhai kuomah i lo inphal tah a, ka râwl khawm chu i awi bawk ta nawh a, LALPA chun a tih.

JEREMIA 32:23

chuongchun, an hung lût a, an nei a, nisienlakhawm, i râwl chu an awi nawh a, i dân khawm chu an zâwm bawk nawh a; anni chun thaw dinga thu i pêkhai a iengkhawm chu an thaw nawh a; chuleiin, thil ṭha naw tinrêng chu an chunga chun în tlungtir a,

JEREMIA 34:14

‘Mi tinin a unaupa Hebrai mi nia, ama kuoma zawra lo um amanih, ama chu kum ruk sûng rawng lo bâwlpêk ta chu, kum sari tâwpa chun infetir in ta, nangmaa inthawk chun a thlâwnin în fetir ding a nih,’ tiin, nisienlakhawm, in thlatuhai chun an mi ngai nawh a, an na khawm an sit nawh.

JEREMIA 35:15

Chun, zîngkâra thoa anni hung tirin, ‘Mi tin chu mâni lampui suola inthawk chun hung kîr unla, in thil- thawhai chu siemṭha unla, pathien danghai chu an rawng bâwl dingin zui bawk naw ro, chuongchun, nangni le in thlatuhai kuoma ram ka ipêk cheua hin chêng in tih,’ tiin, ka siehlaw zâwlneihai po po chu in kuomah ka hung tir a; nisienla- khawm, in na khawm in sit nawh a, ngai khawm in mi ngai naw kha.

JEREMIA 35:17

chuleiin, LALPA, Sipaihai Pathien, Israel Pathien chun hieng hin a tih: Ngai ta u, Juda ram chunga le Jerusalem hluotuhai po po chunga chun, an chunga thil ṭha naw tlung ding ka hril ta kha ka hung intlungtir ding a nih; an kuomah thu ka hril a, an ngai naw leiin, anni chu ka ko a, an mi dawn naw leiin,” tiin.

JEREMIA 44:16

“LALPA hminga kan kuoma i thuhril chungthua chun, i thu chu ngai naw ning ungah.

JEREMIA 5:3

Aw LALPA, i mit chun thudik chu a hmu a ni naw am a nih? Anni chu i vuok a, amiruokchu, an lungngai nawh a; anni chu i fâk zo a, anachu, sukdikna chu an dangkîr sih a, an hmêlhai chu lungpui nêka ngarin an siem a, hungkîr chu an nuom naw a nih.

JEREMIA 6:10

An hriet theina dingin tu kuom am thuhrilin hrilfieng ka ta? Ngai ta, an nahai chu verlo an na, an hriet thei hrim hrim nawh! ngai ta, LALPA thu chu an kuoma chun inhalna ang chau a na, amaa chun lâwmna hrim an nei nawh.

JEREMIA 6:17

nisienlakhawm, “Chu chu hraw naw ning ungah,” an tih a. Chun, in chunga chun vêngtu ka sieh a, “Taw- tawrâwt ri chu lo ngai ta u,” tiin, nisienlakhawm, anni chun, “Ngai naw ning ungah,” an tih a.

JEREMIA 7:24

Nisienlakhawm, an ngai nawh a, an na khawm an sit bawk nawh a, amiruokchu, anni remruotnaa le, an lungril rilo kâwmâwna chu hrawin, hmatiengah ni loin an kîr nâwk ta lem a.

JEREMIA 9:13

LALPA chun hieng hin a tih: An hmaa dân ka sie chu an nghatsan a, ka râwl khawm an awi nawh a, chu- taka chun an fe bawk naw leiin a nih;

EZEKIEL 12:2

“Mihriem naupa, nang sûngkaw hel hmang, hmûna dinga mithai nei sih a, hmu lohai, hrietna dinga nahai nei sih a, hre lohai laia chêng, sûng- kaw hel hmang an ni sih a.

EZEKIEL 12:3

Chuleiin, nang mihriem naupa, sal intâng ding angin thuomhnaw intêl la, sûnah an mithmu ngeiah fe suok rawh; chun, an mithmua chun i hmuna inthawkin hmun dangah insawn rawh; sûngkaw hel hmang an ni nâka chu an ngaituo thei rawi mawh.

EZEKIEL 20:30

Chuleiin, Israel sûngkuohai kuoma chun hril la, Lalpa PATHIEN chun hieng hin a tih: In thlatuhai thaw dân ang bawkin nangni le nangni in insukpawrche ding a ni maw? An tirdakumna chu châkin in zâwm ve ding a ni maw?

DANIEL 9:6

i siehlaw zâwlneihai, kan lalhai le, kan ṭhuoituhai le, kan thlatuhai le hi rama mi po po kuoma nangma hminga thu lo hril hlakhai thuhril chu kan ngaisak bawk nawh a.

HOSEA 11:7

Ka mihai chun mi nghatsan an tum zing a, Chuongchun, an ta dingin rîngkawl ruotpêk an nih, Chu chu tukhawma hlîppêk naw nih.

ZEKARIA 7:11

Nisienlakhawm, an pawisa nuom nawh a, an liengko an her- hmang a, an hriet nawna dingin an nahai an suksêt a.

MALAKI 3:7

“In thlatuhai hunhaia inthawkin ka thupêkhaia inthawk chun in inher hmang a, in lo pawm ta nawh a. Ka kuomah hung kîr unla, kei khawm in kuomah hung kîr ka tih, sipaihai LALPA chun a tih. Nangni hlak chun, ‘khâwtieng am hung kîr kan ta?’ in ti lem a.

MATTHAI 21:38

Nisienlakhawm, lo enkawltuhai chun a naupa chu an lo hmu phingleh, ‘Hi mipa hi rohluotu ding chu a nih; that ei tiu a, a ro hluo ding hi nei pêk ei tiu,’ an ta.

MATTHAI 23:32

In puhai inkhîna chu suksip nghâl nghâl ro.

THILTHAWHAI 7:51

“Mi kâwmawhai, lungril le na tan nawhai, kumkhuoin Thlarau Inthieng hi in kal rawp el; in thlatuhai thaw ang pei khan in thaw hlak.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:5

I lulul le i lungril ngar leiin, lungsenna le Pathien rorêlna feltak hung inlang ding nia ding chun i chungah lungsenna în khâwlkhâwm a ni lem a nih.

DÂN PAHNINA 8:20

In hmaa hnam danghai a sukbo- hmang angin nangni khawm bo- hmang in tih, LALPA in Pathien râwl chu ngai nuom lo in ni ding a ni leiin.