JEREMIA 7:24 - Pathien Lekhabu Inthieng (BSI)

²⁴ Nisienlakhawm, an ngai nawh a, an na khawm an sit bawk nawh a, amiruokchu, anni remruotnaa le, an lungril rilo kâwmâwna chu hrawin, hmatiengah ni loin an kîr nâwk ta lem a.

JEREMIA 7:24 ပူးပေါင်းရင်းမြစ်များ

NEHEMIA 9:29

“I dâna i ṭhuoi lût thei nâwkna dingin i kâwk hlak a; nisienlakhawm, chapotakin thil an thawh a, i thupêk- hai an pawm nawh a, i rorêlna kalin thil an suksuol a; (miin an zâwma an hringpui ding chu); chun, an tuk- hnungkhur an innghat a, an insuk- kâwmawh a, an ngai nuom nawh a.

INPÂKNA HLABU 81:13

Aw, ka mihai hin ka thu ngaiin, Israelhai hi ka lampuia hin fe hai sien chu aw!

JEREMIA 13:10

Hi hnam suol ka thu ngai nuom loa, an lungril ngarna anga fea, an rawng bâwl dinga pathien danghai chu zuia, anni chibai bûktuhai hi hi hrên ienga khawma ṭhangkai ta lo ang hi nîng an tih.

JEREMIA 13:11

Hrên chu mi kâwnga a kawp angin, Juda sûngkuo po po le Israel sûngkuo po po chu keimaa kawp dingin ka lo thaw tah a, LALPA chun a tih: keia ta dinga mihai an nih a, hming an nih a, inpâkna an nih a, ropuina an ni theina dingin, nisien- lakhawm, an ngai si nawh a.

JEREMIA 15:6

Nang chun i mi lo hnâwl ta a, LALPA chun a tih: hnungtieng i lo fe tah a; chuleiin, i chungah ka kut kân let a, ka suksiet che a nih; lunginsietna inlangtir hi ka nghawk ta a nih.

JEREMIA 16:12

in thlatuhai nêk hman chun thil suol in thaw lem a, ngai ta u, mi tin el chu mâni lungril ngarna ang peia fein, keia thu chu in ngai ta nawh a;

JEREMIA 17:23

nisienlakhawm, an ngai nawh a, an na khawm an sit nawh a, an rîng an sukngar a, an hriet nawna ding le inchûktirna chu an pawm nawna dingin.

JEREMIA 17:9

Thil po po nêkin lungril hi ân khêl a; a se bik rieu a; tuin am hre thei a ta?

JEREMIA 18:10

ka mithmua chun thil ṭha naw a thawa, ka râwl a ngai naw chun, anni sukṭhatna dinga ka ti thil ṭha chu la kîr ka tih.

JEREMIA 18:12

“Nisienlakhawm, ‘Beiseina hrim a um nawh, mi tin mâni ngairuotna ang seng ei hraw ding a na, eini mi tin chun mâni lungril rilo ngar- zie ang peiin ei thaw el ding a nih,’ an ta.

JEREMIA 2:27

thingbul kuoma chun, ‘Nang hi ka pa i nih,’ an ta, lung kuoma chun, ‘Nang hin i mi nei a,’ an tih a, an hmai tieng ni loin, an hnung an mîn nghat ta sih a; an buoi lai huna ruok chun, ‘Hung tho la, mi sanhim rawh,’ an ta.

JEREMIA 22:21

I vângneinaa chun i kuomah thu ka hril a; amiruokchu, nang chun, “Ngai naw ning,” i tih a. I naupang laia inthawk tah hi hi i khawsak dân a ni hrim a; ka râwl hi i ngai ngai nawh.

JEREMIA 23:17

LALPA thuhai hmusittuhai kuoma chun, LALPA chun, ‘Thla- muongna nei in tih, a tih,’ an ti zing zing hlak a, chun, mi mâni lungril ngarzie ang peia um hlaktu kuoma khawm chun, ‘In chungah thil ṭha naw hung tlung naw nih,’ an ti bawk hlak a.

JEREMIA 3:13

I suolna chu hre phawt phawt la, LALPA i Pathien chunga chun i lo bawsiet tah a, thing hring tin hnuoia chun hmêlmakhai kuomah i lo inphal tah a, ka râwl khawm chu i awi bawk ta nawh a, LALPA chun a tih.

JEREMIA 3:17

Chu pha chun Jerusalem chu LALPA lalṭhungpha tiin inbûk an ta, hnam po pohai chu chutaka chun kei khâwm nîng an ta, LALPA hmingin Jerusalema chun, an lungril rilo ngarna ang chun fe khâwm nâwk ta ngai naw ni hai.

JEREMIA 32:23

chuongchun, an hung lût a, an nei a, nisienlakhawm, i râwl chu an awi nawh a, i dân khawm chu an zâwm bawk nawh a; anni chun thaw dinga thu i pêkhai a iengkhawm chu an thaw nawh a; chuleiin, thil ṭha naw tinrêng chu an chunga chun în tlungtir a,

JEREMIA 32:33

Chun, kei chu hmatieng ni loin, hnungtieng an mînnghat a, inhma- taka thoa anni inchûktirin, anni chu ka lo inchûktira chu, inchûktirna chu hre dingin an ngai si nawh a.

JEREMIA 35:15

Chun, zîngkâra thoa anni hung tirin, ‘Mi tin chu mâni lampui suola inthawk chun hung kîr unla, in thil- thawhai chu siemṭha unla, pathien danghai chu an rawng bâwl dingin zui bawk naw ro, chuongchun, nangni le in thlatuhai kuoma ram ka ipêk cheua hin chêng in tih,’ tiin, ka siehlaw zâwlneihai po po chu in kuomah ka hung tir a; nisienla- khawm, in na khawm in sit nawh a, ngai khawm in mi ngai naw kha.

JEREMIA 6:16

LALPA chun hieng hin a tih: Lampuiahai chun ngîr unla, en ta u, lampui ṭha hluihai chu indawn unla, “lampui ṭha chu khâw lai am a na; chu chu hraw unla, in thlarau ta dingin châwlna hmûng in tih,” tiin;

JEREMIA 7:26

nisienlakhawm, keia thu chu an ngai chuong nawh a, an na khawm an sit bawk nawh a, an rîng chu an suktlûn a, an thlatuhai nêkin an thaw ṭha naw lem tah a.

JEREMIA 8:5

Iengtiziea hieng Jerusalema mihai hi hnungtawl sawng zingnaa an hnungtawl am a na? Hlêmna chu an chel det tlat a, kîr nâwk an nuom nawh a.

JEREMIA 9:14

nisienlakhawm, an lungril ngarna ang pei chu an hraw lem a, Baal hnung chu an zui a, an thlatu- haiin anni an lo inchûktir ta ang khan;

EZEKIEL 20:13

Amiruokchu, Israel sûngkuo chu thlalêra khan ka chungah an hel a, ka thuruotahai chun an fe nawh a, chuong chu miin a thawa a hringna dinghai ka rorêlhai khawm chu an dang kîr a; ka châwlni khawm chu nasatakin an suksiet a, chun, kei chun thlalêra chun anni chu kâng- hmang dingin ka lunginsenna chu an chungah ka bunthlâk ding a nih ka ti tah a.

EZEKIEL 20:16

ka rorêlhai chu an dang kîr a, ka thuruothai chu an hraw nawh a, ka châwlnihai chu an bâwsiet ta leiin; an lungrilhai chun an milimhai chu a zui sih a.

EZEKIEL 20:21

Nisienlakhawm, chuong thlahai chu ka chungah an hel ta rawp a, ka thuruothai chu an hraw nawh a, ka rorêlhai khawm chu thaw dingin an zâwm bawk nawh a; chuong chu miin a thaw chun chuonga chun hring a tih; ka châwlni khawm an sukpawr- cheh a; chun, kei chun thlalêra an chunga ka lunginsenna chu sukpui- tling dingin an chunga chun ka lunginsenna chu ka bunthlâk ding a nih ka tih a.

EZEKIEL 20:8

Nisienlakhawm, ka chungah an hel a, ka thu an ngai nawh a; mi tin chun an mithmua an tirdakumnahai chu an pei thlâk naw bawk a; Aigupta milimhai khawm chu an nghatsan bawk nawh a; chun, kei chun, ‘an chunga chun Aigupta ram sûnga an chunga ka lungsenna sukpuitling dingin ka lunginsenna chu ka bun- thlâk ding a nih,’ ka tih a;

DANIEL 9:6

i siehlaw zâwlneihai, kan lalhai le, kan ṭhuoituhai le, kan thlatuhai le hi rama mi po po kuoma nangma hminga thu lo hril hlakhai thuhril chu kan ngaisak bawk nawh a.

HOSEA 10:6

Ama ngei khawm chu Laltak Jareb kuoma pêk dingin, Assuria rama fe hmangpui nîng a tih. Ephraim chun inzakna hmûng a ta. Israel khawm chun ama thurawt ngei chu inzâpui a tih.

HOSEA 4:16

Bâwngla kâwmaw ang elin Israelhai chu an kâwmaw a, Tuhin LALPAIN berâmte angin hmun lientakah châwm a tih.

MIKA 6:16

Omri thuruothai chu vawng zing a ni sih a, Ahab sûngkuo thil- thaw po pohai leh; an remruothaia chun in fe a nih; chuleiin, hmun râusanah ka siem ta ding che a nih, a sûnga chênghai hi nuizatbûr dingin; chun, ka mihai hmingsietna chu phur in tih.”

ZEKARIA 7:11

Nisienlakhawm, an pawisa nuom nawh a, an liengko an her- hmang a, an hriet nawna dingin an nahai an suksêt a.

DÂN PAHNINA 29:19

Chun, chuong chu a ni chun chu, hi inkhâmna thu hi a hrietin, ‘thil ṭâwla thil hnâwng sukhlum tum ti angin, lungril kâwmâwtakin um inla khawm, lungmuongna chu ka nei hrim hrim,’ tiin a lungrilin mal insâwm fâwm khat rawi a tih.