JEREMIA 7:23 - Pathien Lekhabu Inthieng (BSI)

²³ nisienlakhawm, hi thua hin thu ka pêk a, “Ka râwl hi ngai unla, in Pathien nîng ka ta, nangni khawm ka mihai nîng in tih; chun, thu ka pêk cheu po po kha hraw unla, in ta dingin ṭhâng a tih,” tiin.

JEREMIA 7:23 ပူးပေါင်းရင်းမြစ်များ

JOB LEKHABU (THE BOOK OF JOB) 36:11

Chu chu an ngai a, ama rawng an bâwl chun, an nihai chu hausaknain hmang zo an ta, An kumhai chu nuomsipnain.

INPÂKNA HLABU 119:3

Anih, anni chun fel nawna hrim hrim an thaw nawh a, A lampuihaia chun an fe hlak.

INPÂKNA HLABU 40:6

Inthâwina le thilinhlân chunga hin lâwmna hrim i nei nawh a: Ka nahai hi i mi sukvarpêk tah a; Pumrawhmanga thilinhlân le suol ta dinga thilinhlân chu i phût nawh.

INPÂKNA HLABU 81:13

Aw, ka mihai hin ka thu ngaiin, Israelhai hi ka lampuia hin fe hai sien chu aw!

FESUOKNA 15:26

ama chun, “LALPA in Pathien rawl chu nguntaka in ngai a, a mit hmuha thildik chu in thawh a, a thupekhai tieng in na in sit a, a dân ziekhai chu in vawng tlat chun, Aigupta mihai chunga kân tlungtir natnahai hrim hrim kha in chungah intlungtir dêr naw ningah: LALPA nangni sukdamtu cheu chu ka ni sih a,” a tih a.

FESUOKNA 16:32

Mosie chun, hi thil hi a nih LALPAIN, “In thlahai ta dingin omer sip khat kawl zing ro, Aigupta rama inthawka ka ṭhuoi suok lai cheua ka châwmna cheu bei chu an hmu theina dingin, tiha thu a lo pêk chu,” a tih a.

ISAI 3:10

Mi fel thua chun, “An la ṭha ding a nih,” ti ro; an thilthaw rahai chu an fâk ding a ni sih a.

JEREMIA 11:4

Aigupta ram, thîr sutna pûm meia inthawka anni ka ṭhuoi suok laia, ‘Ka râwl ngai unla, thaw ro, chuongchun, ka mihai nîng in ta, kei khawm in Pathien nîng ka tih,’ tia in thlatuhai kuoma thu ka lo pêk tah thuhai chu.

JEREMIA 11:7

Aigupta rama inthawka anni ka hung ṭhuoi suok nia inthawk tah vawisûn ni chen khawm hin. “Ka râwl chu awi ro,” tia hrila, inhmataka thoa, anni chu inhriettirin, in thlatu- hai chu ṭhahnemngaitakin ka lo inhriettir tah a.

JEREMIA 13:11

Hrên chu mi kâwnga a kawp angin, Juda sûngkuo po po le Israel sûngkuo po po chu keimaa kawp dingin ka lo thaw tah a, LALPA chun a tih: keia ta dinga mihai an nih a, hming an nih a, inpâkna an nih a, ropuina an ni theina dingin, nisien- lakhawm, an ngai si nawh a.

JEREMIA 22:21

I vângneinaa chun i kuomah thu ka hril a; amiruokchu, nang chun, “Ngai naw ning,” i tih a. I naupang laia inthawk tah hi hi i khawsak dân a ni hrim a; ka râwl hi i ngai ngai nawh.

JEREMIA 22:3

LALPA chun hieng hin a tih: Felna le rorêlna chu tirsuok unla, nêksâwrtu kuta inthawk suksieta um chu sansuok ro; thil dik naw chu thaw naw unla, thawluina chu thaw naw unla, hmeithaihai le, mikhuolhai le pa neilohai chunga chun; hi hmuna hin mi thiem thisen chu insuo bawk naw ro.

JEREMIA 24:7

An kuoma chun, LALPA ka nih ti mi hre dingin lungril pêng ka ta; chuongchun, ka mihai nîng an ta, kei khawm an Pathien nîng ka tih; an lungril po po leh ka kuomah an hung kîr nâwk ding a ni sih a.

JEREMIA 31:33

Amiruokchu, chuong nihai hnunga Israel sûngkuo le thuthlung ka siem ding chu hi hi nîng a tih, LALPA chun a tih: an sûngrilahai chun ka dân chu sieng ka ta, an lungrilahai chun ziek bawk ka tih; chun, an Pathien nîng ka ta, anni chu ka mihai nîng an tih,

JEREMIA 32:23

chuongchun, an hung lût a, an nei a, nisienlakhawm, i râwl chu an awi nawh a, i dân khawm chu an zâwm bawk nawh a; anni chun thaw dinga thu i pêkhai a iengkhawm chu an thaw nawh a; chuleiin, thil ṭha naw tinrêng chu an chunga chun în tlungtir a,

JEREMIA 38:20

Nisienlakhawm, Jeremia chun, “Nang chu pe suok naw ni hai che. LALPA râwl i kuoma thu ka hrilna hi awi el rawh, ka ngên che hi, chuong- chun, i ta dingin ṭhâng a ta, i hringna khawm hlain um a tih.

JEREMIA 42:6

A ṭha amanih, a sie amanih khawm ni sienla, LALPA kan Pathien kan itirna che chu a râwl chu ngai kan tih; LALPA kan Pathien râwl chu kan awi pha chun, keini ta dinga a ṭhatna dingin,” an ta.

ZEPHANIA 3:2

Ama chun râwl chu a pawisa nawh a, sukdikna chu a pawm nawh a, LALPA khawm chu a ring nawh a; a Pathien khawm chu a hung hnai bawk nawh a.

ZEKARIA 6:15

Chun, ram hlataka umhai khawm chu hung an ta, LALPA biekin chu hung bâwl an ta; chun, sipaihai LALPA chun in kuomah a mi hung tir a nih ti hre tâng in tih. Hieng thilhai hi la hung tlung ngei a tih, LALPA in Pathien râwl chu nguntaka in zui phawt chun,” tiin.

ZEKARIA 7:7

Hausakna le Jerusalem le a vêla khawpuihai le Simtieng le ram- phaihai chu hluo a ni laia, zâwlnei hmasahai hmanga LALPAIN thu a khêkpuihai chu in ngai naw ding am a nih?’ tiin,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:26

Chu thurûk chu kumkhuo Pathien thupêk angin zâwlneihai le- khathuin hnam tin kuomah inhriettir a ni tah a, mi tinin an ringa an zâwm theina dingin.

2 KORINTH 10:5

insêlnahai le thil insâng tinrêng Pathien hrietna hluotu dinga insângtaka siemhai chu ṭhiekin, ngaituona tinrêng Krista thuawina salah kan ṭhuoi a,

DÂN PAHNINA 11:27

LALPA in Pathien thupêkhai tuta ka pêk cheu hi in zâwm chun malsâwmna,

DÂN PAHNINA 13:4

LALPA in Pathien chu zui in ta, ama chu ṭîng in ta, a rawng dâm bâwl in ta, ama chu in chel tlat ding a nih.

DÂN PAHNINA 13:5

Chun, chu zâwlnei amanih, mang neitu amani chu sukhlum ding a nih. Aigupta rama inthawka ṭhuoisuoka, suoka inthawka intlantu cheu LALPA in Pathienin hraw ding thu a pêk cheu lampuia inthawka pêthmang dinga, LALPA in Pathien chunga helna thu a hril leiin. Chuong ang chun nangni laia thil ṭha naw chu in sukbo ding a nih.

DÂN PAHNINA 30:2

LALPA in Pathien tieng chu in ngha nâwk a, tuta thu ka pêk cheu ang hin nangni le in nauhai leh in lungril po po le in lungvar po poa a rawl in zâwm pha chun,

DÂN PAHNINA 30:20

LALPA in Pathien hmangaia, a râwl ngaia, ama cheltlatin, ama chu in hringna, in dam sâwtna a ni sih a; chuongchun, in pu Abraham hai, Isak hai, Jakob hai inkhâma pêk a tiem rama chun in um ding annawm,” tiin.

DÂN PAHNINA 30:8

Chun, hung ngha nâwk in ta, LALPA râwl hi pawm in ta, vawisûna thu ka pêk cheu, a thupêk po pohai hi zâwm in tih.

DÂN PAHNINA 4:10

“Horeb tlânga LALPA in Pathien hmaa ngîr a, LALPAIN ka kuomah, ‘Mipuihai chu mi ko khâwm pêk rawh, hnuoia an um sûng poa mi ṭi dân an inchûk theina dingin an nauhai inchûktir dingin ka thuhai lo inhriettir ka tih,’ a mi ti ni khawm kha theinghil rawi in tih.

DÂN PAHNINA 4:40

Kumkhuoa dinga LALPA in Pathienin a pêk cheu rama chun nangni le in thlahai ta dinga ṭha le in chêng sâwt theina dinga thuruothai le thupêkhai, tuta ka pêk cheu hi in zâwm ding a nih,” ti hi.

DÂN PAHNINA 5:16

“LALPA i Pathienin thu a pêk che angin i nu le i pa chawimawi rawh; chuongchun, LALPAIN ram a pêka che hin tluongtlung i ta, i dam sâwt ding a nih.

DÂN PAHNINA 5:29

Chuong ang lungril chu put hlak hai sien chu aw, mi ṭîng an ta, ka thupêkhai chu zâwm rawp an ta, anni le an nauhai khawm kumkhaw- tluongin an tluongtlung hle ding bah!

DÂN PAHNINA 5:33

In va hluo ding rama in uma, in ta dinga ṭhatna ding le in chêng sâwt theina dingin LALPA in Pathienin thu a pêk cheu lampui chu in hraw tluonsuok ding a nih.

DÂN PAHNINA 6:3

Chuleiin, aw Israel mihai, in tluongtlunga, LALPA, in pi le puhai Pathienin a tiemkam ta cheu angin nênetui le khuoizu luongna rama nasataka in hung pung theina dingin ngai unla, zâwm dingin fîmkhur ro.

HEBRAIHAI 5:9

chuongchun, sukṭhat famkima hung umin a thu awi po pohai ta dingin chatuona sandamna bulpui a hung ni tah a,

1 SAMUEL 15:22

Chun, Samuel chun, “LALPA chun LALPA thu zâwm chu a lâwm angin pumrawhmang thilinhlânhai le inthâwinahai hi a lâwm am a nih? Ngai ta, inthâwina nêkin thuawi chu a ṭha lem a, berâmchal thau nêkin a thu pawm chu a ṭha lem a nih.