JEREMIA 7:21 - Pathien Lekhabu Inthieng (BSI)

²¹ Israel Pathien, sipaihai LALPA chun hieng hin a tih: In inthâwina- haia chun in pumrawhmang thilin- hlânhai chu belsa unla, sa chu fa ro.

JEREMIA 7:21 ပူးပေါင်းရင်းမြစ်များ

INPÂKNA HLABU 50:8

I inthâwinahai leiin kâwk naw ning chengah a, I pumrawhmang thilinhlânhai chu ka hmaah a um rân sih a.

ISAI 43:23

Pumrawhmanga in thilinhlân ran chînhai chu in mi hung pêk ngai nawh a, in inthâwina tieng chun in mi chawimawi ngai bawk nawh. Thil inhlânin rawng kân bâwltir ngai naw cheu a, berawin ka suksâwl ngai bawk naw cheu a.

JEREMIA 14:12

Bu an nghei pha khawm, an khêkri chu ngai naw ning a; in- thâwina le pumrawhmang thilinhlân an inhlân pha khawm pawmpêk naw ningah; amiruokchu, anni chu kâwl- hnâm le, ṭâm le hripuiin sukbohmang lem ka tih” a ta.

JEREMIA 6:20

Ram hlataka inthawka mafuhai le, Seba-a inthawka berawhai chu ieng kawngroa ka kuoma hung am an ni leh? In pumrawhmang thilinhlân- hai chu pawm a ni nawh a, in in- thâwinahai khawm chu ka ta dingin lâwmum a ni nawh.

EZEKIEL 33:25

Chuleiin, an kuoma chun, Lalpa PATHIEN chun hieng hin a tih: Thisen leh bu in fâk a, in milimhai tieng chun in mithai in inlên a, thisen in insuo a, ram chu in chang hrim ding am a nih?

HOSEA 8:13

Ka ta dinga inthawina thilinhlânhai chu! Sa an inhlân a, an fâk a; chuong chu LALPAIN a pawm nawh. Chuongchun, an rîtlona hre zing a ta, an suol hrem a ta, Anni chu Aigupta ramah kîr nâwk an tih.

DÂN PAHNINA 12:27

Chun, LALPA in Pathien mâichâmah in pumrawhmang thilin- hlân chu, a sa le a thisen inhlân in ta, chun in inthâwinahai thisen chu LALPA in Pathien mâichâma chun bun suok in ta, a sa chu fâng in tih.