JEREMIA 7:20 - Pathien Lekhabu Inthieng (BSI)

²⁰ Chuleiin, Lalpa PATHIEN chun hieng hin a tih: Ngai ta, ka lungin- senna le ka ṭiumna chu hi hmuna hin bunthlâk nîng a ta, mihriem chunga le, ramsahai chunga le, rama thing- hai chunga le, hnuoia rahai chunga chun; chun, kâng a ta, ṭhel ni ngai naw ni.

JEREMIA 7:20 ပူးပေါင်းရင်းမြစ်များ

2 LALHAI 22:17

an mi mâksan a, pathien danghai kuomah riminhnik an rawh a, an kutsuoka an mi suklungsen leiin hi hmuna hin ka lunginsenna chu a chawk nasa ding a na, rêm el naw nih.

ISAI 10:17

Chun, Israelhai êntu chu mei dingin nîng a ta, an Mi Inthieng chu meichawk dingin ni bawk a tih: chu chun ni khat thilah a hlohlingneihai le a buorhai chu sukkângin sukbo- hmang a tih, hmawlin thing ni lo mihriem ân let lem ang elin maw!

ISAI 42:25

Chuleiin, a lunginsenna nasat- na le inthawna ṭha chu an chungah a bunthlâk a; chuongchun, anni chu a raw vêl a, nisienlakhawm, an lungril- in an ngaituo si nawh.

ISAI 66:24

Chun, fe suok hlak an ta, keia chunga bawsetuhai ruok chu en an tih, an ngêhai chu a thiin, an mei chu sukhlumin a um ding a ni si nawh a, mi po po ta dingin thil tirdakumtak nîng a tih”.

JEREMIA 11:16

LALPA chun i hming a sak a, Oliv thing hring, ra ṭhatak le mawi a ti che a, buoina nasatak ri chun a chunga chun mei a sem a, a kauhai chu a tliek tah a.

JEREMIA 12:4

Ieng chen am ram chun sûnin, ram pumpui hlohnahai chu a vuoi ding a na? chutaka an rîtlona um zing lei chun, ramsahai le vatehai khawm chu an bohmang a, “Ei ni hnungtieng tâwpna chu hmu naw ni,” an ti leiin.

JEREMIA 14:16

Chun, chuong mipuihai an thuhrilnahai chu ṭâmna le kâwlhnâm leiin Jerusalem kawtthlêrahai chun pei suokin um an ta; anni phûmtu ding tukhawm nei naw ni hai, anni leh, an nuhmeihai le an naupasalhai, an naunuhmeihai leh; anni chunga chun an rîtlona chu ka bunthlâk ding a ni sih a.

JEREMIA 17:27

Amiruokchu, châwlni chu in- sera, châwlnia Jerusalem dâi kawt- khârhaia phur phura lût lo dinga ka thu in ngai naw chun, chutaka dâi kawtkhâra chun mei sêm ka ta, Jerusalem in ropuihai chu kâng- hmang a ta, sukmit ni ngai hrim hrim naw ni.

JEREMIA 17:4

Nang khawm, nang ngei khawm, i rochan dinga, ka pêk chea chun um zing naw ti nih a, ram i hriet ngai loa chun i hmêlmahai rawng inbâwltir ka ti che a; ka lunginsennain mei, kumkhuoa chawk ding chu i lo sêm ta sih a.

JEREMIA 18:23

Amiruokchu, LALPA, mi thatna dinga ka chunga an thu inrâwnna po po kha i hriet a, an suolna chu ngai- dam naw la, i mithmua inthawk chun an suol chu sukhmangpêk bawk naw rawh, amiruokchu, nangma hmaa chun pei thlûkin um hai sienla, anni chu i lunginsen lai chun sawisa rawh.

JEREMIA 21:12

Aw David sûngkuo, LALPA chun hieng hin a tih: Zîngtieng chun rorêlna chu tirsuok la, nêksâwrtu kuta inthawk chun suksieta um chu sansuok la; chuong naw chun, in thil- thawhai rîtlo leiin, mei angin ka lunginsenna chu fe suok a ta, tukhawm ṭhel ruol loin chawk a tih.

JEREMIA 42:18

Sipaihai LALPA Israel Pathien chun hieng hin a ti sih a: Jerusalem hluotuhai chunga ka lunginsenna le ka ṭiumna bunthlâka a um ang khan; Aigupta rama in lût pha chun ka ṭiumna chu in chunga chun bunthlâk ni vêng a tih; chuongchun, hnâwm- hnawk le, makti ding le, ṭawngsephur le, thusekawk nîng in ta, hi hmun hi hmu nâwk ta ngai naw ti niu.

JEREMIA 44:6

Chuleiin, ka lunginsenna le ṭîumna chu Jerusalem kawtthlêrhaia le Juda ram khawpuihai chunga chun bunthlâkin a um a, mûtchawkin a um ta a ni kha; chuongchun, vawisûn ni chena an ni angin, suksiet le râusan an ni tah a.

JEREMIA 6:11

Chuleiin, LALPA lunginsenna chun ka sip a; insûm zing chu ka nghawk a nih; kawtthlêra chun nau- panghai laia chun bunthla la, tlang- vâl inkhâwmhai laia le chun; pasal chu a nuhmei le chun lâk nîng an ta, mi upatak le tartak khawm.

JEREMIA 6:12

Chun, an inhai, an lohai, an nuhmeihai chu mi danghai kuoma pêk nîng an ta; ram hluotuhai chunga chun ka kut kân let ding a ni sih a, LALPA chun a tih.

JEREMIA 8:13

Anni chu kâng hmang letdêr ka tih, LALPA chun a tih; grêphruiahai chun grêp um naw nih a, theichang kûngahai khawm chun theichang um naw nih a, a hna khawm chu vuoi a tih; chun, an kuoma thil ka pêkhai khawm chu annia inthawk chun fe hmang a tih.

ṬAP HLA 4:11

LALPA chun a ṭiumna chu a hung sukpuitling a, a lunginsenna ṭium chu a hung bunthlâk a; Ziona chun mei a sukchawk a, a lungphûmhai kâng hmangtu chu.

EZEKIEL 22:22

Tangkaruo chu pûmmeia ân tui angin chuong ang chun chutaka chun intui in tih, chuongchun, kei LALPA hin in chungah ka lunginsenna chu ka hung bunthlâk a nih ti hre tâng in tih,” tiin.

EZEKIEL 7:12

A hun chu a hung tlung a, a ni chu a hung hnai tah; inchawtu chu hlim naw sienla, a zawrtu khawma pawiti bawk naw raw se; mi po po chungah lunginsenna chu a um si a.

EZEKIEL 7:14

Tawtawrâwt chu an mût tah a, mi po po chu an inringtir vawng tah a; nisienlakhawm, tukhawm indonaa chun an fe nawh a; ka lunginsenna chu mipui po po chunga chun a um sih a.

DANIEL 9:11

Anih, Israel mihai po po chun i râwl chu awi lo dinga inherhmangin i Dân chu an lo bawsiet tah a; chuleiin, ṭawngsie chu kan chungah, Pathien siehlaw Mosie dâna inkhâmna zieka um le chun buokin a um tah a; chuonga chun thil kan lo suksuol ta sih a.

LEVI DÂN 26:28

lunginsentakin nangni kal zâwngin um ka ta; in suol leiin a let sariin hrem bawk ka ti cheu.

NAHUM 1:6

A lungninawna hmaa chun tu am ngîr thei an ta, a lunginsenna nasa- taka chun tu am um thei an ta? A lunginsenna chu mei anga bunthlâk a na, lungpuihai chu a sukkawi vawng a nih.

ZEPHANIA 1:2

“Leihnuoi chunga inthawkin thil tinrêng chu sukbohmang vawng ka tih,” LALPA chun a tih.

ZEPHANIA 1:3

“Mihriem le sa khawm sukbo- hmang ka ta, chunglêng vatehai le, tuisuorieta ngahai le mi khawhlohai insuithlûktir ka ta; chun, sukbo- hmang vawng ka ta; chun, leihnuoi chunga inthawk hin mihriem chu sât thlâng ka tih,” LALPA chun a tih.

ZEKARIA 7:12

Anih, an lungrilhai chu lungthîr angin an siem a, chuong ni naw sien chu dân le inhmaa zâwlneihai hmanga a thlaraua sipaihai LALPA- IN a pêk thuhai chu an hriet ta ding bah; chuleiin, sipaihai LALPAA in- thawka lunginsenna nasatak chu a hung tlung tah a.

MALAKI 4:1

Sipaihai LALPA chun a tih, “Ngai ta u, ni chu a hung tlung a, rawtuina thuk angin a chawk sih a; chapotaka thawtuhai po po le, khaw- hlotaka thawtuhai po po chu pâwl kûng el nîng an ta: chu ni hung tlung chun anni chu kâng hmang a tih, a zung amanih, a kau amani khawm mâksanpêk dêr loin.

MATTHAI 3:12

A kutin a leipup a chawi a, a hrizâwl zâp fai hieu a ta, a pangah a bû hlûng a ta, a si ruok chu mei rêm thei loin raw hmang a tih,” a ta.

THUPUONGSUO 14:10

a lunginsenna noa iengkhawm pawl loa siem chu dâwn a ta, vântirko inthienghai mithmua le Berâmte mithmua chun mei le kâta sawisakin um bawk a tih.