JEREMIA 7:16 - Pathien Lekhabu Inthieng (BSI)

¹⁶ Chuleiin, hi hnam ta ding hin ṭawngṭai naw la, an ta dingin ṭawng- ṭaina amanih, râwl amani khawm insuo naw rawh; chun, ka kuoma khawm hnina khawm hung siem bawk naw rawh; ka lo ngai âwm si naw cheh a.

JEREMIA 7:16 ပူးပေါင်းရင်းမြစ်များ

2 SAMUEL 8:18

chun, Jehoiada naupa Benaia chu Kereth mi le Peleth mihai hotu a nih; chun, David naupasalhai chu thiempu an nih.

FESUOKNA 32:10

chuleiin, tuhin mi mâksan rawh, an chunga ka lunginsenna chu a hung lum a, anni ka sukbohmang theina dingin; nang ruok chu hnam ropuitakah la siem ka ti che,” a tih a.

ISAI 1:15

Chuongchun, in kut in phar pha khawm in tienga chun ka hmai hip tâng ka ta, anih, vawi tamtak in ṭawngṭai hnung khawmin ngai ta naw ningah; in kuthai chu thisenin a sip sih a.

JEREMIA 11:14

Chuleiin, hi hnam ta ding hin hni naw la, an ta dingin hnina ama- nih, râwl amanih insuo bawk naw rawh, an buoinaa dinga ka kuoma an khêk pha khawm chun anni chu ka ngai naw ding a ni sih a.

JEREMIA 15:1

Chun, LALPA chun ka kuom- ah, “Mosie le Samuel chu ka hmaah ngîr ta hai sienla khawm, ka lungril chu hi hnam tienga hin ân hêm thei nawh; ka mithmua in- thawkin hnawt suok la, anni chu infe suoktir rawh.

JEREMIA 15:6

Nang chun i mi lo hnâwl ta a, LALPA chun a tih: hnungtieng i lo fe tah a; chuleiin, i chungah ka kut kân let a, ka suksiet che a nih; lunginsietna inlangtir hi ka nghawk ta a nih.

JEREMIA 18:20

Thil ṭha naw chu thil ṭhaa thung a ni ding am a nih? Ka thlarau ta dingin khur an cho ta sih a. An ta dinga thil ṭha hril dinga i hmaa, i lunginsenna annia inthawka suk- kieng dinga ka ngîr kha hre zing la.

JEREMIA 4:28

Hi hi lei hin leihnuoi chun sûn a ta, chun, chunga vânhai inthim a tih; ka hril ta leiin, ka tum tlat tah a; kân sîr bawk nawh a; chutaka inthawk lamlêt bawk naw ning.”

JEREMIA 7:17

Jerusalem kawtthlêrahai le Juda khawpuihaia an thawhai chu i hmu nâwm a nih?

MIKA 3:4

Chu pha chun LALPA chu ko an ta, nisienlakhawm, anni chu dawn naw nih: anih, chu pha chun an thil thawah an thaw ṭhat nawzie ang peiin, an kuom tieng a hmai thup a tih.

DÂN PAHNINA 9:14

anni sukbohmang ding le vânkhuphnuoia inthawka an hming thaihmang dingin ka law law hang lâwng ka tih a; chun, nangmaa inthawkin anni nêka hnam thil- thawthei le ropui lem siem ka tih’, tiin a mi biek bawk a.

1 JOHAN 5:16

Tûkhawmin a unau thina khawp nilo suol thawin hmu sienla, hnipêk a ta, chuongchun, Pathienin a hnitu kuoma chun thina khawp nilo suol thawtuhai ta ding chun hringna pêng a tih. Thina khawp suol a um a; chuong ang tieng chun hnipêk a tih ka ti a ni nawh.