JEREMIA 6:8 - Pathien Lekhabu Inthieng (BSI)

⁸ Aw Jerusalem, inchûktirin in um tah, chuong naw chun, ka thla hin hransan rawi a ti che, chuong naw chun, râusan le ram hluo loah siem ka ti che.

JEREMIA 6:8 ပူးပေါင်းရင်းမြစ်များ

INPÂKNA HLABU 2:10

Chuongchun, aw lalhai, var ta unla, Hnuoia rorêltuhai inchûktirin um ro.

INPÂKNA HLABU 50:17

Thunun i theidah a, Ka thuhai hi i hnungtieng i dehâwn pei sih a.

INPÂKNA HLABU 94:12

Mi i thunun a, i dân thua inthawka i inchûktir chu, Aw LALPA, a hamṭha.

THUVARHAI 19:20

Thurâwn chu ngai la, inchûktirna chu pawm rawh, I hihnung tâwp tienga i hung var theina dingin.

THUVARHAI 4:13

Inchûktirna chu cheldet tlat la, infetir dêr naw rawh; Kawl tlat rawh, ama chu i hringna a ni sih a.

JEREMIA 17:23

nisienlakhawm, an ngai nawh a, an na khawm an sit nawh a, an rîng an sukngar a, an hriet nawna ding le inchûktirna chu an pawm nawna dingin.

JEREMIA 2:15

Sakeibaknei tuoihai chun an inrûm khum a, an inhûk a: a ram chu an suksiet a; a khawpuihai khawm a hluotuhai um loin a kâng zo tah a.

JEREMIA 31:19

Matheiloin, chu hnunga chun kân let a, kei khawm ka lamlêt tah a; chun, chu hnunga chun inchûktirin ka uma, ka êlpui chu ka ben a; kân zak a, anih, ka tleirâwl lai hmingsietna chu ka phur leiin, ka hamhai nghe nghe a.

JEREMIA 32:33

Chun, kei chu hmatieng ni loin, hnungtieng an mînnghat a, inhma- taka thoa anni inchûktirin, anni chu ka lo inchûktira chu, inchûktirna chu hre dingin an ngai si nawh a.

JEREMIA 4:14

Aw Jerusalem, sandama i um theina dingin i khawhlonaa inthawk chun i lungril chu sâwpfai rawh. I ngaituona rilohai hi ieng chen am i lungrila chun a châm ding a na?

JEREMIA 7:20

Chuleiin, Lalpa PATHIEN chun hieng hin a tih: Ngai ta, ka lungin- senna le ka ṭiumna chu hi hmuna hin bunthlâk nîng a ta, mihriem chunga le, ramsahai chunga le, rama thing- hai chunga le, hnuoia rahai chunga chun; chun, kâng a ta, ṭhel ni ngai naw ni.

JEREMIA 7:28

Chun, an kuoma chun, “LALPA an Pathien râwl khawm ngai loa, inchûktirna khawm pawm bawk lohai chu hi hnam hi an nih; thudik chu a riral a, an baua inthawk chun sât thlâkin a um a,” tîng i tih.

JEREMIA 7:34

Chun, Juda khawpuihaia in- thawk le Jerusalem kawtthlêrhaia inthawk chun hlimna râwl dâm, lâwmna râwl dâm, moneitu râwl dâm, mo râwl dâm inrêtir ka tih; ram chu suksiet a ni ding a ni sih a.

JEREMIA 9:11

Chun, Jerusalem chu hmun- hnawk intiengkhâwmna le, satene- hai ta dinga chêngna hmunah siem ka tih; Juda khawpuihai khawm chu hluotu um loa râusanah siem bawk ka tih. Hi hi hrethiem thei dinga mi var tu am a um a?

EZEKIEL 23:18

Chuongchun, a nawchizawrna chu langchangtaka a thaw a, a saruokna a hlîm chun, ka lungril chu amaa inthawk chun ân her a, a unaunua inthawka ka lungril a lo inher ta ang bawk khan.

HOSEA 2:5

An nu chun nawchi a zawr hlak a, Anni vawntu chu inzâpuiumtakin a um a; Ka bu dâm, ka tui dâm, ka sahmul dâm, Ka pat dâm, ka hriek dâm le, ka dâwn dinghai mi petu. Ka dit zâwnghai chu hnawt ka tih, a ti a nih.

HOSEA 9:12

An nauhai hung sukpuitling hai sien khawm, pasal hrim um lo dingin, Insûntir tho tho ka tih; Anih, anni ka nghatsan pha chun, An chung a va rik zuol âwm de!

LEVI DÂN 26:34

“Ram chu sukrêma a um sûng po le, in hmêlmahai rama in um sûng chun, ram chun châwlnihai chu hlimtakin hmang a tih; chuongchun, ram chu châwl a ta, a châwlnihai chu hlimtakin hmang a tih.

ZEPHANIA 3:7

Ama chungthua ka lo ruot ta ang po poin, a chêngna chu sât thlâk a ni nawna dingin. “Matheiloin kei mi ṭîng i ta, sukdikna chu hmu bawk i tih,” ka ta; nisienlakhawm, zîngkâr an tho a, an thilthawhai po poa chun an sukdik nawh a.

DÂN PAHNINA 32:29

Aw, var hai sien chu hieng hi hrethiem an ta, An hihnung thil ding an ngaituo ding bah.