JEREMIA 6:7 - Pathien Lekhabu Inthieng (BSI)

⁷ Tuisunsuo chun a tuihai a phu- suok angin, a khawhlonahai chu a phusuok a; a sûnga chun inpâwng- nêkna le suksietna hriet a na, ka hmaa chun natna le hliemnahai chu a um zing zing a nih.

JEREMIA 6:7 ပူးပေါင်းရင်းမြစ်များ

THUVARHAI 4:23

Fîmkhur thei tâwpin i lungril chu vêng ṭha rawh, Chutaka inthawk chun hringna rasuokhai chu a um sih a.

ISAI 1:6

Kepha hnuoia inthawka lu chenin a dam lai hrim a um nawh; pawp dâm, vuok duk chur dâm, pânna hnâi la ruok an nih; chuong chu an hmetping nawh a, an tuom bawk nawh a, sahriek khawm an nâl bawk nawh.

ISAI 57:20

Mi rilohai ruok chu tuisuoriet fâwn fâwn hlakhai ang chu an na; an um ṭawk ṭawk thei si nawh a, a tuihai chun hmunhnawk le chirhak a vawr suok hlak,” tiin.

ISAI 59:6

An aium rîl puon chu silfênahai hung inchang naw nih a, an thil- thawhai chun inbel bawk naw ni hai; an thilthawhai chu khawhlona thil- thawhai a na, thil nunsetaka thawna chu an kutah a um bawk a.

JEREMIA 20:8

Thu ka hril zâtin ka khêk sih a; ka khêk a, “Thawluina le suksietna” tiin; LALPA thu chu ka ta dingin kâwkna le ni tin tinin mi hrilinsîma siem a na.

JEREMIA 30:12

“LALPA chun hieng hin a ti sih a: I natna chu sukdam theilo a na, i hliemna chu a nasa êm êm a.

JEREMIA 30:13

Tuoma i um theina dingin tukhawma i chungthuah an ṭan naw cheh a, sukdamna damdawi i nei naw a nih.

JEREMIA 30:15

I natna lei chun ieng dinga khêk am i na? I natna chu sukdam theilo a nih, i suolnahai chu an hung pung pei leiin, i khawhlona chu a nasa hle sih a, hieng thilhai hi i chungah ka thaw a ni hi.

JEREMIA 32:31

Hi khawpui hi an bâwl ṭan nia inthawk vawisûn ni chen hin, keia ta ding chun ka ṭiumna le ka lungin- senna chawkthona chau a nih; chuongchun, ka hmaihmaa inthawk- in ka sawn hmang ding a nih;

JEREMIA 8:22

Gileada hin thinghnai damdawi a um naw maw? Chutaka chun dam- dawi thiem mi an um naw maw? Chuong a ni chun ieng dinga ka chi- puihai naunu chu sukdam a ni nâwm a na?

EZEKIEL 21:29

an hremna nuhnungtak ding hun, mi rilo tâwpkhâwkhai ringa in- nghat ding ni tlung mêk zing laiin thilhmulâwk teplo hmupêk chein aisânna khêlhlip an hrilpêk che a nih.

EZEKIEL 24:7

A thisen chu ama sûnga chun a um sih a, lungpui ruok chunga chun ân suoh a; pilvuta zuk vurkhum theina ding, leihnuoi chunga chun a bunthlâk si nawh a.

EZEKIEL 45:9

“Lalpa PATHIEN chun hieng hin a tih; Aw Israel lalhai, inhuntâwktir ta ro; pâwngnêkna le suksietna chu sie hmang unla, indikna le rorêl fel chîng ta unla; ka mihai hnawt suok hi ma ta ro; Lalpa PATHIEN chun a tih.

EZEKIEL 7:11

Thawluinaa inthawkin rîtlona hmawl a hung suok a, a tu el khawm um sawng thei naw nih a, an mipuihai khawm, an hausaknahai khawm; anni lai chun a ṭhabik ti khawm um naw nih.

EZEKIEL 7:23

Khaidiet chu siem rawh; ram chu thisen insuo thusiein a sip a, khawpui sûng chu inpâwngnêknain a sip sih a.

ZEPHANIA 3:1

Khawpui nêksâwra um, sukpawr- chea um le hela um chu a chung a va rik de!