JEREMIA 6:22 - Pathien Lekhabu Inthieng (BSI)

²² LALPA chun hieng hin a tih: ngai ta, Hmâr tieng rama inthawkin hnam pakhat a hung a, leihnuoi kil khâwrtaka inthawk chun hnam ropuitak chu suktho nîng a tih.

JEREMIA 6:22 ပူးပေါင်းရင်းမြစ်များ

NEHEMIA 1:9

amiruokchu, keia tieng in hung ngha nâwk a, ka thupêkhai in pawm a, in zâwm chun, nangni laia mi kâwlkawdawng chena hnawt suoka um khawm um hai sienla, chutaka inthawk khawm chun kei khâwm nâwk ka ti cheu a, ka hming ka înumtirna ding hmuna ka ruota chun ṭhuoi nâwk ka tih,’ tiha thu i pêk kha lunginsiettakin hre zing rawh.

JEREMIA 10:22

Thuthang râwl chu, ngai ta, a hung mêk a nih, Juda ram chu râusan le sihalhai chêngna hmuna siem dingin hmâr ram tienga inthawk buoina nasatak a hung mêk a nih.

JEREMIA 13:20

I mithai kha hang inlên la, hmâr tienga inthawka hunghai saw en ta, i berâm ruol, nanga kuoma pêka um, i berâm ruol mawitak el kha khâwlai am a um a?

JEREMIA 25:32

Sipaihai LALPA chun hieng hin a tih: Ngai ta u, thil ṭha naw chu hnam khata inthawkin hnam dang chunga chun fe pei a ta, hnuoi tâwp- taka inthawk chun thlipui nasatak chu hung suok a tih.

JEREMIA 25:9

ngai ta u, mi tir ka ta, hmâr rama inthawk chun sûngkuohai po po chu ko ka tih, LALPA chun a tih; chun, ka siehlaw Babulon lal Nebukadnezzar kuoma chun mi tir ka ta; anni chu hi ram le, a hluotuhai le, a vêla hnamhai po po chunga do dingin hung ṭhuoi ka ta; chuongchun, anni chu sukse letdêr ka ta, makti ding le, inchekna ding le, kumkhaw rausanah ka siem ding a nih.

JEREMIA 30:5

“LALPA chun hieng hin a tih: Thlamuongna ni loin, ṭitna le inthin râwl ka hriet a.

JEREMIA 4:16

hnamhai kuoma chun hrilna nei rawh; ngai ta, Jerusalem chunga chun phuong la, vêngtuhai chu ram hlataka inthawkin an hung a, Juda khawpuihai chu demin an râwlhai an insuo a nih.

JEREMIA 4:6

Zion tienga chun puonzâr chu khai unla, himna dingin tlânhmang unla, muong naw ro; hmar tienga inthawkin thil ṭha naw sietna nasa- tak chu ka hung intlungtir ding a ni sih a.

JEREMIA 47:2

LALPA chun hieng hin a tih: Ngai ta u, hmârtienga inthawkin tuihai a hung lien a, vadung kuong lêt hung nîng a ta, ram le a sûnga umhai le khawpui le a sûnga umhai le chun hung lêtkhum a ta; mihai chu khêk an ta, ram hluotuhai po po ṭap inrûm an tih.

JEREMIA 5:15

Ngai ta, hlataka inthawkin i chungah hnam hung ṭhuoi ka ta, Aw Israel sûngkuo, LALPA chun a tih; hnam hrâttak nîng a ta, hnam hluitak el ni bawk a ta; hnam an ṭawng khawm i hriet lo le, an hril khawm i hriet lo nîng a tih.

JEREMIA 5:16

An thal bâwmhai chu thlân in- hawng ang a na, mi hrât khawkhêng ruok an nih.

JEREMIA 6:1

Nangni Benjamin thlahai, Jeru- salem sûnga inthawk chun himna dingin tlânhmang ro; Tekoaa chun tawtawrâwt mût unla, Beth-hake- rema chun inchikna chu khai unla; thil ṭha naw chu, bohmangna le chun, hmâr tienga inthawk chun a hung dâk sih a.

EZEKIEL 21:31

I chunga chun ka lunginsenna chu hung bunthlâng ka ta, ka lunginsenna mei chu i chunga chun hung mût ka tih; chun, mi hrânghai, that dân thiemtakhai kuta chun pesuok ka ti che.

EZEKIEL 23:22

“Chuleiin, Oholiba, Lalpa PATHIEN chun hieng hin a tih; Ngai ta, i dit zâwnghai chu i chungah hung inṭuongtir ka ta; i lungrilin a hran- sanhai chu, sîr tina chun i chungah inhungtir ka tih;

HABAKKUK 1:6

Ngai ro, Kaldaihai kân ngîr suok a nih, Hnam ti rawk rawk le khatak elhai chu. Anni chu, anni ta khawm ni lo umna hmunhai chu, Nei dingin hnuoi khang dâpin an hung a.

DÂN PAHNINA 28:49

Hlataka inthawk, kâwlkaw- dawnga inthawkin nangni thaw ding hnam LALPAIN mupui bir angin hung tir a ta, an ṭawng khawm in hriet naw hnam;