JEREMIA 6:12 - Pathien Lekhabu Inthieng (BSI)

¹² Chun, an inhai, an lohai, an nuhmeihai chu mi danghai kuoma pêk nîng an ta; ram hluotuhai chunga chun ka kut kân let ding a ni sih a, LALPA chun a tih.

JEREMIA 6:12 ပူးပေါင်းရင်းမြစ်များ

1 CHANCHIN SUINA 21:16

Chun, David chu a hung dâk suok a, LALPA vântirko hnuoi le vân kâra ngîr chu a hang hmu tah a; a kâwlhnâm phawi sain, Jerusalem tienga bân pharin a hmuh a. Chun, David le upahai chu saiip puon an sil a, an hmaia hnuoi sikin an bawk tâwl tah a.

ISAI 10:4

Salhai hnuoiahai chun kûn an ta, thata umhai hnuoiahai chun tlûng an tih, chu chau chu an chan ni tâng a tih. Chuong ang lâwma a thaw khawm chun a lunginsen chu a la bo chuong si nawh a, a kut chu a lân let ta rawp a.

ISAI 5:25

Chuleiin, LALPA lung chu a mihai chungah ân thawk a, a kut chu an chungah ân let a, a vuok a, chuongchun, tlânghai chu an inthin dur dur a, an ruonghai chu khawlai dungah hmunhnawk ang elin ân hlum rem rum a. Chuong lâwma a thaw khawm chun a lunginsen chu a la bo chuong nawh a; a kut chu a lân let ta rawp a.

ISAI 9:12

Saktieng Suria mihai, thlang- tieng Philistin mihai chun bau kain Israelhai chu fa zo an tih. Chuong ang lâwma a thaw khawm chun a lunginsen chu a la bo chuong si nawh a; a kut chu a lân let ta rawp a.

ISAI 9:17

Chuleiin, LALPA chu an tlang- vâlhai chungah lâwm naw nih a, an naufahrahai le hmeithaihai chu lunginsiet bawk naw nih; an rêngin Pathien inzâ naw mi le thil ṭha naw thawtu an ni vawng a, bau po po chun thu teplo a hril seng sih a. Chuong ang lâwma a thaw khawm chun a lunginsen chu a la bo chuong si nawh a, a kut chu a lân let ta rawp a.

ISAI 9:21

Manassehaiin Ephraimhai fâng an ta, Ephraimhaiin Manassehai fâng an tih; chun, an pahni chun Judahai do hmunkhat an tih. Chuong ang lâwma a thaw khawm chun a lunginsen chu a bo si nawh a, a kut chu a lân let ta rawp a.

JEREMIA 15:6

Nang chun i mi lo hnâwl ta a, LALPA chun a tih: hnungtieng i lo fe tah a; chuleiin, i chungah ka kut kân let a, ka suksiet che a nih; lunginsietna inlangtir hi ka nghawk ta a nih.

JEREMIA 21:5

Keima ngeiin bân phar le kut hrât- in, lunginsenna le, ṭitumna le nasa- taka lunginthakna leh do ka ti cheh a.

JEREMIA 38:22

Ngai ta, Juda ram lal ina nu- hmei mâksana umhai po po kha Babulon lal rorêltuhai kuoma hung ṭhuoi suok nîng an ta; chuong nuhmeihai chun, ‘I ruol hmêlhriet- takhai chun an hlêm cheh a, an hne ta che a ni hi; tuhin i kehai chu chirhaka chun a tluma, an hnungkîr nâwk a ni ta hi,’ tîng an ta.

JEREMIA 38:23

Chun, i nauhai le i nuhmeihai po po chu Kaldaihai kuoma chun hung la suok an ta, nang khawm an kuta inthawk chun suokthleng naw ti ni: amiruokchu, Babulona lal kuta man nîng i ta; hi khawpui hi meia raw dingin siem i tih,” a ta.

JEREMIA 7:20

Chuleiin, Lalpa PATHIEN chun hieng hin a tih: Ngai ta, ka lungin- senna le ka ṭiumna chu hi hmuna hin bunthlâk nîng a ta, mihriem chunga le, ramsahai chunga le, rama thing- hai chunga le, hnuoia rahai chunga chun; chun, kâng a ta, ṭhel ni ngai naw ni.

JEREMIA 8:10

Chuleiin, an nuhmeihai chu mi danghai kuomah pêng ka ta, an lohai chu a neitu dinghai kuomah pêng ka tih; mi tin el chu a chîn taka in- thawka a lien tak chenin, inîtthîk- nain an sip sih a; zâwlneia inthawk thiempu chenin indik lotakin an thaw bawk a.

ṬAP HLA 2:8

LALPA chun Zion naunu kul chu suksiet a tum tah a; Rînin ân khi vawng tah a, suksietnaa inthawk chun a kut keitîm ta naw ni; Kul le a daihai chu ân sûntir a, an ngui hmunkhat ve ve a.

ṬAP HLA 3:3

Keia chungah sûnnithlâkin a kut a thlâk takzet a.

ṬAP HLA 5:11

Nuhmeihai chu Zionah suollui an nih a, Nunghâkhai chu Juda khawpuihaiah an suol- lui a.

ṬAP HLA 5:2

Kan rochan chu hnam danghai taah ân chang a, Kan inhai chu ram dang mihai kuomah.

ṬAP HLA 5:3

Fahrahai le pa nei lohai kan na, Kan nuhai chu hmeithai ang an nih.

EZEKIEL 35:3

a kuoma chun hieng hin ti rawh: Lalpa PATHIEN chun hieng hin a tih: Ngai ta, nang chu ka dodâl cheh a, aw Seir tlâng, i chunga chun ka kut kân let ding a nih; chun, nang chu râu- sana le maktiah ka siem ding che a nih.

EZEKIEL 7:24

Chuleichun, awi naw mi ṭha nawtakhai chu hung ṭhuoi ka ta, an inhai chu neipêk an tih; mi hrâthai chapona chu suktâwp bawk ka ta; chun, an hmun inthienghai chu sukpawrche nîng an tih.

MIKA 2:4

Chu nia chun nangni demin tekhithu hril an ta, ṭap hla lungriem- ithlâk umtaka inzâwtin, “Rawk vawngin ei um tah a nih, ka mihai chan a sukdanglam a, ka kuoma inthawkin a tâwl hmang tah a ni hi! Hel hmanghai kuomah ei lo a sem dar tah a ni hi,” tîng an tih.

ZEPHANIA 1:13

Chuongchun, an hausaknahai chu râllâk sum ang hung nîng a ta, an inhai chu râusan hung nîng a tih: anih, inhai chu bâwl hlak an ta chu, a hluo ruok chu hluo ngai naw ni hai a, grêphruihai khawm phun an ta, nisienlakhawm, chutaka a uoin chu dâwn dêr naw ni hai.

ZEPHANIA 1:4

“Juda le Jerusalema chênghai po po chunga chun ka kut phar ka ta; thiempuhai laia milim bie hmingput le, Baal milim la um sunhai chu hi hmuna inthawk hin pei thlâng ka tih;