JEREMIA 6:10 - Pathien Lekhabu Inthieng (BSI)

¹⁰ An hriet theina dingin tu kuom am thuhrilin hrilfieng ka ta? Ngai ta, an nahai chu verlo an na, an hriet thei hrim hrim nawh! ngai ta, LALPA thu chu an kuoma chun inhalna ang chau a na, amaa chun lâwmna hrim an nei nawh.

JEREMIA 6:10 ပူးပေါင်းရင်းမြစ်များ

INPÂKNA HLABU 1:2

A lâwmna chu LALPA dânah a ni lem a, A dân thu chu a sûn a zânin a ngaituo hlak a.

INPÂKNA HLABU 119:16

I thuruothai chunga chun lâwm ka ta, I thu chu theinghil naw ning.

INPÂKNA HLABU 119:174

Aw LALPA, i sandamna chu ka châk hlak a, I dân chu ka lâwmna a nih.

INPÂKNA HLABU 119:24

I thuinhriettirhai chu ka lâwmna a na, Rem mi ruotpêktu khawm a nih.

INPÂKNA HLABU 119:35

I thupêk lampuia chun mîn fetir la, Chutaka chun ka lâwm sih a.

INPÂKNA HLABU 119:70

An lungril chu rîlrâng thau angin a thau a, Kei ruok chu i dân chungah ka lâwm hlak.

INPÂKNA HLABU 119:77

Ka hring theina dingin i lai- natnahai chu ka kuomah hung raw se, I dân chu ka lâwmna a ni sih a.

INPÂKNA HLABU 40:8

Aw ka Pathien, i dit zâwng thaw hi ka lâwm zâwng tak a nih: Anih, i dân thu chu ka lungril- ah a um zing ie,” ka ta.

FESUOKNA 6:12

Mosie chun LALPA kuomah, “Ngai ta, Israel thlahai chun ka thu an ngai si nawh a, iengtin am Pharao chun kei hmûr themthiemlotak thu hi ngai a ti leh?” a tih a.

ISAI 42:20

Thil tamtak i hmuh a, nisien- lakhawm, i lungrilah i vawng zing ngai nawh a, nahai chu ân âwng a, anachu a hriet ngai nawh.

ISAI 53:1

Kan thuhril tuin am a ring a? LALPA kut chu tu kuom am ân lang a?

JEREMIA 35:13

“Sipaihai LALPA Israel Pathien chun hieng hin a tih: Fe la, Juda ram mihai le Jerusalem hluotuhai kuoma chun hi hi va hril rawh: ‘Ka thuhai chu ngai dingin, inchûktirna chu in pawm naw ding am a nih?’ LALPA chun a tih.

JEREMIA 4:4

LALPA kuoma chun ser intan unla, in lungril ser chu tan ro, nangni Jerusalema mihai le, Juda rama mi- hai; chuong naw chun ka lunginsenna chu mei angin fe suok a ta, i thilthaw- hai rîtlona lei chun; tukhawm iṭhel ruol loin kâng a tih.

JEREMIA 5:21

Aw hrietthiemna boa mi invêt- hai, tuhin hi hi lo ngai ta u; mithai nei sia, hmu lohai, nahai nei sia hre lohai;

JEREMIA 7:13

Chun, tuhin LALPA chun, ‘Hieng thilthawhai po po hi in thaw ta leiin, inhmataka thoa thu hrilin, in kuoma ngei chun thu ka lo hril tah a; nisienlakhawm, in ngai si nawh a; ka ko cheu a, in mi dawn nawh a;

JEREMIA 7:26

nisienlakhawm, keia thu chu an ngai chuong nawh a, an na khawm an sit bawk nawh a, an rîng chu an suktlûn a, an thlatuhai nêkin an thaw ṭha naw lem tah a.

JEREMIA 9:26

Aigupta dâm, Juda dâm, Edom dâm, Ammon thlahai le, Moab thla- hai, barêp hmul vawa thlalêra chêng- hai po po le chun, chuong hnamhai po po chu sertan lo an na, Israel sûng- kuohai po po chu lungrila sertan lo an nih.

EZEKIEL 3:7

Amiruokchu, Israel sûngkuohai chun i thu ngai naw ni hai a, keia thu an ngai naw ding leiin; Israel sûngkuohai po po chu chal changtak, lungril ngartak ruok an ni leiin.

EZEKIEL 33:3

ram chunga chun kâwlhnâm chu a hung tlung phaa a lo hmu chun tawtawrâwt mût sienla, mipuihai chu vaulâwk raw se;

EZEKIEL 33:9

Nisienlakhawm, mi rilo chu a um dân bânsan dinga i vaulâwk a, a um dân a bânsan si naw chun, ama chu ama suolnaa chun thîng a ta, nang chun i nun i sanhim nîng a tih.

AMOS 7:10

Chun, Bethel khaw thiempu Amazia chun Israel lal Jeroboam kuomah, “Amos chun Israel sûnghai lai chun a phierrûk cheh a, ram chun a thu po po chu a tuor thei nawh.

MATTHAI 3:7

Nisienlakhawm, Pharisaihai le Saddukaihai tamtak a baptisma chang dinga hung a hmu phingleh, an kuomah, “Rûl thlahai, lungsen hung tlung ding hi tlânsan dingin tuin am a kâwk cheu a?

LUKA 11:45

Chun, Dânhretu pakhatin a kuomah, “Inchûktirtu, hieng thu i hril hi keini khawm mi hal i ni hi,” a ta, a dawn a.

LUKA 20:19

Chun, chuong lai tak chun Dân inchûktirtuhai le thiempu lalhaiin man an tum a; nisienlakhawm, mipui chu an ṭih a; chu tekhithu chu anni demin a hril ti an hriet sih a.

JOHAN 7:7

Khawvêlin nangni an theida thei naw cheu, kei ruok chu an mi theida hlak, an thilthawhai a suol ti ka hrilfie hlak leiin.

JOHAN 9:40

Chun, a kâwla Pharisai umhai chun chuong thu chu an hriet a, a kuomah, “Keini khawm hi mitdel kan ni ve am a nih?” an ta.

THILTHAWHAI 7:51

“Mi kâwmawhai, lungril le na tan nawhai, kumkhuoin Thlarau Inthieng hi in kal rawp el; in thlatuhai thaw ang pei khan in thaw hlak.

THILTHAWHAI 7:60

Chun, a dingṭhaṭhuon a, rawl inringtakin a khêk a, “Lalpa, hi an thil suksuol hi an chungah maw inphurtir naw rawh,” a ta. Chu thu chu a hril zo phingleh a ininnghil tah a. Saula khawm chun a thi chu a remtih a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:22

Ka lungril takin Pathien dân chungah ka lâwm si hlak a;

DÂN PAHNINA 29:4

Nisienlakhawm, LALPAIN vawi- sûn chen hin hriet thiemna lungril dâm, hmu theina mit dâm, hriet theina nakâwr dâm a la pêk naw cheu a nih.

KOLOSSA 1:28

Mi tin Kristaa chun ṭha famkim- a kan inngîrtir theina dingin, mi tin infuiin, mi tin varna tinrênga inchûk- tirin a chanchin kan hril hlak hi;

2 TIMOTHE 4:3

Inchûktirna indik an ngai pei naw hun a la tlung ding a ni sih a; an nahai ân za leiin anni dit zâwng angin inchûktirtuhai an kuomah inkhâwm lem an tih.

HEBRAIHAI 11:7

Ringnain Noa chu thil la hung inlang lohai kawng thuah Pathien hrila lo umin Pathien ṭidêkin, ama sûngkuo sandamna dingin lawng a tuk a; chu chun khawvêl chu thiemnaw ân changtir tah a, ringna leia felna um ro chu hluotu a lo ni tah a.