JEREMIA 52:9 - Pathien Lekhabu Inthieng (BSI)

⁹ Chun, lal chu an man a, Hamath rama Riblaa chun Babulon lal kuoma chun an ṭhuoi tah a; chun, ama chun a chungthu a lo rêlthlûk tah a.

JEREMIA 52:9 ပူးပေါင်းရင်းမြစ်များ

1 LALHAI 8:65

Chuongchun, chu ṭum chun Solomon le Israelhai po po, mipui pungkhâwmhai tamtak, Hamath khaw lûtnaa inthawka Aigupta ram vadung chena mihai chu LALPA ei Pathien hmaa chun ni sari sûng rau ruoi an ṭheh a.

2 LALHAI 23:33

Chun, Pharao-Neko chun Jeru- salema rorêl thei ta lo dingin Hamath rama Ribla khuoah ân tângtir a; chun, an ram chu tangka talent za khat le rângkachak talent khat ân chawitir a.

2 LALHAI 25:6

Chuongchun, lal chu an man a, Babulon lal kuomah Ribla khuoah an ṭhuoi a; chun, a chungchâng an rêl a.

2 CHANCHIN SUINA 33:11

Chuleiin, LALPAIN Assuria lal sipai hotuhai chu a hung ṭhuoi a, Manasse chu khaidietin an khit a, thîr kawl an inbuntir a, Babulonah an fepui tah a.

2 CHANCHIN SUINA 8:3

Chun, Solomon chu Hamath- zobaa chun a va feh a, a va hne tah a.

JEREMIA 21:7

Chu hnunga chun, LALPA chun a tih: Juda lal Zedekia le, a siehlawhai le, mipuihai, hi khawpuia hripuia in- thawka hlaa la umhai, kâwlhnâm le ṭâma inthawka la hlaa umhai chu Babulon lal Nebukadnezzar kuta dâm, an hmêlmahai kuta dâm, an hringna lâk tumtuhai kuta dâm chun pêng ka tih; chun, ama chun kâwl- hnâm ngeiin that a ta; anni chu hla naw nih a, lunginsiet bawk naw nih a, zângaina nei bawk naw ni.

JEREMIA 39:5

Nisienlakhawm, Kaldai sipaihai chun anni chu an hnawt a, Zedekia chu Jeriko phairuoma chun an hnawt phâk a, chun, ama chu an man chun, Hamath rama Riblaa Babulon lal Nebukadnezzar kuomah an hung ṭhuoi a, ama chun a chungah ro a rêlthlûk a.

ṬAP HLA 4:20

Ei hnârkuo thuok, LALPA hrieknâl chu, an khursûnga chun an lâk a; “Ama hlim hnuoia chun hnamhai laia chun chêng ei tih,” ei tih a.

EZEKIEL 11:10

Kâwlhnâmah tlûng in ta, Israel ramria chun ro rêlpêk ka ti cheu a; chun, LALPA chu ka ni ti hre tâng in tih.

EZEKIEL 23:24

Chun, nanga chunga chun hriemhreihai, sakawr tawlailîrhai, tawlailîrhai, mipui inkhâwm nasa- tak leh hung do an ti cheh a; a vêlin, thîr lukhumhai, âwmphawhai le phawhai leh an hung ep ding che a nih; chun, an kuoma chun rorêlna dân ang peiin i chungah rorêlpêk an ti che.

NAMBAR 13:21

Chuongchun, an hang suok tah a, ram chu Zin thlalêra inthawka Hamath lûtna Rehob chenin an enthlâk vawng a.

NAMBAR 34:11

chu ramri chu Sephama inthawk Ribla chenin Ain saktieng pangah fe thlâng a tih; chuongchun, ramri chu fe thla pei a ta, Kinnereth tuisuoriet saktieng pang zuk sun a ta;

JOSUA 13:5

chun, Gebal mihai ram le nisa suokna tienga Lebanon ram po po, Hermon tlâng hnuoi Baal-gada inthawka Hamath khuo lûtna chenin;