JEREMIA 51:7 - Pathien Lekhabu Inthieng (BSI)

⁷ Babulon chu LALPA kuta chun rângkachak no hnuoi po po sukruitu chu a lo ni tah; hnamhai chun a uoin chu an dâwn tah a; chuleiin, hnamhai chu an invêt a nih.

JEREMIA 51:7 ပူးပေါင်းရင်းမြစ်များ

ISAI 14:4

hi tîelna thu hi Babulon lal khêkkhumin la hril i tih, “Iengtizie am a na, nêksâwrtu chu a va re ta de! Iengtizie am a na, rângkachak khawpui chu a va re ta de!

JEREMIA 13:13

Nang chun an kuoma chun, LALPA chun hieng hin a tih: Ngai ta u, hi ram hluotuhai hi, lalhai David lalṭhungpha chunga ṭhunghai le, thiempuhai le, zâwlneihai le, Jerusa- lem hluotuhai po po chu inruinain ka suksip ding a nih.

JEREMIA 25:9

ngai ta u, mi tir ka ta, hmâr rama inthawk chun sûngkuohai po po chu ko ka tih, LALPA chun a tih; chun, ka siehlaw Babulon lal Nebukadnezzar kuoma chun mi tir ka ta; anni chu hi ram le, a hluotuhai le, a vêla hnamhai po po chunga do dingin hung ṭhuoi ka ta; chuongchun, anni chu sukse letdêr ka ta, makti ding le, inchekna ding le, kumkhaw rausanah ka siem ding a nih.

JEREMIA 50:38

A tuihai chunga chun kangna a um a, kangchat an tih; milim ker- fâwm ram a na, milimah an invêt ri ngawt el a ni sih a.

EZEKIEL 23:42

Chun, mipui râwl inhawitihai chu a kuoma chun a um a; chun, mi chi narânhai le chun thlalêra in- thawkin zu inrui mihai chu hung ṭhuoi an na. An kuthaia chun bân- bunhai chu a thuoin an inbuntir a, an luhai chunga chun lallukhum mawi- takhai le chun.

DANIEL 2:32

Hi milim chung thu chu, a lu chu rângkachak inthieng a na, a âwm le a bânhai chu tangkaruo a nih; a phîng le, a êlpuihai chu dârsen a na,

DANIEL 2:38

mihriem nauhai chêngna ta- phawt le, ramhnuoia ramsahai le chunglêng vatehai umna taphawt chu i kutah a pêk vawng a, an rênga chunga chun rorêl dingin a siem cheh a: chuongchun, nang chu rângkachak lu chu i nih.

THUPUONGSUO 14:8

Chun, vântirko dang, a pahnina chun, “Babulon khaw ropui, a mi dit chîngna leia lunginsenna uoiin hnam po po indâwntirtu chu, a tlâwm tah!” tiin a hung zui a.

THUPUONGSUO 17:2

Hnuoia lalhai chun ama chu an dit hlak a, hnuoia umhai khawm chu a mi dit chîngna uoin chun vai ruiin an um hlak,” a ta.

THUPUONGSUO 17:4

Chu nuhmei chun puon sen duk le sen lâr a sil a, rângkachak le lungmantam le tuikeplungin ân chei a. Rângkachak no, thil tirdakum, a mi dit chîngna thil inthiengnawa sip a chawi a.

THUPUONGSUO 18:23

Khâwnvar khawm i sûngah var nâwk ta naw tawp a ta; pasal le mo ri khawm i sûngah hre nâwk ta naw tawp an tih. I sumdâwngtuhai chu hnuoia mi lienhai an ni sih a; i dâwiin hnam po po hlêm an ni kha.

THUPUONGSUO 18:3

A mi dit chîng leia a lunginsenna uoin chu hnam po poin an dâwn ta sih a; hnuoia lalhai chun ama chu an dit hlak a, hnuoia sumdâwngtuhai chun ân hawitir taluotna chu an hausak pha hlak,” tiin a khêk a.

THUPUONGSUO 19:2

A rorêlnahai chu ân dikin a fel a nih. Ama chun nawchizawr ropuitak, a mi dit chîng leia hnuoi suk- khawhlotu chu, a ro a rêl a, a suokhai thisen insuo phuba chu a kutin a lâk ta hi, an ti ka hriet a.”