JEREMIA 51:45 - Pathien Lekhabu Inthieng (BSI)

⁴⁵ “Ka mihai, a sûnga inthawk chun fesuok unla, mi tin chu LALPA lunginsenna ṭiumtaka inthawk chun insandam seng ro.

JEREMIA 51:45 ပူးပေါင်းရင်းမြစ်များ

ISAI 48:20

Babulona inthawkin suok unla, Kaldaihai chu tlân hmangsan ro, hi hi hla sak riin inhriettir unla, hril unla kâwlkawdawng chen khawma sukri ro, “LALPA chun a siehlaw Jakobhai chu ân tlan tah,” ti ro.

JEREMIA 50:28

“LALPA ei Pathien phubalâkna a biekin phubalâkna ngei chu Ziona hril ding a nih.

JEREMIA 50:8

Babulona inthawk chun tlânsuok unla, Kaldaihai rama inthawk chun fe suok unla, kêl ruol hmaa kêlchal ang ni ro.

JEREMIA 51:50

“Nangni kâwlhnâma inthawka suokthlenghai, fe unla, ngîr ṭawk ṭawk naw ro, hlataka inthawk chun LALPA chu hre zing unla, Jerusalem chu in lungrilah in hungtir hlak ro.

JEREMIA 51:6

Babulona inthawk chun tlân suok unla, mi tinin a hringna sandam raw se; a khawhlonaa sât thlâkin um naw unla, LALPA phuba lâkna hun a ni sih a; ama chun thungna chu pêng a tih;

JEREMIA 51:9

Babulon chu sukdam ka tum a, nisienlakhawm, sukdamin a um si nawh a; ama chu mâksan unla, mi tin chu mâni ram sengah fêng ei tiu; a chungthu rêlna chun vân a tlung ta sih a; vânhai chena dawm sâng chu a ni ta sih a.

ZEKARIA 2:7

Babulon naunu le chêng hmun- khat Zion, hung la, hung suok rawh.

NAMBAR 16:26

Chun, pungkhâwmhai kuoma chun, “Hieng mi suolhai puon ina inthawk dâm hin suok ro khai; an iengkhawm hi tâwk naw ro, chuong naw chun chu an suolna po poa hin ṭhang ve rawi in tih,” tiin a hril a.

THILTHAWHAI 2:40

Chun, thu dang tamtakin a hrilfieh a, “Tulai ruolthar rilohaia in- thawk hin insukhim ro,” tiin ân fui a.

2 KORINTH 6:17

Chuleiin, “Anni laia inthawkin hung suok unla, A tumin um ro, thil inthiengnaw hrim khawm them naw ro, Lalpain a tih,” Chuongchun, “Lâwm ka ti cheu a,

THUPUONGSUO 18:4

Chun, vâna inthawkin rawl dangin hienghin a hril ka hriet, “Ka mihai, an rîtlonaahai in ṭhangnawna ding le, a hremnahai in hmu ve nawna dingin a sûnga inthawkin suok ro.