JEREMIA 51:18 - Pathien Lekhabu Inthieng (BSI)

¹⁸ Teplo el an nih, thil suol sin- thaw, anni chu hrem an ni pha chun bohmang an tih.

JEREMIA 51:18 ပူးပေါင်းရင်းမြစ်များ

FESUOKNA 12:12

Chu zân chun Aigupta ram fe thleng ka ta, ran le mihriem khawm, Aigupta rama nau lutîr po po chu ka sukhlum ding a ni sih a; chun, Aigupta mihai pathienhai chunga khawm rorêlnahai intlungtir bawk ka tih, LALPA chu ka ni hi!

ISAI 19:1

Aigupta ram phurrik chu, Ngai ta, LALPA chu sûm hrâttak chunga chuongin Aigupta ram a hung tlung tah ie! Aigupta ram milimhai chu a hmaa chun inthin dar dar an ta, Aigupta mihai lungril chu an sûnga chun intuihmang el a tih.

ISAI 2:18

Chun, milimhai chu bohmang dai an tih.

ISAI 46:1

Bela chu a lo kûn zing a, Nebo chu a lo insukhnuoi zing bawk a; an milimhai chu ran chunga le sa chunga chun an dawm kai tah a; Milim phurlawna umhai chu phurrik, sa châu ta dinga phurrik an nih.

ISAI 57:12

I felna thu hi hril ka ta, i thil- thawhai chu i ta dingin ienga ṭha- hnem ni naw nih.

JEREMIA 10:11

Hieng hin an kuoma chun hril i tih: hnuoi le vânhai siemtu ni lo pathienhai chu, chuonghai chu vân- khuphnuoia inthawk le leihnuoia inthawk chun bohmang an tih.

JEREMIA 10:14

Mi tin el chu ngawngtak, hriet- na nei lo an na; rângkachak suttu tinhai khawm chu a milim kera siem lei chun sukzakin a um a; a milim sunghai chu khêlthu ngawt a na, an- nia chun inthuokna a um si nawh a.

JEREMIA 10:15

Thil teplo, sinthaw nuizatum an nih; hrem an ni pha chun bohmang an tih.

JEREMIA 10:8

Anni chu ngawngtak le invêt an na, milim inchûktirna chu thing bul el chu a nih.

JEREMIA 18:15

Ka mihai chun an mi thei- nghil a, teplo kuoma chun riminhnik chu an lo raw ta sih a; chun, anni chun an lampuihaia chun an insui thlûktir a, tienlaia lampuihai, lampui rûka fe dingin, tluongpui lam niloa chun;

JEREMIA 46:25

Sipaihai LALPA, Israel Pathien chun hieng hin a tih: “Ngai ta u, Noa um Amon le Pharao le Aigupta le, a pathienhai le, a lalhai le; Pharao ngei le ama ringtuhai chu ka hrem ding a nih;

JEREMIA 48:7

I sinthawhaia le i roa chun i ringna în nghat leiin, nang khawm man nîng i ta; Kemos khawm chu sala intâng dingin fêng a ta, a thiempuhai le a rorêltuhai leh.

JEREMIA 50:2

“Hnamhai laia chun hril la, phuong rawh, chun, puonzâr chu khai la, phuong la, thup naw rawh, ‘Babulon chu lâkin a um a, Bêl chu sukzak a na, Merodak chu a bei- dawng a, a milimhai po po chu sukzakin an um a, a milimhai chu an beidawng zo tah,’ ti rawh.

EZEKIEL 6:6

In chêngna hmunhaia po po chun khawpuihai chu suksiet nîng an ta, bâwlhmunhai chu râusan nîng an ta; in mâichâmhai chu râusan le suksiet a ni theina ding le in milimhai chu suktliek le suktâwp a nia, in nisa- milimhai chu phûr thlûk a na, in sinthawhai chu suktâwp a ni theina dingin.

JONA 2:8

Thil teplo khêl thu mei mei ngaituotuhai chun, An ta dinga ngilneina chu an nghatsan a nih.

ZEPHANIA 2:11

An chunga chun LALPA chu ṭiumtak nîng a ta; hnuoi chunga pathienhai po po chu a sukbohmang ding a ni sih a; chuongchun, mihriem- hai chun ama chu be tâng an ta, mi tinin mâni hmun senga inthawk le, hnamhai po po chun mâni thlierkâr- haia inthawk chun.

THILTHAWHAI 14:15

“Puhai, iengdinga hieng thilhai hi in thaw am a na? Keini khawm in nungchang ang put mihriem kan ni hi; hieng thil teplohai hi in nghatsan a, vân hai, hnuoi hai, tuisuoriet hai, an sûnga um po pohai siemtu Pathien hring kuoma chun in hung kawpna dingin Chanchin Ṭha kan hung intlun cheu a ni hi.