JEREMIA 51:11 - Pathien Lekhabu Inthieng (BSI)

¹¹ Thalhai chu tâtngei unla, phawhai chu chel det ro; LALPA chun Media lalhai lungril chu a hung chawktho ta sih a; a remruot chu Babulon do le suksiet chu a na, LALPA phuba lâkna, a biekin phuba lâkna chu a ni sih a.

JEREMIA 51:11 ပူးပေါင်းရင်းမြစ်များ

1 LALHAI 11:14

Chun, LALPAIN Edom mi Hadad chu Solomon hmêlma dingin a hung inngîrsuok tah a, ama chu Edom rama lal thla a nih.

1 LALHAI 11:23

Chun, Pathienin a hmêlma dingin Eliada naupa Rezon, a pu Hadadezer, Zoba lal kuoma inthawka tlânhmang ta kha a hung inngîrsuok nâwk tah a.

1 CHANCHIN SUINA 5:26

Chuongchun, Israel Pathien chun Assuria lal Pul lungril le Assuria lal Tiglath-pileser lungril chu a chawktho a, Reuben mihai, Gad mihai, Manasse hnam zâtve le chun a man a, Halah, Habor, Hara le Gozan vadung chenin vawisûn ni chen hin a hung ṭhuoi tah a.

2 CHANCHIN SUINA 36:22

Persia lal Kura inlal kum khat- naa chun, Jeremia baua LALPA thu sukfamkim a ni theina dingin, Persia lal Kura lungril chu LALPA chun a chawktho a, thuphuong a ram sûng po poa chun a siem a, zieka ziek khawmin a sie bawk a,

EZRA 1:1

Persia lal Kura inlal kum khatna chun, Jeremia baua LALPA thu- hril chu a hung tlung theina dingin LALPA chun Persia lal Kura lungril chu a chawktho tah a, chuongchun, a ram po poa chun thu inhriettirna a siem a, a zieka ziek khawmin a sie bawk a,

ISAI 10:26

Oreb lungpuia Midian mihai an that lai ang khan, sipaihai LALPA chun ama thaw dingin vuokna chu chawktho a ta, a hmawl chu tuisuo- riet chungtieng um a ta; Aigupta rama ân let ang khan inlet a tih.

ISAI 21:2

Inlârna khirkhântak el ka kuomah inhriettir a ni tah; vervêktaka thawtu chun vervêktakin a thawh a, rawktu chun a rawk a. Aw Elam mihai, hang fe ro; aw Media mihai, inhuol ro; an inrûmna po po chu ka sukbo vawng tah.

ISAI 21:5

Dawkân chu an buotsai a, râlvêngtu chu an invêngtir a, an fâk a, an dâwn a; mi lienhai, tho unla phaw kha hriek nâl ro.

ISAI 41:25

Hmârtienga inthawkin mi pa- khat ka kei har a, ama chu a hung tlung tah; nisa suoknaa inthawka ka hming lamtu chu; ama chun lung chârna sawisak angin rorêltuhai sawisâng a ta, bêlhemtuin pilpawk a sir hnâk angin sir bawk a tih.

ISAI 45:1

LALPA chun a hriek nâl, Kura, hnamhai chu a hmaa tukdawl ding le, lalhai kâwngkhi chu sûtpêk ding le, a hmaa kawtkhârhai hawng- pêk ding le, kul kawtkhârhai khâr loa inumtirtu ding, a kut changtienga ka ichel kuoma chun hieng ang hin a tih,

ISAI 45:5

Kei hi LALPA chu ka na, a dang hrim an um nawh, keima naw chu Pathien hrim hrim an um nawh, mi hre ngai naw la khawm i kâwng khitpêk ka ti che:

ISAI 46:11

khawsak tienga inthawkin vate hnukinrâwltak, ram hlataka in- thawka ka mi ruot chu ka ko a, anih, ka hril tah a, muolsuo bawk ka tih; ka tum tah a, thaw bawk ka tih.

JEREMIA 25:25

Zimri lalhai po po, Elam lalhai po po, Media lalhai po po leh;

JEREMIA 46:3

Âwmphaw le phaw buotsai unla, indona chu hnai ro.

JEREMIA 46:4

Sakawrhai chu râlthuom unla, nangni sakawr chung chuong mihai, chuong unla, in lukhumhai leh ngîr- suok ro; feihai chu nâwttle unla, râlthuom chun inthuom ro.

JEREMIA 46:9

Nangni sakawrhai, hang fe unla, nangni sakawr tawlailîrhai, lungin- sen ro; mi thilthawtheihai khawm chu fe suok raw hai seh; Ethiopia le Put mihai, phaw hmang mihai le, Lud mi thalngul kuoi hmang mihai chu.

JEREMIA 50:25

LALPA chun a râlthuom sie- khâwmna chu a hawng a, a lungin- senna hriemhreihai chu a hung lâk suok a, LALPA sipaihai LALPA chun Kaldaihai rama chun thaw ding a nei sih a.

JEREMIA 50:3

Hmârtienga inthawk chun hnam pakhat a ram chu râusana siema tukhawm chêng lo dinga siem dingin a hung mêk a; an tlânseh a, mihriem le ramsahai khawm chu, an fe hmang zo tah a.

JEREMIA 50:45

Chuleiin, Babulon chungthua LALPAIN thurâwn a nei chu lo ngai ta u, Kaldaihai ram chunga thiltum a nei tâk le chun. Matheiloin anni chu ran ruol têhai hnûkhmangin um ngei ngei an ta, an chêngna chu anni irâusanin siempêk a tih.

JEREMIA 50:9

Ngai ta u, hmârtieng rama inthawka hnam ropuitak inkhâwm chu Babulon hung rûn dingin hung chawktho ka ta, in hungtir ka tih; a chunga chun hung intlar an ta; chutaka inthawk chun lâkin um a ta, an thalhai chu mi hrât indo thiemtak a thlâwna kîr nâwk ngai naw ang a nih.

JEREMIA 51:12

Babulon kul banghai epa chun puonzâr chu khai unla, râlvêng chu sukhrât unla, vêngtuhai sie unla, râlvêng chu buotsai bawk ro; Babulon hluotuhai chunga chun LALPA chun a thurawt le a hril chu a thaw a ni ta hi.

JEREMIA 51:24

Chun, Babulon kuoma le, Kaldai hluotuhai po po chunga chun i mithmua Ziona thil ṭha naw an lo thaw tahai po po kha thung ka tih, LALPA chun a tih.

JEREMIA 51:35

Ka chunga le ka tisa chunga thawluina hi Babulon chungah um raw se,” Zion hluotuhai chun, tîng an ta; “Ka thisen hi Kaldai hluotuhai chungah um raw se,” Jerusalem chun ti bawk a tih.

JEREMIA 51:36

Chuleiin, LALPA chun hieng hin a ti sih a: “Ngai ta u, in thua chun ṭan ka ti cheu a, in ta dingin phuba lapêk ka ti cheu; chun, a tuisuoriet chu sukkang ka ta, a tuikhur khawm chu sukhul ka tih.

DANIEL 5:30

Chu zân chun Kaldai lal Belsazzar chu thatin a um tah a.

JOEL 3:10

In hnuoi inletna hmawrzumhai kâwlhnâmah sut unla, in thei kûng âtbawngna chemtêhai chu feiah sut ro; mi hrât naw khawm a, Ka hrât a nih, ti raw se.

JOEL 3:9

“Hi hi hnamhai lai chun hril dar unla, indona buotsai unla, mi hrât- takhai chawktho unla, indo mi po pohai hung hnai hai sienla, hung raw hai se.

LEVI DÂN 26:25

In chungah kâwlhnâm inlêngtir ka ta; chu chun thuthlung phuba chu lâng a ta, mâni khaw sûng sengah intawm khâwm in tih; chun, nangni lai hri inlêngtir ka ta, hmêlmahai kutah pêk nîng in tih.

ZEKARIA 14:12

Chun, hihi hnam po pohai Jerusalem dotuhai chunga LALPAIN a hremna ding hri chu nîng a tih; an kehaia an ngîr zing laiin an taksa chu hung kawrhmang a ta, an mithai chu an mitkhurhaia chun hung thêp- hmang a ta, an leihai khawm chu an bauah hung bohmang a tih.

ZEKARIA 14:2

Jerusalem chu do dingin hnam po po chu ka kei khâwm ding a ni sih a; khawpui chu lâk nîng a ta, inhai chu kâpkhumin um an ta, nuhmeihai chu ṭhuoi hmangin um an ta, chun, a khawpui chenve zet chu salah fêng an ta, mi la um sunhai ruok chu khaw- puia inthawka sât thlâk ni naw ni hai.