JEREMIA 50:7 - Pathien Lekhabu Inthieng (BSI)

⁷ A hmu taphawthai hlak chun anni chu an fâkzo a, an hmêlmahai chun, ‘Thudik umna LALPA, an thla- tuhai beiseitak, LALPA chunga chun thil an suksuol lei a nih, ei sukpawi nawh,’ an tih a.

JEREMIA 50:7 ပူးပေါင်းရင်းမြစ်များ

INPÂKNA HLABU 71:5

Aw LALPA Pathien, nang chu ka ibeisei chu i na, Ka naupangtea inthawka ka iring chu i nih.

INPÂKNA HLABU 79:7

Jakobhai chu an fâk zo a, An umna chu an suk ram ta sih a.

INPÂKNA HLABU 90:1

LALPA nang chu suon po po chena kan umna i ni hlak,

INPÂKNA HLABU 91:1

Achunghnungtak inbîkna hmuna um chu, Iengkimthawthei hlima chun um zing a tih.

ISAI 47:6

Ka mihai chungah ka lunginsen a, ka rochan chu ka sukpawrcheh a, i kutah pêng ka ti cheh a, nang chun an chungah lunginsietna hrim hrim în langtir naw a, tarhai chung chena khawm i rîngkawl riktak chu în nghat a.

ISAI 56:9

Ram sa po pohai, anih, ram- hnuoia sa um po pohai, fa dingin hung ro.

ISAI 9:12

Saktieng Suria mihai, thlang- tieng Philistin mihai chun bau kain Israelhai chu fa zo an tih. Chuong ang lâwma a thaw khawm chun a lunginsen chu a la bo chuong si nawh a; a kut chu a lân let ta rawp a.

JEREMIA 10:25

Khawhri be mi, nang hre lohai chunga le, hnam nangma hming lam ngailohai chunga chun i ṭiumna chu bunthla la, Jakob chu an fâk zo sih a; anih, ama chu an fâk zo a, an kâng- hmang dêr a, a umna khawm chu an suksiet a.

JEREMIA 14:8

Aw nang Israel beisei, buoina hun laia sandamtu, hi rama hin ieng dingin am mikhuol ang chau, zân khat riek dinga inzin mi puon in zartu ang el chu nîng i ta?

JEREMIA 17:13

Aw LALPA, Israel beisei, nang- ma nghatsantuhai che chu inzak an tih; nangma mâksantuhai chu, LALPA, tuihring tuikhur chu an nghatsan tâk leiin hnuoia chun ziek nîng an tih.

JEREMIA 2:3

Israel hi LALPA ta dinga in- thieng, a hlâwkna ra hmasa tak chu a na; ama fa zotuhai po po chu suola ngai nîng an ta, an chunga chun thil ṭha naw tlung a tih, LALPA chun a tih.”

JEREMIA 31:23

Sipaihai LALPA, Israel Pathien chun hieng hin a tih: An sal intângna ka hung lâk kîr nâwk pha chun Juda rama le chutaka khawpuihaia chun hi ṭawngbau hi la hmang nâwk an tih: “Aw indikna chêngna, LALPA chun mal sâwm raw se che,” ti dâm le, “Aw inthiengna tlâng,” ti dâm hi.

JEREMIA 33:15

Chuong nihaia le, chu huna chun, David kuoma chun felna Kau hung indâwntir ka ta, rama chun rorêlna le felna chu tir suok a tih.

JEREMIA 33:16

Chuong nihaia chun Juda chu sandam ni tâng a ta, Jerusalem khawm chu himtakin chêng tâng a tih: chun, ‘LALPA chu ei felna a nih,’ ti hi koa a umna ding hming chu ni ta bawk a tih.

JEREMIA 5:17

Anni chun i lohma suok le i bu fâng an ta, i naupasalhai le i naunu- hmeihai fâk ding ngei chu; berâm ruolhai le i bâwng ruolhai chu fa zo vawng an tih; i theichang kûng hai le i grêphruihai chu fa zo an ta, i khawpui kulneihai kâwlhnâm le i în hnêmnahai chu sukchim an tih.

JEREMIA 50:14

Babulon chu a vêlin nangni khawma intlar khum ro, thalngul kuoituhai, ama chu kâp unla, thal chu ren naw ro, LALPA chungah thil a lo suksuol ta sih a.

JEREMIA 50:17

“Israel chu berâm indar a nih: sakeibakneihai chun ama chu an lo hnawt hmang tah a; a hmasatak chun Assuria lal chun anni chu a fâkzo a; a tâwpah Babulon lal Nebukadnezzar hin a ruhai chu a sukthliek tah a.

JEREMIA 50:33

“Sipaihai LALPA chun hieng hin a tih: Israel thlahai le Juda thla- hai chu nêksâwrin an um rêl a; anni sala mantuhai taphawt hlak chun an chel det tlat a, an infetir nuom nawh a.

EZEKIEL 34:5

Anni chu berâmpu an um naw leiin an indar a; rama sahai po po ta ding chun bu an na, sukdarin an um tah a.

EZEKIEL 35:12

Chuongchun, ‘Suksietin an um tah a, ei kuomah fâk zo el dingin pêkin an um ta a ni hi,’ tiha Israel tlânghai chunga thu i lo hril a, anni i lo demnahai po po chu kei LALPA hin ka hriet vawng a nih, ti hre tâng i tih.

DANIEL 9:16

Aw LALPA, i felna ang peiin i lunginsenna le i ṭiumna chu i tlâng inthieng, Jerusalem i khuoa inthawk chun, ka hni che hi, herhmang ni raw se. Kan suolnahai lei le, kan thla- tuhai khawhlonahai lei chun Jerusa- lem le i mihai chu kan vêla mi po pohai hrilinsîm kan lo ni ta hi.

DANIEL 9:6

i siehlaw zâwlneihai, kan lalhai le, kan ṭhuoituhai le, kan thlatuhai le hi rama mi po po kuoma nangma hminga thu lo hril hlakhai thuhril chu kan ngaisak bawk nawh a.

ZEKARIA 1:15

Chuongchun, hnam nuomsaa umhai chunga chun ka lungni naw êm êm a; lungni naw dep chu ka ni deh a, anni chun sukrinumna chu an sukzuol pei sih a, tiin,’ a ta.

ZEKARIA 11:5

ân chawtuhai chun anni chu an that a, anni chu suolah an inngai nawh a; chun, anni zawrtu khawm chun, ‘LALPA chu inpâkin um raw se, ka hausa sih a’, an ta; an berâmpuhai ngei khawm chun anni chu an lunginsiet nawh.

1 TIMOTHE 1:1

Paula, Pathien a mi Sandamtu le Krista Isu ei Beiseina ruot anga Krista Isu Tirko chun;