JEREMIA 50:20 - Pathien Lekhabu Inthieng (BSI)

²⁰ Chuong niahai chun, chuong pha chun, LALPA chun a tih: Israel suolna chu zawng nîng a ta, ieng- khawm um naw ni; chun, Juda suolna khawm chu hmu ni ta naw nih a; a mahla anga ka hla tahai chu ka ngaidam ding a ni sih a.

JEREMIA 50:20 ပူးပေါင်းရင်းမြစ်များ

INPÂKNA HLABU 103:12

Sak le thlang ân hlat angin, Ei bawsietnahai chu ei kuoma inthawkin a sie hmang dai tah a.

INPÂKNA HLABU 17:3

Ka lungril hi i fieh a, zânah nangin i mi hung sir a; I mi fie tah a, iengkhawm i hmu si nawh a; Ka baua hril suol lo chu ka tum tlat a nih.

INPÂKNA HLABU 85:3

I lunginsenna po po chu i lâk hmang a, I lunginsenna nasatak chu i nghatsan tah a.

ISAI 1:9

Sipaihai LALPA chun hlabîkhai tlâwmte mi lo hlapêk naw sienla chu Sodom ang khan um dai tâng ei ta, Gomorra ang el khan um tâng ei tih.

ISAI 10:21

Hlabîkhai, Jakobhai laia a la dam sunhai chu, Pathien hrâttak kuoma chun la kîr nâwk an tih.

ISAI 33:24

Chu khuoa um chun, “Ka damnaw ie,” ti naw nih a, a sûnga mi umhai chu suol ngaidamin um an tih.

ISAI 43:25

Kei, keima ngeiin, keima le keima lei ngawta in bawsietnahai thaihmang hlaktu chu ka nih; in suolnahai khawm hre zing naw ning.

ISAI 44:22

In bawsietnahai chu sûm sâmup sukboin ka sukbo tah a, in suolhai chu sûm sukbo angin ka sukbo ta bawk a; ka kuomah hung kîr nâwk ro, kân tlan ta si cheu a.

JEREMIA 31:34

chun, mi tinin mâni tuol- bâwmhai chu inchûktir ta naw ni hai a, mâni unauhai seng leh; “LALPA chu hre ro,” tiin inchûktir ta naw ni hai, anni a chîn taka inthawka a lien tak chenin kei an mi hriet vawng ta ding a nih, LALPA chun a tih: an bawsietnahai chu ngaidam ka ta, an suolna khawm hre zing ta naw ning.

JEREMIA 33:15

Chuong nihaia le, chu huna chun, David kuoma chun felna Kau hung indâwntir ka ta, rama chun rorêlna le felna chu tir suok a tih.

JEREMIA 33:8

An suolna po po, ka chunga an lo suksuolnahaia inthawk khan anni chu sukthieng ka ta, an bawsietnahai po po chu ngaidam ka ta, ka chunga an lo suksuolnahai le, ka chunga an lo bawsietnahai chu.

JEREMIA 44:14

chuongchun, Juda la um sun, va mikhuol dinga Aigupta rama va fehai chu tukhawm, Juda ram hung kîr nâwka chêng an inhâwkna rama hung kîr nâwk ding hin suokthleng naw ni hai a, um zing bawk naw ni hai; a suokthlenghai ti chau naw chu tukhawm an hung kîr nâwk âwm si nawh a,” tiin.

JEREMIA 50:4

Chuong niahai chun, chuong hunahai chun, LALPA chun a tih: Israel thlahai chu hung an ta, anni le Juda thlahai chu a ruolin hung an ta; an ṭap malamin hung an ta, LALPA an Pathien chu zawng an tih.

ṬAP HLA 4:22

Aw Zion naunu, i suolna hremna chu a famkim ta a nih; Sal ninaa chun hrên zing ta naw ni cheh a, Aw Edom naunu, i rîtlona chu hung hrem a ta; I suolnahai chu hmusuok a tih.

EZEKIEL 18:22

A bawsietnahai po po a ieng khawm chu ama chunga chun hriet zing ni ta naw nih a, chun, a felna a ithaw ngeia chun ama chu hring a tih.

MIKA 7:19

Ngha kîr nâwk a ta, ei chungah lunginsietna nei a tih; ei khaw- hlonahai chu a ke hnuoiah sirdêng a tih; nangin an suolnahai po po chu tuisuoriet mawng inthûktakhaia chun pei lût i tih.

ZEPHANIA 3:12

Amiruokchu, i sûnga chun mi pasiehai le mî sukrimsika umhai chu mâksan ka ta, LALPA hming chu ring tâng an tih.

ZEKARIA 3:9

En ta u, Josua hmaa chun lung pakhat sîr sari nei ka sie a; ngai ta u, chutaka chun thil ziek ker ka ta, sipaihai LALPA chun a tih, chun, ni khat sûngin chu ram suolna chu sawn hmang ka tih.

NAMBAR 23:21

Jakobrawi rîtlona hrim a hmu nawh a, Israel mihai lai chun kâwmâwna a hmu bawk nawh. LALPA an Pathien chu an kuomah a um a, Anni lai chun Lal chawimawina ri chu a um a.

THILTHAWHAI 3:19

Chuleiin, in suolhai thâibo a ni theina dingin sim unla, ngha kîr nâwk ro,

THILTHAWHAI 3:26

Pathienin a Siehlaw chu a ruot a, in suolhai innghatsantir seng cheua mal sâwmpêk ding cheuin, nangni kuomah a hung tir hmasa tak a ni hi,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:6

Lunginsietna lei a ni chun thilthaw lei ni ta naw ni; chuong a ni naw chun lunginsietna hi lungin- sietna ni ta naw ni.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:16

Chun, chu thilpêk chu mi pakhat suol leia thil hung um le chun ân ang bawk nawh; thiemnaw inchangtirna rorêlna chu mi pakhat leiin a hung um a, thiem inchang- tirna thilthlâwnpêk ruok chu bawsietna tamtak leiin a hung um ta lem a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:13

In taksa pênghai khawm fel nawna hriemhrei dingin suolna kuomah pe phal bawk naw ro; nisienlakhawm, mithi laia inthawka hring nâwk angin Pathien kuomah inpe unla, in taksa pênghai khawm chu felna hriemhrei dingin Pathien kuomah pe phal lem ro.

2 PETER 3:15

Chun, ei Lalpa dawtheizie chu sandamnaa ruot ro; ei unaupa dittak Paula khawmin, a kuoma varna pêk ang peia in kuoma a ziek ang khan.