JEREMIA 5:7 - Pathien Lekhabu Inthieng (BSI)

⁷ Iengtin am ngaidam thei ka ti cheh a? I thlahai chun an mi nghat- san tah a, pathien ni lohaia chun an inkhâm tah a; khawptaka ka châwm lai khawmin, an uire tah a, nawchi- zawr inahai chun a pâwl pâwlin anni chu an inkhâwm tâwl a.

JEREMIA 5:7 ပူးပေါင်းရင်းမြစ်များ

2 CHANCHIN SUINA 13:9

LALPA thiempuhai Aron nau- pasalhai le Levi mihai chu in hnawtsuokin, ram dang mihai dân angin thiempuhai in insiem fâwm a ni naw am a nih? chuleichun, mi tukhawm berâm pasari le bâwngchal tuoia ama inpumpêk dinga hung taphawt chu pathien ni lohai thiempuhai chu an ni thei pei a.

JOB LEKHABU (THE BOOK OF JOB) 31:12

Bohmangna dinga kâng hmangtu mei chu a ni sih a; Chu chun ka hlâwkna po po chu karphawi vawng a tih.

INPÂKNA HLABU 50:18

Inru i hmu chun i remtipui a, Uirepahai hlak în kawppui bawk hlak.

JEREMIA 12:16

Chun, Baal kuoma ṭawng in- khâm dinga ka mihai an inchûktir anga, “LALPA chu a hring zing angin,” tia, ka hminga ṭawng inkhâm dinga, ka mihai lampuihai chu taima- taka an inchûk chun, ka mihai laia chun anni khawm chu siempuitling nîng an tih.

JEREMIA 13:27

Ramhnuoi muol chunghaia i châkna hurna, i în hrâmnahai, i uire- nahai, i tirdakumnahai chu ka hmuh a. Aw Jerusalem, i chung a va rik de! sukthieng i ni âwm si nawh a, ieng chen am a la ni ding chu aw?

JEREMIA 16:11

nang chun an kuomah, ‘In thla- tuhai chun an mi lo nghatsan tah a, LALPA chun a tih: Pathien danghai chu an zui a, a rawng an bâwl a, anni chu chibai an bûk a, kei chu an mi lo mâksan a, ka dân khawm an lo zâwm ta naw lei khan a nih,

JEREMIA 16:20

Mihriem chun ama ta dingin pathienhai ni si lo, pathienhai chu ân siempêk ding am a nih?

JEREMIA 2:11

Hnamhai chun an pathienhai, pathien tak ni lohai hnam chu an thleng am a nih? amiruokchu, ka mihai chun, ienga khawm ṭhahnem lo le chun an ropuina chu an thleng a ni hi.

JEREMIA 2:31

Aw nangni suon hai, LALPA thu chu en ta u, ka mihai chun, ‘Kan suok fel ta a, nangma kuoma chu hung ta naw ning ung,’ an tina dingin, Israel- hai kuoma chun thlalêr amanih, ram inthim sâmup am ka lo nih a ni?

JEREMIA 23:10

Ram chu uirehaiin an sip a, ṭawngsie lei chun ram chun a sûn a; thlalêra hlo petna hmunhai khawm chu a ṭâwl zo a; an lampuihai chu a ṭha nawh a, an hrâtna khawm chu ân dik nawh.

JEREMIA 3:19

“Kei chun, ‘hnamhai laia chun sie cheuin, ram inhawitak chu pe cheuin, hnamhai sipai pâwlhai rochan ṭhataka chun sie cheu ka lo lungril hlak a; chun, nangin, Pa, mi hung tîng i ta, i mi zuinaa inthawk hin fe hmang ta naw ti ni’ ka lo ti hlak a.

JEREMIA 3:8

Israel hnungtawl chun uiretna thil a lo thaw ka hmu lei tak chun ama chu ka mâk a, inmâkna lekha ka pêk tah ti a hmu sa khawmin a zuor- puinu rilotak Juda chun ṭitna châng a hriet chuong nawh a, ama ngei khawm chu a fe a, nawchizawrah a khawsa ve tah a.

JEREMIA 7:9

Inruin, tuolthatin, uirein, khêla inkhâmin, Baal hmaa chun rimin- hnik rawin pathien in hriet nawhai chu zuiin,

JEREMIA 9:1

Aw ka chipuihai naunu sukhluma um chu a sûn a zâna ka ṭa theina dingin ka lu hi tuihai ni sienla, ka mithai hi mitthli tuikhurhai hung ni sien chu!

JEREMIA 9:2

Ka chipuihai hi ka mâksana, an kuoma inthawka ka fe theina dingin, thlalêra hin khuol inzinhai riekna hmun nei lang chu aw! anni chu uirehai le, mi khawhlohai um khâwm an ni vawng el sih a.

ṬAP HLA 3:42

Kan bawsiet a, kan hel tah a, nang chun i mi ngaidam nawh a.

EZEKIEL 22:11

Mi pakhat chun a tuolbâwm nuhmei chunga chun thil tirdakum chu a thawh a; mi dang chun hurtak- in a monu chu a sukpawrche bawk a; mi dang chun i sûngah a pa naunu, a farnu chu ân tlâwm bawk a.

HOSEA 11:8

Aw Ephraim, iengtin am thlauthla thei ka ti che a? Aw Israel, iengtin am inthla thei ka ti che a? Iengtin am Adma angin siem thei ka ti che a? Iengtin am Zeboiim angin inumtir thei ka ti che a? Ka sûnga hin ka lung hi ân lêt a, Ka lunginsietnahai chu ân mûtâi nâwk ta lem a.

HOSEA 13:6

An fâk ding dawnga chun an tlai a, An tlai chu an lungrilin an chapo phah a, Chuongchun, an mi theinghil tah a nih.

HOSEA 4:2

Inkhâm dâm, inhlêm dâm, inthat dâm, inrûk dâm. Uiret chîng dâm a pung a, tuolthatna hlak chu ân phaman a.

HOSEA 7:4

An rêngin uire an na, Bei siemtuin thuk a ur lum, Beiphit a hmethnâk a tho hmaa, Mei tâwl a châwlsan hri ang hi an nih.

LEVI DÂN 20:10

“Miin a tuolbâwm nuhmei a uiretpui chun, uiretupa le uirenu chu sukhlum ngei ding an nih.

AMOS 8:14

Samari khaw suolna sâla ṭawng inkhâm a, ‘Aw Dan, i Pathien a hring angin,’ le, ‘Beer-seba fena lampui a hring zing angin,’ tihai kha, chuong mihai khawm chu tlûng an tih, tho nâwk dêr naw ni hai,” tiin.

ZEPHANIA 1:5

chun, inchung sîpa inthawka vâna thil umhai chibai bûktuhai le, Milkom hminga inkhâmtuhai le, LALPA hminga ṭawng inkhâma betuhai le;

MALAKI 3:5

Chun, rorêlnaah in kuom hung hnai ka ta; chun, inkhâmtu khêlin- hliphai chunga le uiretuhai chunga le, dawi hmangtuhai chunga chun thuhretu hrâttak hung nîng ka tih; a hlaw chungthua inhlawfa, hmeithai le, fahrahai nêksâwra, a thuneinaa inthawka mikhuol hnawt hmang hlaktu, kei mi ṭi ngailo chunga le chun, sipaihai LALPA chun a tih.

1 KORINTH 6:9

Anleh, mi felnawhai chun Pathien ram hluo naw ni hai ti in hriet naw am a nih? Hlêmin um naw ro; indithmanghai amanih, milim betuhai amanih, uirehai amanih, mihurhai amanih, mawngkawhurhai amanih,

1 KORINTH 8:4

Chuongchun, milimhai kuoma inthawina thil fâk kawnga chu, khawvêla hin milim hrim hrim chu iengkhawm an ni nawzie le, pakhat chau naw chu Pathien dang hrim an um naw chu ei hriet a.

GALATI 4:8

Nisienlakhawm, khânga Pathien in hriet naw lai khan, an piengzie hrim khawma Pathien ni dêrlohai suok in na.

DÂN PAHNINA 32:15

“Nisienlakhawm, Jesurun chu a hung hausa a, a hung hel a, A hung thâu a, a hung inchawm a, a hung nâm tah a; A siemtu Pathien a nghatsan a, A sandamna Lungpui chu a ngainêp a.

DÂN PAHNINA 32:21

Pathien ni lo thilin ka thîkthu an chawktho a, An milimhaiin an mi suklungsen a; Chia hril lohaiin inthîktir ka ta, Hnam invêthaiin suklungsen ka tih.

HEBRAIHAI 13:4

Mi po po lai innei hi inzatlâkin um sienla, khum khawm sukpawrche loin um raw se; indithai le uirehai chu Pathienin a ngaituo ding a ni sih a.

JAKOB 4:4

Nangni uirenuhai, khawvêl ruol nina hi Pathien hmêlma nina a ni ti in hriet naw am a nih? Chuongchun, tûkhawm khawvêl ruol ni nuom taphawt chu Pathien hmêlmaah ân siem hlak a nih.

JOSUA 23:7

hieng hnam nangni laia la umhai le hin inchekpawl loin an pathienhai hming khawm lam hlek loa, an hming sâla ṭawng khawm inkhâm loa an rawng khawm bâwl loa, kûna chibai inbûk nawna dingin,