JEREMIA 5:6 - Pathien Lekhabu Inthieng (BSI)

⁶ Chuleiin, ramhnuoia sakeibak- nei chun anni chu sukhlum a ta, zântieng huna satenehai chun anni chu suksieng an tih, chun, keitê chun an khawpuihai chu nghâk a ta, mi tukhawm chutaka inthawka suok taphawthai chu keinawiin um an ta, an bawsietnahai chu a tam êm leiin le, an hnungtawlnahai chu a hung pung ta pei leiin.

JEREMIA 5:6 ပူးပေါင်းရင်းမြစ်များ

2 CHANCHIN SUINA 36:14

Chu nawa khawm chun, khaw- hri be mihai tirdakumna po po angin mipuihai le thiempu lalhai khawm chun nasatakin an bawsiet a; Jerusalema LALPA in a sukthieng ta chu an sukpawrche tah a.

EZRA 10:10

Chun, thiempu Ezra chu a ngîr suok a, an kuomah, “In bawsiet tah a, Israel ram khawhlona chu belsa ding- in hmêlmak nuhmei in nei nâwk nghâl a.

EZRA 9:6

“Aw ka Pathien, nanga tienga hung nghat khawm hi ka hmai a mâwkin kân zak a nih, ka Pathien, kan khawhlonahai chu kan lu chunga hin a hung pung deu deu a, kan suolhai chun vân a tawng ta a ni hi.

JOB LEKHABU (THE BOOK OF JOB) 10:16

Ka lu hi ama le ama ân chawimawi chun, sakeibaknei angin i mi pêl a, Ka chunga chun nang chu maktakin i hung inentir a.

INPÂKNA HLABU 104:20

Nang chun inthim i siem a, zân a hung na, Chu huna chun ramhnuoia sa tinrênghai chu an tla suok hlak.

INPÂKNA HLABU 80:13

Ramhnuoia sanghal chun a suksiet a, Ram sahai khawmin an tlân hlak.

ISAI 1:23

I mi lienhai chu mi hel hmang, inru hmanghai ruolhai an nih, mi tinin tham an nuom a, lâwmman an hnawt hlak; pa bohai ro an rêlpêk ngai nawh a, hmeithai thu hlak an kuom a tlung ngai nawh.

ISAI 59:12

Kan bawsietnahai hi i hmaah a pung ta sih a; kan suolnahai hin a mi hêk hlak a nih: kan bawsietnahai hi kan kuomah a um zing sih a, kan khawhlonahai chu kan hriet a nih:

JEREMIA 14:7

Kan suolnahai chun keini a mi hêk khawma, Aw LALPA, i hming leiin nangin sin thaw la, kan hnung- tawlnahai chu a tam hle ta sih a; i chunga chun thil kan lo suksuol ta a nih.

JEREMIA 2:15

Sakeibaknei tuoihai chun an inrûm khum a, an inhûk a: a ram chu an suksiet a; a khawpuihai khawm a hluotuhai um loin a kâng zo tah a.

JEREMIA 2:17

Lampuia chun a ṭhuoi lai chea, LALPA i Pathien i nghatsan khan, hi hi nang chun i nei tlat ni lo am a nih?

JEREMIA 2:19

Nangma rîtlona ngei chun suk- dik a ti cheh a, i hnungtawlnahai chun nang chu kâwk a ti che; chulei- in, LALPA i Pathien chu i nghatsan a, keima ṭina chu nangmaa hrim a um naw hi, thil rilotak le, thil kha a nih ti hi hmu la, hre rawh, LALPA, sipaihai LALPA chun a tih.

JEREMIA 2:31

Aw nangni suon hai, LALPA thu chu en ta u, ka mihai chun, ‘Kan suok fel ta a, nangma kuoma chu hung ta naw ning ung,’ an tina dingin, Israel- hai kuoma chun thlalêr amanih, ram inthim sâmup am ka lo nih a ni?

JEREMIA 25:38

Sakeibaknei angin a chîmbuk a mâksan a, a lunginsen ṭiumna lei le, nêksâwrna kâwlhnâm ṭiumna lei chun an ram chu a se zo ta sih a.

JEREMIA 30:14

Nangma hmangaituhai po po che hlaka an theinghil cheh a; an zawng ta naw cheh a: mi rilo hremna le hmêlma inhliemna chun kân hliem si cheh a, i suolnahai an pung pei lei chun i khawhlona chu a nasa hle sih a.

JEREMIA 30:15

I natna lei chun ieng dinga khêk am i na? I natna chu sukdam theilo a nih, i suolnahai chu an hung pung pei leiin, i khawhlona chu a nasa hle sih a, hieng thilhai hi i chungah ka thaw a ni hi.

JEREMIA 30:24

A thaw hmakhat chun LALPA lunginsenna chu hung kîr nâwk ta naw nih a; a lungrila a tum chu a thaw hmakhat chun: hi hnung tieng nihaia chun la hrieng in tih,” tiin.

JEREMIA 4:7

Sakeibaknei chu a chîmbuka in- thawk chun a hung suok tah a, hnam- hai sukbohmangtu ding chu; a lam- puia chun a thang mêk a, a hmuna inthawk chun a suok tah a, i ram chu râusana siem ding le, i khawpuihai khawm hluotuhai um loa sukse dingin.

JEREMIA 49:19

Ngai ta u, ama chu tlatna hmun pângngaia chun Jordan vadung fâwna inthawk chun sakeibaknei ang elin hung a ta; amiruokchu, ama kuoma inthawk chun intlânsiettir vak ka tih; chun, mi tukhawm thlang- a um chu, ama chunga chun ruot ka ta, tu am keia ang an um a? Tuin am hun mi ruotpêk a ta? Berâmpu ka hmaa ngîr ding chu tu am a na?

JEREMIA 8:5

Iengtiziea hieng Jerusalema mihai hi hnungtawl sawng zingnaa an hnungtawl am a na? Hlêmna chu an chel det tlat a, kîr nâwk an nuom nawh a.

JEREMIA 8:7

Anih, chunga vakâwl chun ama hun ruot chu a hriet a; vaṭhuhai, pelêuhai, vangalsânghai an hunah an hung tlung a, ka mihai ruok chun LALPA thupêk an hriet nawh.

ṬAP HLA 1:5

A khingtuhai chu lu an hung na, a hmêlmahai chu an hung hlawtling a; A bawsietna tamtak el lei chun LALPAIN ama chu a sukrimsi sih a, A nau le têhai chu a hmêl- mahai hmaa chun salah an feh a.

EZEKIEL 16:25

Lam tluongpui tinahai chun i hmun insânghai chu i bâwl a, i mawi- na chu tirdakumnain în changtir a, mi a hung khêl taphawt che kuoma chun în hlîm a, i hurna chu i sukpung tah a.

EZEKIEL 22:27

A sûnga a lalhai chu satene an sa fâk ding innghir khumhai ang chu an na; thisen insuoa, mi hring sukbo- hmanga hlâwkna indik lo an hmuna dingin.

EZEKIEL 23:19

Nisienlakhawm, Aigupta rama nawchizawr thil a thaw lai, a tleirâwl lai nihai chu hre zingin, a hurnahai chu a la belsa ta rawp a.

DANIEL 7:4

A hmasatak chu sakeibaknei ang a na, mupui thlahai a nei a; a thlahai chu sukthlawnga uma, hnuoia in- thawka dawm kânga uma, mihriem anga ke pahnia inngîrtir a hung na, mihriem lungril a kuoma pêk a ni chen chun ka en zing a.

DANIEL 7:6

Hi hnunga hin, ngai ta, a dang keitê ang, a ruongzânga vate thlahai ang thla pali nei chu ka hmuh a; chu sahrâng chun lu pali khawm a nei bawk a, a kuoma chun rorêlna chu pêk a ni tah a.

HOSEA 5:14

Ephraim ta ding chun sakeibaknei ang, Juda ta ding chun sakeibaknei vânglai ang ka ni ding a ni sih a; Keima, keima ngeiin keithlêr ka ta, Fêng ka ta, fe hmangpui ka tih; Sansuoktu ding tukhawm um naw ni hai.

HABAKKUK 1:8

An sakawrhai chu keitêhai nêkin an hrât lem a, Zântienga satenehai nêkin ṭi an um lem a nih; An sakawr chung chuongmihai chu chapotakin an inân a; Anih, an sakawr chung chuongmihai chu hlataka inthawkin an hung a, Mupui sa baw vuong angin a vuongin an vuong a.

ZEPHANIA 3:3

A sûnga chun a mi ṭhahai chu sakeibaknei inrûm lai ang an na; a rorêltuhai chu zâna sihalhai ang an nih; a zînga chen dingin iengkhawm an hla naw a nih.

NAMBAR 32:14

Chun, ngai ta u, Israelhai chunga LALPA lungsenna ṭiumtak chu belsain nangni suon suolhai hin in puhai ai in aw tah a.

THUPUONGSUO 13:2

Chun, ka Sahrâng hmu chu keitê ang a na, a kehai chu savawm ke ang a nih; a bau chu sakeibaknei bau ang a nih; chun, drakon chun a kuomah a thilthawtheina le a lalṭhungpha le thuneina nasatak a pêk a.