JEREMIA 5:26 - Pathien Lekhabu Inthieng (BSI)

²⁶ Ka mihai laia chun mi rilohai hmu a na; anni chun vate mantuhaiin an inchân angin an inchân a; châng an kam a, mihai chu an man a.

JEREMIA 5:26 ပူးပေါင်းရင်းမြစ်များ

INPÂKNA HLABU 64:5

Thil suol thaw ding chun an infui tuoh a, Châng, inrûka kam thua dâm an inbiek hlak a, “Tuin am chuong chu hmûng an ta?” an tih a.

THUVARHAI 1:11

Hienghin ti sien khawm, “Keini leh hung la, Thisen inchân ei ta, A san um loin mi pawitâwk- lo chu inrûkin inchân ei ta;

ISAI 32:7

Mi vervêk thuomhnawhai chu ṭha nawtak a na; pasiehai chun thu dik an hril khawmin mi rimsihai chu khêl thua sukbohmang dingin ama chun thil suol thaw dingin a ngaituo hlak.

ISAI 58:1

“Inringtakin khêk rawh, in- dawi naw rawh, tawtawrâwt angin i râwl insuo tuor tuor la, ka mihai kuomah an bawsietna chu hril la, Jakob sûnghai kuoma chun an suolnahai chu hril bawk rawh.

JEREMIA 18:20

Thil ṭha naw chu thil ṭhaa thung a ni ding am a nih? Ka thlarau ta dingin khur an cho ta sih a. An ta dinga thil ṭha hril dinga i hmaa, i lunginsenna annia inthawka suk- kieng dinga ka ngîr kha hre zing la.

JEREMIA 18:22

An chunga sipai ruol i hung ṭhuoi thut pha chun, an inhaia in- thawk chun ṭap hriet ni raw se, kei mi manna dingin khur an cho a, ka kehai ta ding chun châng an kam sih a.

JEREMIA 4:22

“Ka mihai an invêt a, an mi hriet si nawh a; naupang invêttak ang, hrietthiemna hrim khawm an nei naw, thil ṭha naw thaw dingin an var a, thil ṭha thaw ding ruok chun hrietna an nei nawh.”

JEREMIA 9:8

An lei chu thi theina thal a na; thukhêl a hril a, mi pakhatin a tuol- bâwm kuomah a bau chun thla- muongumtakin thu a hril a, nisien- lakhawm, a lungril chun ama chu ân chân rûk zing a.

MIKA 6:10

Mi rilo ina chun rîtlona robâwmhai chu a la umin inkhina dawrâwm tirdakumtakhai chu a la um rawp am?

MIKA 7:2

Pathien ngaisak mi chu hnuoia inthawk hin an bohmang a, mihriem lai hin mi indiktak hrim an um nawh; thisen insuo dingin an inchân vawng a, mi tinin mâni unau chu lênin an ve a nih.

LUKA 5:10

Simon ruolhai bawk, Zebedai naupa Jakob le Johan khawmin mak an ti hle bawk a. Chun, Isûn Simon kuomah, “Ṭi naw, tuta hnung chu mihriem man tâng i tih,” a ta.