JEREMIA 5:19 - Pathien Lekhabu Inthieng (BSI)

¹⁹ Chun, i mihaiin, “Iengdinga LALPA ei Pathien chun ei chungah hienghai hi a thaw am a na?” an ti pha chun, hieng ang hin anni chu dawn i tih, “Kei in mi lo nghatsan a, in rama chun pathien danglamhai rawng chu in lo bâwl ta ang khan, ram in ta ni ngai loa chun mi hmêl- makhai rawng chu in bâwl ding a nih,” tiin.

JEREMIA 5:19 ပူးပေါင်းရင်းမြစ်များ

JEREMIA 13:22

I lungril chun, “Hieng thilhai hi iengtiziea ka chunga hung tlung am a na?” i ti a ni thei a; i suolna tam êm lei chun i fênthuo chu hlîm a na, suol- luina i tuok a nih.

JEREMIA 16:13

Chuleiin, hi rama inthawk hin nangni le in thlatuhai khawma an hriet ngailo rama chun ka hnawt suok ding cheu a nih; chutaka chun a sûn a zânin pathien danghai rawng bâwl in tih; ditsakna kân hmutir âwm si naw cheu a,’ a tih,” tiin.

JEREMIA 17:4

Nang khawm, nang ngei khawm, i rochan dinga, ka pêk chea chun um zing naw ti nih a, ram i hriet ngai loa chun i hmêlmahai rawng inbâwltir ka ti che a; ka lunginsennain mei, kumkhuoa chawk ding chu i lo sêm ta sih a.

JEREMIA 2:13

Ka mihai chun thil ṭha naw pahni chu an thaw ta sih a; kei tui hringhai tuikhur chu an mi mâksan a, tuisunsuohai an cho a, tuisunsuo ṭehai, tui intling thei lohai chu.

JEREMIA 2:14

Israel hi siehlaw a nîm a nih? Sal pu ina pieng am a nih? Iengdinga tawktar chau a ni el am a nih aw?

JEREMIA 2:35

‘Pawitâwklo ka nih; matheiloin i lunginsenna chu keimaa inthawkin inkieng ngei a tih,’ i tih a. Ngai ta, ‘Ka suksuol nawh’ i ti lei chun i chungah ro ka rêl ding a nih.

JEREMIA 5:18

Nisienlakhawm, chuong niahai khawm chun, i tâwp dêrna ding chu thaw naw ning, LALPA chun a tih.

JEREMIA 5:20

Jakob sûngkuoa chun hi hi hril unla, Juda rama chun phuongdar ro;

JEREMIA 9:12

Hi hi a hrilfie theina dinga LALPA bauin a kuoma thu a lo hrilna chu tu am a na? Ieng leia ram chu thlalêr anga a kâng a, a bohmang a, tukhawm an fe thleng ta nâwm a na?

JEREMIA 9:13

LALPA chun hieng hin a tih: An hmaa dân ka sie chu an nghatsan a, ka râwl khawm an awi nawh a, chu- taka chun an fe bawk naw leiin a nih;

ṬAP HLA 5:8

Siehlawhai chun kan chungah ro an rêl a, An kuta inthawka mi sansuok ding tukhawm an um nawh.