JEREMIA 5:17 - Pathien Lekhabu Inthieng (BSI)

¹⁷ Anni chun i lohma suok le i bu fâng an ta, i naupasalhai le i naunu- hmeihai fâk ding ngei chu; berâm ruolhai le i bâwng ruolhai chu fa zo vawng an tih; i theichang kûng hai le i grêphruihai chu fa zo an ta, i khawpui kulneihai kâwlhnâm le i în hnêmnahai chu sukchim an tih.

JEREMIA 5:17 ပူးပေါင်းရင်းမြစ်များ

ISAI 62:8

LALPA chu a changtieng le a bân hrâttak sâlin ṭawng ân khâm tah a, “I bu chu nangma dotuhai bu dingin pe nâwk ta dêr naw ningah a, ram dang mihaiin i them suok uoin chu dâwn nâwk ta naw ni hai:

ISAI 62:9

a sîktuhai chun fa lem tâng an ta, LALPA chu inpâk an ta; a lotuhai chun ka hmun inthieng inhuonna tuollaia chun dâwn tâng an tih,” tiin.

ISAI 65:22

Mi dang umna dingin in bâwl ta naw ni hai a, mi dang fâk dingin grêp huon siem nâwk ta bawk naw ni hai; thing dam sûng nihai ang hin ka mihai dam sûng nihai chu a um ding a ni sih a, ka mi thlanghai chu sâwttak an thawsuok chunga chun an lâwm ding a nih.

JEREMIA 1:15

Ngai ta, hmâr tienga lalram sûngkuohai po po chu ka ko ding a ni si a, LALPA chun a tih; chun, hung an ta, mi tin chun Jerusalem dai kawt- khâr lûtnaa le a vêlsuokin kul bang- hai bula le, Juda khawpuihai po poa chun an lalṭhungpha chu hung innghat an tih.

JEREMIA 25:37

Chun, LALPA lunginsenna ṭiumna lei chun ran in muongum- takhai dâm chu an to ṭawk ṭawk a.

JEREMIA 4:26

Ka hei en a, ngai ta, ram rahlâwktakhai khawm chu thlalêr a lo ni tah a, chutaka khawpuihai po po chu LALPA hmaihmaa le, a lungin- senna ṭiumtak hmaa chun a lo chim tâwl tah a.

JEREMIA 4:7

Sakeibaknei chu a chîmbuka in- thawk chun a hung suok tah a, hnam- hai sukbohmangtu ding chu; a lam- puia chun a thang mêk a, a hmuna inthawk chun a suok tah a, i ram chu râusana siem ding le, i khawpuihai khawm hluotuhai um loa sukse dingin.

JEREMIA 5:18

Nisienlakhawm, chuong niahai khawm chun, i tâwp dêrna ding chu thaw naw ning, LALPA chun a tih.

JEREMIA 50:17

“Israel chu berâm indar a nih: sakeibakneihai chun ama chu an lo hnawt hmang tah a; a hmasatak chun Assuria lal chun anni chu a fâkzo a; a tâwpah Babulon lal Nebukadnezzar hin a ruhai chu a sukthliek tah a.

JEREMIA 50:7

A hmu taphawthai hlak chun anni chu an fâkzo a, an hmêlmahai chun, ‘Thudik umna LALPA, an thla- tuhai beiseitak, LALPA chunga chun thil an suksuol lei a nih, ei sukpawi nawh,’ an tih a.

JEREMIA 8:13

Anni chu kâng hmang letdêr ka tih, LALPA chun a tih; grêphruiahai chun grêp um naw nih a, theichang kûngahai khawm chun theichang um naw nih a, a hna khawm chu vuoi a tih; chun, an kuoma thil ka pêkhai khawm chu annia inthawk chun fe hmang a tih.

JEREMIA 8:16

Dana inthawk chun a sakawr- hai hnâr hnâwt ri chu ân hriet a; a mi hrât hung inhrosatna ria chun ram pumpui chu ân hnîng a. Anni chu an hung a, ram po po le a sûnga umhai chu an fâk zo sih a; khawpui le a sûnga chênghai le khawm chun.

ṬAP HLA 2:12

An nuhai kuoma chun, “Bu le uoin khâwlai am a um a?” an tih a, Khawpui kawtthlêrhaia hliem anga an inkawn el lai le, An thlahai chu an nuhai ângsûnga an hringna a ṭuoi ral lai chu.

ṬAP HLA 2:2

LALPA chun Jakob ram hluohai po po chu a lem zo vawng a, a lunginsiet nawh, Juda naunu kul dethai chu a lunginsen chun a keichim a; Hnuoiah a hung tethlûk a; Lalram le lalhai khawm chu a suktlâwm tah a.

EZEKIEL 36:4

nangni Israel tlânghai, Lalpa PATHIEN thu chu lo ngai ta u; Tlâng- hai kuoma dâm, muolhai kuoma dâm, tui luongnahai kuoma dâm, phai- ruom kuoma dâm, khawpui mâksana um le suksieta râusana umhai kuoma dâm, an sîrvêla hnamhai la um sun- hai ifâk zo le hrilsîma lo um tahai kuoma chun, Lalpa PATHIEN chun hieng hin a ti a nih;

HOSEA 2:12

A grêp hrui le a theichang kûng, Hieng hi ka dit zâwnghai mi pêk, ka hlaw chu a nih, A ti hlakhai chu sukrêm ka tih. Ramhnuoiah siem ka ta, ramsahaiin fâng an tih.

HOSEA 8:14

Israel chun a siemtu a theinghil a, In ropuihai a bâwl a; Juda chun khawpui kul neihai a sukpung a; Nisienlakhawm, a khawpuihaia chun mei tir ka ta, A in ropuihai chu kâng zo a tih.

JOEL 2:3

An hmatieng chu meiin a kâng fai a, an hnungtieng meichawkin a hlieu bawk a; an hmaa ram chu Eden huon ang a nih; an hnungtieng chu thlalêr ram ṭâwl a nih, ieng- khawmin chuong chu an pumpel ta nawh.

LEVI DÂN 26:16

kei khawma in chungah hi hi thâwng ka tih; in chungah thil ṭiumtak, ngawrna le, mithai sukchau diek diek a, hringna fa hek diek diektu khawsikna dâm inlêngtir ka tih. Chuongchun, in thlaichihai a thlâwnin chîng in ta, in hmêlmahai chun fa pei an tih.

ZEPHANIA 3:6

Hnamhai chu ka sât thlâk a, an in insânghai chen khawm chu râu- sanin a um tah a; an kawtthlêrhai chu ka suksiet vawng a, tukhawma an hraw ta nawh a; an khawpuihai chu suksietin a um a, chuongchun, mi an um ta nawh a, a hluotu khawm an um ta nawh.

MALAKI 1:4

Edom mihai chun, “Hnein ei um ta ngeia chu, kîr nâwk ei ta, hmun se tahai chu siem ṭhâng ei tih,” ti hai sien khawm; sipaihai LALPA chun hieng hin a tih, “Bâwl an ta chu, kei thlûng ka tih: chun, mihai chun anni chu, ‘Khawhlona ram le, kumkhuoa an chunga LALPA lunginsenna zing zing hnam,’ tîng an tih.

DÂN PAHNINA 28:33

In hnuoi râhai le in sin inrim râhai chu hnam in ihriet ngai loin fa zo an tih, nêksâwr ding le suknawm- nat ding chau ni zawmzat in tih,