JEREMIA 5:15 - Pathien Lekhabu Inthieng (BSI)

¹⁵ Ngai ta, hlataka inthawkin i chungah hnam hung ṭhuoi ka ta, Aw Israel sûngkuo, LALPA chun a tih; hnam hrâttak nîng a ta, hnam hluitak el ni bawk a ta; hnam an ṭawng khawm i hriet lo le, an hril khawm i hriet lo nîng a tih.

JEREMIA 5:15 ပူးပေါင်းရင်းမြစ်များ

INṬANNA 11:7

Thaw ro, zu fêng ei tiu a, ṭawng an inhriettuo thei nawna dingin khutaka khun an ṭawng zu suk- tumpêk ei tiu,” a ta.

INPÂKNA HLABU 81:5

Chu chu Josef-a chun thu inhriettirna dingin a ruot a, Aigupta rama a fe thleng lai khan; Ka ṭawng hriet naw râwl ka hriet a

ISAI 28:11

Anih, nisienlakhawm, hmûr danglam put mi hmangin, ṭawng dangin hieng mihai kuoma hin thu hril lem tâng a tih:

ISAI 29:3

Chun, nang chu thaw tumin i vêla chun ep ka ti cheh a, kul siemin inhuol vêl bawk ka ti cheh a, thaw ding chein inhuol vêlna kulbînghai siem bawk ka tih.

ISAI 29:6

Vâninrûm dâm, simkhawleihnuoi inhnîng dâm, ri nasatak dâm, thlivir dâm, thlipui dâm, thil kâng hmang thei meichawk dâmin ama chu sipaihai LALPA hremin um a tih.

ISAI 33:19

Mi ṭiumtak, ṭawng inriltaka i hriet thei nawa ṭawng mihai, ṭawng danglam i hrietthiem nawa ṭawnghai chu hmu ta naw ti ni.

ISAI 39:3

Chuong lai chun zâwlnei Isai chu lal Hezekia kuoma chun a hung a, a kuomah, “Nakieta mihai khan ieng am an hril a? Khâw laia inthawkin am i kuomah an hung a?” a ta. Hezekia chun, “Ram hlataka in- thawkin, Babulona inthawk chun ka kuomah an hung a nih,” a ta.

ISAI 5:26

Hnam tin hlataka mihai ta dingin inchikna târ suok a ta, kâwl- kawdawnga inthawka ko dingin fai- fûk a tih; chuongchun, ngai ta, anni chu inhmâwtakin hung vak an tih.

ISAI 5:7

Sipaihai LALPA grêp huon chu Israel sûngkuo hi a na, Juda mihai hi a kûng ditumtak chu an ni sih a; rorêlna fel a beisei a, nisienlakhawm, ngai ta, nêksâwrna a hung um ta lem a; felna a beisei a, nisienlakhawm, ngai ta, khêk ri a hung um ta lem a nih.

JEREMIA 1:15

Ngai ta, hmâr tienga lalram sûngkuohai po po chu ka ko ding a ni si a, LALPA chun a tih; chun, hung an ta, mi tin chun Jerusalem dai kawt- khâr lûtnaa le a vêlsuokin kul bang- hai bula le, Juda khawpuihai po poa chun an lalṭhungpha chu hung innghat an tih.

JEREMIA 2:26

“Inru chu hmusuok a ni pha chun ân zak angin, Israel sûngkuo khawm chu chuong ang chun ân zak a nih; anni le an lalhai, an rorêltuhai, an thiempuhai, an zâwlneihai chun,

JEREMIA 25:9

ngai ta u, mi tir ka ta, hmâr rama inthawk chun sûngkuohai po po chu ko ka tih, LALPA chun a tih; chun, ka siehlaw Babulon lal Nebukadnezzar kuoma chun mi tir ka ta; anni chu hi ram le, a hluotuhai le, a vêla hnamhai po po chunga do dingin hung ṭhuoi ka ta; chuongchun, anni chu sukse letdêr ka ta, makti ding le, inchekna ding le, kumkhaw rausanah ka siem ding a nih.

JEREMIA 4:16

hnamhai kuoma chun hrilna nei rawh; ngai ta, Jerusalem chunga chun phuong la, vêngtuhai chu ram hlataka inthawkin an hung a, Juda khawpuihai chu demin an râwlhai an insuo a nih.

JEREMIA 5:11

Israel sûngkuo le Juda sûngkuo chun ka chungah khawhlotakin an lo thaw ta sih a,” LALPA chun a tih.

JEREMIA 6:22

LALPA chun hieng hin a tih: ngai ta, Hmâr tieng rama inthawkin hnam pakhat a hung a, leihnuoi kil khâwrtaka inthawk chun hnam ropuitak chu suktho nîng a tih.

JEREMIA 9:26

Aigupta dâm, Juda dâm, Edom dâm, Ammon thlahai le, Moab thla- hai, barêp hmul vawa thlalêra chêng- hai po po le chun, chuong hnamhai po po chu sertan lo an na, Israel sûng- kuohai po po chu lungrila sertan lo an nih.

EZEKIEL 18:31

In bawsietnahai po po, in lo bawsiet tahai chu, nangnia inthawk- in peihâwn unla, thlarau thar le lung- ril thar insiempêk unla, aw Israel sûngkuo, iengdingin am thîng in ta?

DANIEL 1:4

anni chu tleirâwl demkailo, ditumtak lem, varna po poa thiem, hrietna kawnga bengvâr, hrietna inthûktak hre mi, lal ina ngîr dinga theina nei mi an ni ding a na; chun, Kaldai ṭawng le thiemna ân chûktir bawk ding a nih.

DANIEL 7:7

Hi hnunga hin zâna thil hmu- lâwkhai chu ka hmuh a, sahrâng palina chu, ngai ta, hrât êm êm el, thilthawtheitak, ṭiumtak el hi a na; thîr ha ropuitakhai chu a nei a; a fâk zo a, a suknâwiin a suknâwi a, a mahlahai chu a kehaiin a sirdeh a, a hmaa sahrânghai po poa inthawk khan danglamtak a na; chun, ki sâwm a nei bawk a.

AMOS 6:14

“En ta u, Aw Israel sûngkuohai, nangni hi do dingin hnam hung in- ngîrsuotir ka ta, chun, Hamath khaw kawtsuoa inthawkin Araba vadung chenin suknawmnâng an ti cheu,” LALPA, sipaihai Pathien chun a ti sih a.

HABAKKUK 3:16

Ka hriet a, ka phîngsûng chuân thin a, Ka hmûrhai chu râwlria chun ân thin hlawp hlawp a; Ka ruhaia chun hmawnna a hung lût a, chuongchun, ka hmuna chun kân thin a nih; Buoina nia chun châwl kata, Mipui, sipai pâwl anga mi rûntu chunga an hung tlung pha chun.

1 KORINTH 14:21

Dân Lekhabua chun, “ ‘ṭawng dang mihai bau le, ram dang mihai hmûrin, hieng mihai kuoma hin thu hril ka ta; chuong sa khawm chun mi ngainaw ni hai,’ Lalpain a tih,” ti ziek a nih.

DÂN PAHNINA 28:33

In hnuoi râhai le in sin inrim râhai chu hnam in ihriet ngai loin fa zo an tih, nêksâwr ding le suknawm- nat ding chau ni zawmzat in tih,

DÂN PAHNINA 28:49

Hlataka inthawk, kâwlkaw- dawnga inthawkin nangni thaw ding hnam LALPAIN mupui bir angin hung tir a ta, an ṭawng khawm in hriet naw hnam;