JEREMIA 5:12 - Pathien Lekhabu Inthieng (BSI)

¹² LALPA chu an lo inphatsan a, “Ama a ni nawh; thil ṭha naw chu ei chungah hung tlung chuong naw ni; ṭâm amanih, kâwlhnâm amani khawm hmu chuong nâwm ei ni;

JEREMIA 5:12 ပူးပေါင်းရင်းမြစ်များ

2 CHANCHIN SUINA 36:16

nisienlakhawm, Pathien tirko- hai chu an nuisan a, a thu chu an hmusit a, a zâwlneihai chu an nuiêu a, sukṭhat nâwk theina um ta lo hiel khawpa, mipuihai chunga LALPA lungsenna chu chawkthoa a um hiel chen chun.

INPÂKNA HLABU 10:6

A lungrila chun, “Châng naw ning: Suon po po chenin lungzîngin um naw ning,” a tih a.

INPÂKNA HLABU 14:1

Mi invêt chun a lungrilin, “Pathien hrim a um nawh,” a ti hlak a. An se zo a, thil ṭha thaw hrim an um nawh.

THUVARHAI 30:9

Ka hung tlai hin inphat ka ti cheh a “LALPA chu tu am a na?” ti hlau rawi ka tih, Annawleh, ka hung pasiet hin inru rawi ka ta, Ka Pathien hming hi hrilsiet- nain hmang rawi ka tih.

JEREMIA 14:22

Khawhri be mihai teplohai lai chun ruo insûrtir thei hrim an um am? Annawleh, vânhai chun ruohai chu a pêk thei am a nih? Aw LALPA kan Pathien, nang chu ama chu i ni a ni naw maw? Chuleiin, nangma chu nghâk zing kan ti che, hieng thilhai po po hi i siem sih a.

JEREMIA 2:6

Anni chun, ‘Aigupta rama in- thawka eini mi hung ṭhuoi suok a, thlalêra le, ram thlalêr le khur hmun le, ram ṭâwltak le thina hlim ram le, ram mi tukhawm an fethleng ngai nawna le, mi tukhawm chêng nawna rama mi ṭhuoitu LALPA kha khaw lai am a um a? khawm an ti nawh.

JEREMIA 28:4

hi hmuna hin Juda ram lal Jehoiakim naupa Jekonia le Juda sal intânghai po po Babulona fe tahai chu hung ṭhuoi kîr nâwk ka ta; LALPA chun a tih; Babulon lal rîngkawl chu ka sukthliek ding a ni sih a,” tiin.

JEREMIA 4:10

Chun, kei chun, “E, Lalpa PATHIEN! Hi hnam le Jerusalem hi i lo hlêm let dêr a ni hi, ‘Muongna nei in tih,’ tiin i lo hril a, kâwlhnâm hlak chun hringna ngei a sun ta lem si hi,” ka tih a.

JEREMIA 43:1

Chun, hieng thuhai po po, LALPA an Pathienin an kuom- a ama a tirna, LALPA an Pathien thuhai po po chu mipuihai po po kuoma Jeremia chun a hril zo chun,

JEREMIA 5:31

zâwlneihai chun indik lotakin an lo hrillâwk a, thiempuhai hlak chun anni thu ang angin ro an lo rêl tah a, ka mihai hlak chun, chuong chu nei an lo châk bawk sih a: a tâwpa chun ieng am thâw tâng i ta?

JEREMIA 6:14

Thlamuongna chu a um naw sa khawma, “Thlamuongna, thlamuong- na,” tiin, ka mihai insuknatnahai khawm chu an sukdam met chau a.

EZEKIEL 13:6

Anni chun teplo mei mei le vân tieng thil khêl thu an hmu a, LALPA- IN anni chu a tir naw sain, ‘LALPAIN a tih’ tiin an thu chu sukdet ni ngei dingin mihai an inbeiseitir a.

MIKA 2:11

Mumal neilo le indik nawtaka, “Uoin le zu thu i kuomah hril ka tih,” tia miin khêl a hril chun hieng mihai zâwlnei hi ni chau a tih.

MIKA 3:11

Chutaka hotuhai chun lâwm- man beiseiin ro an rêl a, chutaka thiempuhai chun hlaw beiseiin an inchûktir a, chutaka zâwlneihai chun tangka beiseiin ai an sân a nih: Chuong sa khawm chun, “LALPA chu eini lai a um naw am a nih? Thil ṭha naw ei chungah hung tlung naw nih,” tiin LALPA chungah an innghat a nih.

DÂN PAHNINA 29:19

Chun, chuong chu a ni chun chu, hi inkhâmna thu hi a hrietin, ‘thil ṭâwla thil hnâwng sukhlum tum ti angin, lungril kâwmâwtakin um inla khawm, lungmuongna chu ka nei hrim hrim,’ tiin a lungrilin mal insâwm fâwm khat rawi a tih.

1 JOHAN 5:10

Pathien Naupa ringtu chun mâniah hrietna a nei a nih; Pathien ringnawtu chun ama chu khêlhlipah a siem a nih, Pathienin a Naupa chanchin ân hriettir chu a ring naw leiin.

1 SAMUEL 6:9

Chuongchun, ama ramri tieng lampui hrawin Beth-semesa chun a fe am en ta u; a fe chun ei chunga thil ṭha nawtak hi ama thaw nîng a ta, a fe naw chun a mi hremtu chu ama kut a lo ni nawh ti hrieng ei ta, ei chunga hung um ve hrim hrim nîng a tih,” an tih a.