JEREMIA 49:29 - Pathien Lekhabu Inthieng (BSI)

²⁹ An puon inhai le an ran ruolhai chu lâng an ta; an ta dingin an puonhai, an bûr le bêlhai po po le an sanghâwngseihai po po ṭhuoi hmang an tih; chun, an kuoma chun, ‘Kil tina ṭitna ruok a nih,’ tiin mi khêk an tih.

JEREMIA 49:29 ပူးပေါင်းရင်းမြစ်များ

INṬANNA 37:25

Chun, bu fa dingin an hang ṭhung tâwl a; chun, an hang dâk a, Ismael inzinpâwl Gileada inthawk an sanghâwngseia riminhnik, thing hnai damdawi le murra phura Aiguptaa zu fe ding hunghai chu an hmuh a.

JOB LEKHABU (THE BOOK OF JOB) 1:3

A ran ruol khawm chu berâm sâng sari, sanghâwngsei sâng thum, bâwngchal tuok za nga, sabengtung- pui za nga le insûng ropuitak el leh a nih; chuongchun, chu mipa chu khaw- sak rama mihai po po laia a ropui tak a nih.

INPÂKNA HLABU 120:5

Meshekhai rama ka châm le, Kedarhai puon ina ka um hi, ka chung a va rik de!

INPÂKNA HLABU 31:13

Mi tamtak mi hêkna ka hriet sih a, Ka vêla ṭium um chu: An mi phier lai khan, Ka hringna mi lâkpêk an tum a.

ISAI 13:20

Iengtika khawm chutaka chun mi um ta naw ni hai a, suon um sûng po po chun a sûnga um um naw ni hai; Arab mihai chun chutaka chun an puon in chu zâr naw ni hai a; berâm vêngtuhaiin chutaka chun an berâm ruol chu inbawktir bawk naw ni hai.

ISAI 60:7

Kedarhai ran ruol po po chu i kuoma um khâwmin um an ta; Nebaiothhai berâmchalhai chun i rawng bâwl an tih; ka mâichâma chun lâwmin hang fêng an ta, ka ropuina in chu chawimawi ka tih.

JEREMIA 10:20

Ka puon in chu suksiet a ni tah a; ka hruihai po po khawm suktan an ni tah a; ka nauhai khawm chu keimaa inthawkin an fe hmang a, an um ta nawh a; ka puon in keiphar nâwk ding tukhawm an um ta nawh a, ka puonzârhai zâr ding leh.

JEREMIA 4:20

Bohmangna chungah bohmang- na a tlung a; ram pumpui chu suksiet a ni ta sih a, chawmkhat kârin ka puon inhai chu suksiet an na, mit- khap kâr loin ka puonzârhai khawm chu.

JEREMIA 46:5

Iengtizie am an ta le? An bei- dawng zo a, an hnungtawl tah a; an mi hrâthai chu hnein an um a, an tlân dar a, hnungtieng an ngha ta nawh; ṭium chu sîr tinah a um a nih, LALPA chun a tih.

JEREMIA 49:24

Damaska chu a hung hrât nawh a, tlân hmang dingin ân her a; inthinnain ama chu a man a; thuok- dawngna le lungngaium chun ama a chel tlat tah a; nuhmei nauhase nat tuor ang elin.

JEREMIA 49:5

Ngai ta, i chunga chun ṭitna ka hung intlungtir ding a nih, sipaihai PATHIEN, Lalpa chun a tih: i vêla umhai po poa inthawk chun inumtir ka ta; mi tin chu hnawt suok letdêr an ti cheu a, ân vâkhmang tahai chu kei khâwmtu ding tukhawm um naw ni hai.

JEREMIA 6:25

Lohaia chun fe suok naw unla, lampuia khawm chun fe naw ro; hmêlma kâwlhnâm le ṭitumna chu sîr tin ela chun a um sih a.

HABAKKUK 3:7

Kushan puon inhai chu sukrimsika a um lai kahmuh a; Midian ram puonzârhai chu ân thin a.

2 KORINTH 4:8

Khing tieng khing tienga hneng- dein kan um a, nisienlakhawm, kan thuok a dawng si nawh; lunginzîngin kan um a, nisienlakhawm, kan bei a dawng si nawh.

2 KORINTH 7:5

Makedonia ram kan tlung khawm khan kan tisa chun muongna hrim a nei chuong nawh a; khing tieng khing tienga sukrinumin kan um ta lem a, puotiengah insuol- nahai a um a, sûngtiengah ṭitnahai a um a.

RORELTUHAI 6:5

An ranruolhai le an puon inhai leh an hung inthawk a, khâu ang elin tamtakin an hung inthawk hlak sih a; anni le an sanghâwngseihai chu tiem sêng khawm an ni nawh; an hunga ram chu an suksiet hlak a nih.

RORELTUHAI 7:12

Chun, Midianhai le Amalekhai le khawsak nauhai po po ruoma chun khâu ang elin tamtak an lo um hmur el a; an sanghâwngseihai chu tiem sêng ruollo, an tam tieng chu tui- suoriet kama phaiphin zât zet an nih.

RORELTUHAI 8:21

Chun, Zeba le Zalmunna chun, “Nang kha hung inthawk la mi hung thaw ta la, patling le patling inthaw ding a nih annâwm,” an tih a. Chun, Gideon chu a tho a, Zeba le Zalmunna chu a that tah a; chun, an sa- nghâwngseihai rînga rîngawrhai chu a lâk a.

RORELTUHAI 8:26

Chun, chuong rângkachak nabe a hni khâwm chu a rikzie chu rângkachak shekel sâng khat le za sari a nih, rîngawrhai, nabehai, Midian lalhai puon senduk tiemsa loin an sanghâwngseihai khaidiet hli khawm ṭhang loin.