JEREMIA 48:29 - Pathien Lekhabu Inthieng (BSI)

²⁹ Moab chapona chu kan hriet a, a chapo êm êm el a; ân suksângna le, a chapona le, a uongna le, a lungrila uongthuongna le chun.

JEREMIA 48:29 ပူးပေါင်းရင်းမြစ်များ

INPÂKNA HLABU 138:6

LALPA chu chunghnungtak a nia chu a mi inhnuoihai a ngaisak hlak. Mi chapohai ruok chu hlataka inthawkin a hriet hlak.

THUVARHAI 18:12

Sietna hmaah mihriem lungril chu a uong hlak a, Inzâkaina hmaa chun inngaitlâwmna a fe zie.

THUVARHAI 21:24

Mi chapo le mi uong chu a hming chu Hmusittu a na, Inphûloin chaponaah sin a thawh a.

THUVARHAI 30:13

Thla pakhat an um a, aw an mithai chu a vân sâng ngei de! An mit vunhai chu a tungin ân hlîm a.

THUVARHAI 8:13

LALPA ṭi chu suolna theidana ding a na, Chapona le, insuklienna le rîtlona kawng leh, Bau chapo hi ka theida a nih.

ISAI 13:11

Chun, khawvêl hi an suolna leiin hrem ka ta, mi rilohai chu an khawhlona leiin hrem bawk ka tih, chun, mi chapo ṭawnga mingem chu sukbo ka ta, mi ṭium chapona chu sukhnuoi bawk ka tih.

ISAI 16:6

Moabhai chapona thu, an chapo êm êm a ni ti ei lo hriet a, an ṭawng mingemzie le an chapozie le, an lunginsenzie thu chu, an uongnahai chu iengkhawm a ni nawh.

DANIEL 4:37

Tuhin, kei Nebukadnezzar hin vâna Pathien chu ka chawimawiin, ka chawisângin kân pâk a; a sin- thawhai po po chu indikna a na, a lampuihai chu felna a nih; chun, chapoa fehai chu a sukhnuoi thei a nih.

LUKA 14:11

Inngaihlu taphawt chu tlâwm an ta; inngaitlâwm chu chawimawiin um an tih,” a ta.

JAKOB 4:6

Nisienlakhawm, lunginsietna tam nâwkzuol a pêk hlak; chuleiin, Pathien Lekha Thuin, “Pathienin mi chapohai a kal a, inngaitlâwmhai ruok chu lunginsietna a pêk hlak,” a ti a nih.