JEREMIA 48:26 - Pathien Lekhabu Inthieng (BSI)

²⁶ “Ama chu vairui ta u, LALPA chu dodâlin ama le ama ân chawi- mawi sih a; Moab chu ama luoka ngei chun inbuol a ta, ama chu mi hrilin- sîm hung ni bawk a tih.

JEREMIA 48:26 ပူးပေါင်းရင်းမြစ်များ

JOB LEKHABU (THE BOOK OF JOB) 15:25

Pathien chungah a kut ân let lei le, Iengkimthawthei chunga chapotaka a khawsak leiin.

JOB LEKHABU (THE BOOK OF JOB) 9:4

Ama chu lungrila var, hrâtnaa thilthawthei a na, Ama chunga insukngara hlawtling tu am um an ta?

INPÂKNA HLABU 2:4

Vâna ṭhungpa chu innui a ta: LALPA chun anni chu nuisan a tih.

INPÂKNA HLABU 59:8

Nisienlakhawm, aw LALPA, nangin anni chu nuisan lem i ta; Hnam tinrêng chu nuiêu i tih.

INPÂKNA HLABU 60:3

I mihai hi thil inkhawtakhai în tuoktir a, Pêmna uoin chu i mîn dâwn tir tah a.

INPÂKNA HLABU 75:8

LALPA kuta chun no a um sih a, a uoin chu a phul a, Thil dang le chawkpawlin a sip a, chutaka inthawk chu a bunsuok a. Matheiloin a nenghai chen chun hnuoia mi rilohai chun dâwn fai rêt an tih.

FESUOKNA 5:2

Pharao chun, “Israelhai infetir dinga a rawl ka ngai ding LALPA chu tûm a na? LALPA chu ka hriet ngai nawh a, chu nawa khawm, Israelhai chu infetir naw bawk ka tih,” a tih a.

FESUOKNA 9:17

Ka mihai chunga hin nang le nang inchawimawiin, anni chu i lân fetir naw rawp ding a ni maw?

ISAI 10:15

Hreipui hin thil chêkna dinga a hmangtu chu a uongkhum ding am a nih? Thingâtna hin a âttu chu a hnuoisie ding am a nih? Hembâwkin ân lettuhai chu ân let vêl lem ang amanih, hmawlin thing ni si lo ân let lem ang el hi a nih!

ISAI 19:14

LALPA chun Aigupta mihai laia chun kâwmâwsietna thlarau ân umtir tah; chuongchun, zu inrui chu ama luoka a pêm a pêm ang hin Aigupta mihai chu an sinthaw tinrêngah an infe kâwitir tah a.

ISAI 28:8

Hmun fai hrim hrim um naw khawpin dawkân po po chu luok le thil pawrchein a sip a nih.

ISAI 29:9

Ngîr zing unla, makti ro, nuom- tâwl unla, mitdelin um ro; an inrui a, nisienlakhawm, uoin lei a ni nawh; an pêm an pêm a, nisienlakhawm, zu lei a ni nawh.

ISAI 51:17

Aw Jerusalem, LALPA kuta inthawka a lunginsenna noa mi dâwntunu, har la, har la, tho rawh, nang chun pêm pêmna no berbua mi chu i dâwn a, i dâwn fai rêt a.

ISAI 63:6

Chuongchun, mi tin chu ka lung- insenin ka sirdeh a, ka lunginsenin ka sukrui a, an hringna thisen chu hnuoiah ka bunthlâk tah.

JEREMIA 48:39

Ieng anga sukkhawi am a na? Ieng angin am an ṭap inrûm a? Moab chun inzak leiin iengtin am a hnung- innghat el a; chuongchun, Moab chu a vêla umhai ta ding chun lungsuk- zîngna le hrilinsîm nîng a tih.

JEREMIA 48:42

Chun, Moab chu LALPA do- dâla ân chawimawi leiin, hnam ninaa inthawka sukbohmang nîng a tih.

JEREMIA 50:29

“Thalkâptuhai, thalngul kuoi- hai po po chu Babulon chunga chun ko khâwm ro; a vêl el chun riekngha unla, chutaka inthawk chun tu- khawm insuokthlengtir naw ro; a sinthaw ang pei chun ama chu thung unla, a lo thaw ta ang tak khan ama chungah thaw ve ro; LALPA chungah, Israel Mi Inthieng chunga chun a lo chapo ta sih a.

JEREMIA 51:39

Suklum an ni pha chun, an ta dingin ruoi ṭhêng ka ta, anni chu sukrui ka ta, chuongchun, an hlim a, tho nâwk ta lo dinga kumkhuoa innaa chun an in theina dingin, LALPA chun a tih.

JEREMIA 51:57

Chun, a lalhai le a mi varhai le, a rorêltuhai le, a lal aiawtuhai le a mi thilthawtheihai chu sukrui ka ta; kumkhuoa innaa chun in an ta, tho ta naw ni hai, Laltak, a hming khawm sipaihai LALPA chun a tih.

JEREMIA 51:7

Babulon chu LALPA kuta chun rângkachak no hnuoi po po sukruitu chu a lo ni tah; hnamhai chun a uoin chu an dâwn tah a; chuleiin, hnamhai chu an invêt a nih.

ṬAP HLA 1:21

Ka thuok dawngna chu an hriet a, a mi thlamuong ding tukhawm an um nawh; Ka hmêlmahai po po chun ka buoina chu an lo hriet a, nangin i thaw a ni leiin an lâwm a; Ni i phuong ta chu la hung intlungtir i ta, anni khawm keia ang bawk nîng an tih.

ṬAP HLA 3:15

Ama chun khâknain a mi suksip a, sairam kha leh a mîn ṭhungtir tah a.

ṬAP HLA 4:21

Uz rama um, nang aw Edom naunu, hlimin lâwm rawh; Nanga kuoma khawm no chu hung tlung a ta; inrui i ta; chun, nang chu ruokin insiem i tih.

DANIEL 11:36

“Chun, lal chun a nuom ang angin thâwng a ta, ama le ama chu inchawimawi a ta, pathien po po chunga chun ama chu inchawisâng a tih; chun, pathienhai Pathien chu kalin thil râpthlâktak takhai chu hril a tih, thaw dinga tum ta po chu thaw a ni ding a na, lunginsenna chu hrîk- thlâk a ni hmakhat chu hlawtling pei a tih.

DANIEL 5:23

Vâna Lalpa chu kalin nang le nang în chawisâng ta lem a; a ina bûrlebêlhai chu i hmaa chun an hung lâk a, nang le i lalhai le i nuhmeihai le i thaikêmhai chun chuonga chun uoin in dâwn tah a; chun, tangka dâm, rângkachak dâm, dârsen dâm, thîr dâm, thing dâm, lung dâm pathien- hai, hmu thei lo le, hre thei lo le, hrietna neilohai chu in inpâk a; Pathien a kuta i hringna umna le ama i lampui po po umna chu i chawi- mawi nawh a,

DANIEL 8:10

Chun, vân mipuihai laia khawm chun a hung ropui hleh a; chuong- chun, pâwl ṭhenkhat le arasi ṭhen- khat chu hnuoiah a pei thlâk a, anni a sirde tah a.

NAHUM 3:11

Nang khawm inrui bawk i ta, thuphmangin um i tih; hmêlma leiin kul det zawng bawk i tih.

HABAKKUK 2:16

Ropuina dinga inzaknaasuksip i ni tah a, Nang khawma dâwn la, saruok chu ni el rawh! LALPA kut changtienga no chu i kuomah pêk nîng a ta, I ropuina chunga chun inzakna tirdakum chu um a tih!

2 THESSALONIKA 2:4

Ama chu, Pathiena an inbûk taphawt le sakhuo po po doin an chunga um tumin inchawimawi a tih; chuongchun, Pathien biekina ṭhung- in Pathien ang rauin intâr suong a tih.

THUPUONGSUO 16:19

Chuongchun, khaw ropui chu hmun thumah a hung inṭheh a, hnam tin khuohai chu a hung chim a; chun, a lunginsen nasatna uoin no chu a kuoma pêk dingin Babulon khaw ropui chu Pathien hmaa hriet zingin a lo um tah a.