JEREMIA 48:20 - Pathien Lekhabu Inthieng (BSI)

²⁰ Moab chu sukzakin a um a; suksiet a ni ta sih a; ṭap inrûm unla, ṭap ro; Arnona chun va hril unla, Moab suksieta a um tâk thu chu.

JEREMIA 48:20 ပူးပေါင်းရင်းမြစ်များ

ISAI 15:8

Khêkri chu Moab ramri vêlahai chun a um sih a, khêk rak rak ri chu Eglaim khuo chenin ân hriet a nih; khêk rak rak ri chu Beerelim khuo chenin ân hriet a nih.

ISAI 16:2

Chuongchun, Moab naunuhai chu vate a bua inthawka rau dara vuong vuonghai angin Arnon vadung kaia chun an um ding annâwm.

DÂN PAHNINA 2:36

Arnon ruom sîra Aroera in- thawk le ruoma khaw uma inthawka Gilead chenin ei ta dingin insâng taluo khuo hrim a um dêr nawh a, LALPA ei Pathien mi pêk vawng a nih.

JOSUA 13:9

Arnon ruom sîra um Aroera inthawk le, ruom laitaka khawpui le, Medeba phai ram po po, Dibon chenin;

RORELTUHAI 11:18

Chu zoah thlalêr chu an fe thleng a, Edom ram le Moab ram chu an fe huol a, Moab ram saktieng pangah an feh a, Arnon khingtieng pangah an inkul a, Moab ram sûnga chu an lût dêr naw a nih, Arnon chu Moab ramri chin a ni sih a.