JEREMIA 48:2 - Pathien Lekhabu Inthieng (BSI)

² Moab inpâkna chu a um ta nawh a; Hesbona chun a chungah thil ṭha naw chu an rawt a, ‘Thaw ro, hnam ninaa inthawkin ama chu sât thlâng ei tiu,’ tiin. Nang khawm Aw Madmen, sukto ṭawk la nîng i tih; kâwlhnâmin hung hnawt bawk a ti che.

JEREMIA 48:2 ပူးပေါင်းရင်းမြစ်များ

ISAI 15:1

Moab ram phurrik chu. Zân khat kârin Moab rama Ar khuo chu suksietin a um a, iengkhawm ni loa siemin a um ta sih a; zân khat kârin Moab rama Kir khuo chu suksietin a um a, iengkhawm ni loa siemin a um ta sih a.

ISAI 15:5

Moabhai leiin ka lungril chu a khêk a; an mi ṭhahai chu Zoar khuoa le Eglath-selisijah-ah an tlân a, Luhith lam tunga chun ṭap pumin an fe a nih; Horonaim lampuia chun sietna khêkin an khêk suok a nih.

ISAI 16:14

Tu ruok hin chu LALPAIN, “In- hlawfa kum tiema kum thum sûngin Moab ropuina chu, a mipui nasatak- hai pumin hmusituma inumtirin um a ta, a la um sunhai chu tlâwmterek el, hril khawp lo nîng an tih,” tiin a hril tah.

ISAI 25:10

Hi tlânga hin LALPA kut chu innghat a ta. Moab chu, bupâwl chu êkthlia sirdea a um hlak ang hin, ama hmunah sirdein a um ding a ni sih a.

JEREMIA 25:15

Israel Pathien, LALPA chun ka kuomah hieng hin a ti sih a: “Hi lung- insenna no ka kuta hi la la, hnam an kuoma ka tirnahai po po che chu indâwntir tâwl rawh.

JEREMIA 25:17

Chun, LALPA kuta no chu ka lâk a, LALPAIN a mi tirna hnamhai po po kân dâwntir a;

JEREMIA 31:36

Hieng thil ruothai hi ka hmaa inthawka an lo fe hmang chun, Israel khawm chu kumkhuoa dingin ka hmaa chun hnam an ni chu bo ve bawk a tih.

JEREMIA 33:24

“Hi mi, Hnam pahni LALPA thlanghai chu, anni chu a pei thlâk tah, tituhai chu ngaituo naw rawh; chuongchun, anni hmaa hnam hrim an ni ta nawna dingin, anni chun ka mihai chu an hmusit a nih.

JEREMIA 46:28

Aw ka siehlaw Jakob, ṭi naw rawh, LALPA chun a tih; i kuomah ka um sih a, nang ka hnawt hmangna che tienga hnamhai po po chu suk- tâwp vawng ka ta, nang ruok chu suktâwp letdêr naw ning cheh a; rorêlnain sukdik lem ka ti cheh a, ieng kawnga khawm hrem loin mâksan naw ning che,” tiin.

JEREMIA 48:17

Nangni a vêla um po pohai, ama chu ṭa unla, a hming hretuhai po po chun, ‘Lalhmawl ngartak el, hmawl mawitak el chu iengtiziea tliek el am a na?’ ti ro.

JEREMIA 48:42

Chun, Moab chu LALPA do- dâla ân chawimawi leiin, hnam ninaa inthawka sukbohmang nîng a tih.

JEREMIA 48:45

Chuong a tlân hmanghai chu hrâtna nei loin, Hesbon hlima chun an ngîr a, mei chu Hesbona inthawk chun a fe suok a, meichawk chu Sihona inthawkin a fe suok a, Moab ram sîr le, chawkbuoituhai lua lallu- khum chu a kâng hmang tah a.

JEREMIA 49:3

Aw Hesbon ṭap inrûm rawh, Ai chu suksiet a ni ta sih a; nangni Rabba naunuhai, khêk unla, saiip puon inbel unla, ṭap unla, a daihai laia chun hnungtieng hmatieng tlân inlawn ro; Milkom chu a thiempuhai leh a rorêltuhai leh sala intâng dingin a fe ding a ni sih a.

JEREMIA 49:37

Chuongchun, Elam chu an hmêlmahai hmaa beidawng dingin siem ka ta, an hringna zawngtuhai hmaa le chun. Chun, an chunga chun thil ṭha naw, ka lunginsenna ṭiumtak chu hung intlungtir ka tih, LALPA chun a tih; chun, an hnunga chun kâwlhnâm inhnawttir ka ta, anni chu ka sukbohmang vawng hmakhat chun;

NAMBAR 32:37

Chun, Reuben thlahai chun Hesbon dâm, Eleale dâm, Kiriathaim dâm,