JEREMIA 48:18 - Pathien Lekhabu Inthieng (BSI)

¹⁸ “Aw nang Dibona chêng naunu- hmei, i ropuinaa inthawkin hung thla la, dangchârin ṭhung rawh; Moab suksetu chu i chungah a hung tlung a, i kul nghethai chu a suksiet ta sih a.

JEREMIA 48:18 ပူးပေါင်းရင်းမြစ်များ

INṬANNA 21:16

Chun, “Naupang thi ding chu ka en ngam nawh,” a ti leiin a feh a, hla fe thal kâp phâk ding chena hin, a hma zâwna chun a va ṭhung ta chawt a. Chuonga a hma zâwna a ṭhung lai chun inringtakin a ṭap tah a.

FESUOKNA 17:3

Mipui hlak chu tui duin an dang a châr hleh a, Mosie chunga chun an chier a, “Aiguptaa inthawk keini le kan nauhai le kan ran ruol leh dang- châra mi sukhlum dingin iengdinga i mi ṭhuoi suok am a na?” an tih a.

ISAI 15:2

Dibon mipui chu bâwlhmuna hai chun ṭap dingin an hang fe a, Moab- hai chun Nebo le Medeba chu an ṭapkhum rak rak a, an lu po po a kawl vawng a, khâk hmul tinrêng khawm vawin a um ta vawng a nih.

ISAI 47:1

Aw Babulon nau nunghâk, ṭum la, pilvutah ṭhung rawh; aw Kaldai naunu, lalṭhungpha boin hnuoiah ṭhung rawh; inno le ṭha an ti ta naw ding che a nih.

ISAI 5:13

Chuleiin, ka mihai chu, hrietna an nei naw leiin, sala ṭhuoiin an um tah a; an mi inzâumhai chu an phîng a ṭâm a, an mipuihai chu dangchârin an dang ân hil zo tah a.

JEREMIA 48:22

Dibon chunga dâm, Nebo chunga dâm, Beth-diblathaim chung- a dâm;

EZEKIEL 19:13

Tuhin chu thlalêrah, Ram ṭâwl le tuihulnaah phunsawn a ni tah.

NAMBAR 21:30

Kan hang kâp a, Hesbon a bohmang a, Dibon chenin. Nopha chenin ka sukrêm a, Medeba tlung rakin,” an tih.

NAMBAR 32:3

“Astaroth, Dibon, Jazer, Nimra, Hesbon, Eleale, Sebam, Nebo le Beon dâm–

JOSUA 13:17

Hesbon le chu phai rama khawpui po po, Dibon le Bamoth-baal dâm, Beth-baal-meon dâm,

JOSUA 13:9

Arnon ruom sîra um Aroera inthawk le, ruom laitaka khawpui le, Medeba phai ram po po, Dibon chenin;

RORELTUHAI 15:18

chun, a dang a hung châr ta êm êm el a, LALPA chu a ko tah a, “Nangin i siehlaw kut hi hmangin ropuitakin i mi lo sansuok tah a, tuhin dangchârin ka thi elin, sertannawhai kuta hin ka tlulût el ding am a nih?” a tih a.