JEREMIA 46:5 - Pathien Lekhabu Inthieng (BSI)

⁵ Iengtizie am an ta le? An bei- dawng zo a, an hnungtawl tah a; an mi hrâthai chu hnein an um a, an tlân dar a, hnungtieng an ngha ta nawh; ṭium chu sîr tinah a um a nih, LALPA chun a tih.

JEREMIA 46:5 ပူးပေါင်းရင်းမြစ်များ

INṬANNA 19:17

Chun, khawhnâwma an ṭhuoi suok hnung chun, “I hringna dingin tlân suok rawh: i hnungtieng ngha naw la, phaizâwla hrim hrim hin châwl bawk naw rawh; tlânga sawn tlân rawh, chuong naw chun, bohmang rawi i tih,” a tih a.

ISAI 13:8

chun, ṭîng an ta, natna le lungninawnahai chun man tâwl a tih; nuhmei nauhase angin nâng an ta, mak inti tuong an ta; an hmêlhai chu meichawk hmêl ang ni tâwl a tih.

ISAI 19:16

Chu nia chun Aigupta mihai chu nuhmei ruol ang nîng an ta, sipai- hai LALPA kut thin chu an chunga a thin leiin inthinin ṭîng an tih.

ISAI 42:17

Milim siem fâwmhai ring a, milim sunghai kuoma, “Kan pathien in nih,” tituhai chu innghatkîrtirin um an ta, nasatakin muolpho an tih.

ISAI 5:25

Chuleiin, LALPA lung chu a mihai chungah ân thawk a, a kut chu an chungah ân let a, a vuok a, chuongchun, tlânghai chu an inthin dur dur a, an ruonghai chu khawlai dungah hmunhnawk ang elin ân hlum rem rum a. Chuong lâwma a thaw khawm chun a lunginsen chu a la bo chuong nawh a; a kut chu a lân let ta rawp a.

JEREMIA 20:10

Sîr tina ṭium le, mi tamtakhai hrilsietna chu ka hriet a. Ka ruol, hmêlhriettakhai, ka tlûk nghâktuhai chun, “Hril se ro, ama chu hrilsieng ei ta, ama chu ailâkin um a ta, ama chu hnêng ei ta, ama chunga chun ei phuba chu lâng ei tih,” an tih a.

JEREMIA 46:15

I mi hrâthai chu iengdingin am lên hmangin um an ta? LALPA chun anni chu a hnawtdar leiin, anni chu an ngîr nawh.

JEREMIA 46:21

A sûnga mi inhlawfahai khawm chu, ran ina bâwngtêhai ang an nih; anni khawm chu an hnungkîr a, an tlân hmang hmunkhat a; an ngir hrim hrim nawh; an lunginzingna ni, anni hremna hun chu an chungah a hung tlung si a.

JEREMIA 49:29

An puon inhai le an ran ruolhai chu lâng an ta; an ta dingin an puonhai, an bûr le bêlhai po po le an sanghâwngseihai po po ṭhuoi hmang an tih; chun, an kuoma chun, ‘Kil tina ṭitna ruok a nih,’ tiin mi khêk an tih.

JEREMIA 49:5

Ngai ta, i chunga chun ṭitna ka hung intlungtir ding a nih, sipaihai PATHIEN, Lalpa chun a tih: i vêla umhai po poa inthawk chun inumtir ka ta; mi tin chu hnawt suok letdêr an ti cheu a, ân vâkhmang tahai chu kei khâwmtu ding tukhawm um naw ni hai.

JEREMIA 6:25

Lohaia chun fe suok naw unla, lampuia khawm chun fe naw ro; hmêlma kâwlhnâm le ṭitumna chu sîr tin ela chun a um sih a.

EZEKIEL 32:10

Anih, hnam tamtakhai chu nangmaa chun mak intitir ka ta, nangma leiin an lalhai chu nasatakin ṭîng an tih, an hma ngeia ka kâwl- hnâm kân let pha chun; inthin zing an ta, i tlûk ni chun mi tin chu mâni hringna ding sengin inthin an tih.

EZEKIEL 39:18

Mi thilthawtheihai sa chu fâng in ta; hnuoia lalhai le, berâmchalhai le, berâmtehai le, kêlhai le, bâwng- chalhai, Basan rama châwmthâuhai po po thisen chu dâwn in tih.

NAHUM 2:8

Tienlaia inthawk tah Ninevi khuo hi dîl ang a na; amiruokchu, an tlân hmang a, “Ngîr ro, ngir ro,” tiin an ko a, nisienlakhawm, tukhawm an ngha kîr nawh.

NAHUM 2:9

Tangkaruo râllâkhai chu lâkpêk unla, rângkachak râllâk sumhai chu lâkpêk ro; thil sêkkhâwl le thuom- hnaw ṭha po po ropuizie chun tâwpintai a nei si nawh.

ZEPHANIA 1:14

LALPA ni ropuitak chu a hnai tah a, LALPA ni râwlri ngei chu a hnai tah a, a tlung ṭêp a nih; chu huna chun mi thilthawtheitak chu rinumti- takin a khêk a nih.