JEREMIA 46:14 - Pathien Lekhabu Inthieng (BSI)

¹⁴ Aiguptaa chun hril unla, Migdola chun phuong unla, Nopha khawm chun phuong unla, Tahpan- hesa le chun: “Ngîr dawk la, inbuotsai rawh; i vêla chun kâwlhnâm chun a fâk zo pei ta si a,” ti ro.

JEREMIA 46:14 ပူးပေါင်းရင်းမြစ်များ

2 SAMUEL 2:26

Chuongchun, Abner chun Joab chu a ko a, “Kâwlhnâm hin a vât zing ding am a nih? A tâwp tieng chun la lunginzîngum hlêng a tih ti i hriet naw am a nih? Mipuihai chu ieng chen am an unauhai hnawt kîrsan dinga hril loin i um ding a na?” a ta.

FESUOKNA 14:2

“Israel thlahai kuomah hril la, ‘Kîr nâwk hai sienla, Pi-hahiroth phâk hma, Migdol le tuipui inkâr, tuipui kâwl, Baalzephon hma zawn, a ep chieha chun riebûk bawl raw hai se.

ISAI 1:20

nisienlakhawm, in nuom nawh a, in hel chun kâwlhnâmin fa zo a ti cheu; LALPA bau chun chu chu a hril tah a nih,” a ta.

ISAI 19:13

Zoan khuoa mi lienhai chu mi invêt an hung ni tah a, Noph khuoa mi lienhai chu hlêmin an um tah: Aigupta hnamhai kia lunghai chun Aiguptahai chu an invâkhmangtir tah.

ISAI 31:8

“Chu pha chun Assuria mi chu, mihriem kâwlhnâma sukthlûk ni loin, kâwlhnâm sukthlûkin um a tih; chun, kâwlhnâm mihriemhai ta ni loin ama chu fa zo a tih; kâwlhnâma inthawk chun tlân hmang a ta, a tlangvâlhai chu sie chawitu hung ni tâng an tih.

ISAI 34:6

LALPA kâwlhnâm chu thisenin a khawp a, thâunaa sukthâuin a um tah a; berâmte le kêlte thisenin, berâmchal kal thâu dâmin; LALPA chun Bozra khuoa chun inthâwina a nei a. Edom rama chun thatna nasa- tak a nei bawk sih a.

JEREMIA 12:12

Thlalêra bâwlhmun tlângahai po po chun suksetuhai chu an hung a, ram pakhat tâwpa inthawka ram dang tâwp chen chun LALPA kâwl- hnâm chun a fâk zo a, tisa hrimin muongna an nei nawh.

JEREMIA 2:16

Noph le Tahpanhes thlahai el khawm chun i lua lallukhum chu an sukṭiek el a ni ta hi.

JEREMIA 2:30

A thlâwn elin in thlahai chu ka lo vuok tah a; ṭhat phanain an hmang si nawh; sakeibaknei hnukinrâwl ang elin nangni kâwlhnâm ngei chun in zâwlneihai a fâk zo a ni hi.

JEREMIA 44:1

Aigupta rama Juda chêng po pohai, Migdola dâm, Tahpan- hesa dâm, Nopha dâm, Pathros rama chênghai dâm chungthua Jeremia kuoma thu hung tlung chu,

JEREMIA 46:10

Chu ni chu LALPA, sipaihai LALPA ni, a hmêlmahai chunga phuba a lâk theina dinga, phuba lâkna ni a ni sih a; kâwlhnâm chun fazo a ta, tlai a tih; chun, an thisen chu a khawp tâwkin dawn bawk a tih; LALPA sipaihai LALPA chun hmâr- tieng ramah Euphrates vadungpui panga chun inthâwina chu a nei sih a.

JEREMIA 46:19

Aw nang naunuhmei Aigupta rama chêng, sala intâng dinga fe dingin incheibâwl rawh, Noph chu râusan nîng a ta, hluotu boin a kâng ding a ni sih a.

JEREMIA 46:2

Aigupta chungthuah: Juda ram lal Josia naupa Jehoiakim inlal kum li kuma Babulon lal Nebukadnezzar- in a rûn, Aigupta lal Pharao-neko sipai Euphrates vadungpui panga Karkemisa umhai chungthu chu:

EZEKIEL 21:28

“Chun, nang mihriem naupa, thu hril la, Ammon thlahai le anni vaulâwkna, chungthua chun Lalpa PATHIEN chun hieng hin a tih, ti rawh: Kâwlhnâm, kâwlhnâm chu thatna dingin phawi a nih a, kâwlin- lep ang ela tle zawr zawr dinga nâwt tlêt a nih.

EZEKIEL 30:13

“Lalpa PATHIEN chun hieng hin a tih; Milimhai chu suksieng ka ta, Nopha inthawkin milimhai chu intâwptir bawk ka tih; chun, Aigupta rama inthawk hin lal um nâwk ta naw ni hai a; Aigupta rama hin ṭiumna ka sie ding a nih.

HOSEA 9:6

Ngai ta u, sietna chu an mâksan a, Aigupta chun anni chu lo kei khâwm lem a tih, Memphis chun lo phûm a tih; An tangkaruo thil ditumhai chu zakthlaiin bâwm a ta, An puon inhaia chun hlo hlingnei um a tih,

NAHUM 2:13

Sipaihai LALPA chun, “Ngai ta, ka do che a nih, i tawlailîrhai chu raw khu hlut hlut ka ta, i sakeibaknei têhai chu kâwlhnâmin bohmang an tih; chun, hnuoia i sase hi suktâwp ka ta, i palaihai râwl chu hriet ni ta naw ni,” a ta.

DÂN PAHNINA 32:42

Ka thalhai chu thisenin sukrui ka ta, Ka kâwlhnâm chun thisen lem a tih; Thathai le salhai thisen le Hmêlma hotuhai lu chenin,” tiin.