JEREMIA 44:7 - Pathien Lekhabu Inthieng (BSI)

⁷ Chuleiin, tuhin LALPA sipaihai Pathien, Israel Pathien chun hieng hin a tih: nangnia inthawka pasal, nuhmei, naute le nene ne lai, Juda rama inthawka mâksan khawm um dêr lo dinga iengdinga in thlarauhai chung ngeia hieng thil ṭha naw hi thaw am in na?

JEREMIA 44:7 ပူးပေါင်းရင်းမြစ်များ

THUVARHAI 1:18

Chun, chuong anni thisen ngei inchântuhai chun, Anni hringna ngei chu inrûkin an inchân a nih.

THUVARHAI 15:32

Inchûktirna sêlkaltu chun ama lungril ngei kha a hmusit a nih; Amiruokchu, kâwkna ngaitu chun hrietthiemna a nei hlak.

THUVARHAI 5:22

Mi khawhlo chu ama khaw- hlona ngei chun lâng a ta, A suolna hruihai chun ama khit tlat nîng a tih.

THUVARHAI 8:36

Amiruokchu, ka chunga suksuol chun ama lungril ngei a sukkhawhlo a, Kei a mi theidatuhai po po chun thina an hmangai a nih.”

JEREMIA 25:6

chun, pathien danghai chu an rawng bâwl ding le anni chibai bûk dingin zui naw unla, in kut sinthaw- hai chun mi suklungsen bawk naw ro; chuongchun, nangni khawm sukna naw ning cheu,’ an tih a.

JEREMIA 25:7

Ana chu, ka thu chu in ngai nawh a, LALPA chun a tih; in insuknatna dinga in kut sinthawhai chun in mi suklungsen a.

JEREMIA 26:19

Juda ram lal Hezekia le, Juda mihai po po chun ama chu an that el am a nih? LALPA chu a ṭih a, LALPA ditsakna chu a hnih a; chuongchun, LALPA chun an chunga thil ṭha naw a lo hril ta kha a lamlêt a ni nâwm a ni kha? Chuong a ni chun eini thlatuhai ta ding ngeiin thil ṭha nawtak ei thaw a ni ding a nih,” an tih a.

JEREMIA 3:24

Nisienlakhawm, ei naupang laia inthawkin, ei thlatuhai sin inrimna chu thil inzâpui umhai chun a lo fâk zo tah a, an bâwng ruolhai, an berâm ruolhai, an naupasalhai le an naunuhmeihai leh;

JEREMIA 38:17

Chun, Jeremia chun Zedekia kuoma chun, “Sipaihai Pathien, Israel Pathien LALPA chun hieng hin a tih; Babulon lal rorêltuhai kuomah în pêk chun, i hringna chu hlain um a ta, hi khawpui khawm hi meiin kâng naw ni; nang chu hring i ta, i sûnghai leh;

JEREMIA 42:20

In thlarauhai chunga chun hmusitumtakin in lo thaw tah a; ‘LALPA kan Pathien kuoma chun mi ṭawngṭaipêk la, LALPA kan Pathien- in a hril ang ang che chu kan kuomah hrilfie la, thâwng kan tih,’ tiin LALPA in Pathien kuoma chun in mi tir ta sih a,

JEREMIA 44:14

chuongchun, Juda la um sun, va mikhuol dinga Aigupta rama va fehai chu tukhawm, Juda ram hung kîr nâwka chêng an inhâwkna rama hung kîr nâwk ding hin suokthleng naw ni hai a, um zing bawk naw ni hai; a suokthlenghai ti chau naw chu tukhawm an hung kîr nâwk âwm si nawh a,” tiin.

JEREMIA 44:8

chuongahai chun in kut sinthaw- hai chun in mi suklungsen a, in va mikhuolna tiengahai chun Aigupta rama pathien danghai kuoma chun riminhnik dâm in rawh a; chuong chu hi hnuoia hnam po pohai laia thu- sekawk le, ṭawngsephur le, sât thlâk in ni theina ding chau a ni naw am a nih?

JEREMIA 51:22

chun, nangma chu hmangin sakawr tawlailîr le a chunga chuong khawm suknawi vawng ka ta, nang- ma hmangin nuhmei khawm pasal khawm suknawi bawk ka tih; nang- ma hmangin upa le naupang khawm suknawi vawng ka ta; nangma hmangin tlangvâl le nunghâk khawm suknawi vawng ka tih;

JEREMIA 7:19

Kei chu an mi suklungsen am a nih? LALPA chun a tih; an inzakna dingin, anni le anni chu an insuk- lungsen a ni nâwm a nih?

JEREMIA 9:21

Thina chu ei tukverhaia chun a hung a, ei in ropuiahai chun a hung lût sih a; kawtthlêra inthawka tlang- vâlhai le, puotienga inthawka nau- panghai chu sâtthla dingin.

ṬAP HLA 2:11

Ka mithai chun mitthli a tlasam hiel a, ka sûng tieng a buoi zo a, Ka mîtkhâ chu hnuoi chungah bunthlâkin a um a, ka mihai naunuhai suksietna lei chun; Naupang dâwnghai le nêne ne laihai chu kawtthlêrhaia chun an inkawn el a.

ṬAP HLA 2:22

Inkhâwmpui hunbi neihai nia angin, “Ka lunginsenna chu kil tinah,” tiin nang chu i khêk a, LALPA lunginsenna nia chun a pumpel amanih, a um zing amanih tukhawm an um nawh: Ka tâwm a, ka dawn tleihai chu ka hmêlma chun a sukbohmang zo tah a.

EZEKIEL 33:11

An kuoma chun, ‘Ka hring zing angin, Lalpa PATHIEN chun hieng hin a tih; mi rilo thinaa chun lâwmna ka nei nawh a; mi rilo chu a um dân a bânsan a, a hring ruok chun lâwmna ka nei a; hung kîr ro, in lampui suola inthawk chun hung kîr ro; aw Israel sûngkuo, iengdingin am thîng in ta?’ ti rawh.

EZEKIEL 9:6

putarhai, tlangvâlhai, nunghâk- hai, naupangtêhai, nuhmeihai chu that fairêt rawh; amiruokchu, mi a chunga inchikna um chu hung hnai naw la; chun, ka hmun inthienga chun ṭan rawh,” tiin. Chun, biekin tuola um mi upahaia chun an ṭan tah a.

HABAKKUK 2:10

Mi tamtak chu sât thlain, I insûng ta ding chun inzakna în tlun tah a; I hringna chung ngeia khawm thil i suksuol tah a nih.

NAMBAR 16:38

mei lâknahai chu hieng thilsuol thawtuhaiin thi pha hiela an inhlân a ni sih a. Chuleiin, mâichâm inkhum- na phêk dinga sut ni raw se. LALPA hmaa inhlân an na, chuleiin, an inthieng a nih; chu chu Israel thlahai ta dinga inchikna nîng a tih,” tiin.

DÂN PAHNINA 32:25

Puotiengah kâwlhnâmin thîng an ta, Sûngtienga chun thlabârin, Nunghâk, tlangvâl, nêne ne lai, Lua kêlsam ṭohai chenin.

JOSUA 6:21

Khawpui sûnga mi po po nuhmei pasal, a chîn a lien, bâwng- chal dâm, sabengtung dâm leh kâwl- hnâmin an sât hlum vawng tah a.

RORELTUHAI 21:11

In thaw dân ding chu hieng ang hi a nih, pasal tin le nuhmei tin, pasal zâlpui taphawt chu in sukhlum vawng ding a nih,” tiin.

1 SAMUEL 15:3

Amalek mihai do dingin fe la, an thil nei po po hla hrim hrim nei dêr loin sukbohmang vawng rawh; nu- hmei le pasal, naute khawm, nêne ne laihai dâm, bâwngchal le berâm dâm, sanghâwngsei le sabengtung dâm leh sukhlum vawng rawh,’ a ti a nih,” a ta.

1 SAMUEL 22:19

Chun, Nob, thiempu khuo chu kâwlhnâmin a thawh a, a nuhmei a pasalin naupang le nênê ne lai chen- in, bâwnghai, sabengtunghai, berâm- hai leh kâwlhnâmin a sât hlum a.