JEREMIA 44:23 - Pathien Lekhabu Inthieng (BSI)

²³ Riminhnik chu in raw leiin, LALPA chungah in lo suksuol ta leiin, LALPA râwl chu in ngai nawh a, a dân khawm in hraw nawh a, a thuruothaia le, a thu inhriettirahai chun in um bawk nawh a; chuleiin, vawisûn nia a um ang hin, hieng thil ṭha nawhai hi in chungah a hung tlung a ni hi,” tiin.

JEREMIA 44:23 ပူးပေါင်းရင်းမြစ်များ

1 LALHAI 9:9

Chun, mihaiin, ‘LALPA an Pathien, an puhai Aigupta rama inthawka ṭhuoi suoktu kha an mâksan a, pathien danghai an chel a, an biek a, an rawnghai an bâwl ta lei a nih; chuleiin, LALPAIN hieng sietna po po hi an chungah a hung intlungtir tah a ni hi,’ tiin la dawn an tih,” a ta.

2 LALHAI 17:15

Chun, a thuruothai, an pi le puhai kuoma a thuthlunghai, an kuoma thu inhriettirhai chu an pawisa nuom nawh a; thil teplo mei mei an pawm a, teplo mei mei an hung ni tah a; an chungchâng thua LALPAIN, “Anni ang chun thaw naw ro,” a lo ti tah, an kâwl vêla hnamhai thaw dân chu an lâk veh a.

2 CHANCHIN SUINA 36:16

nisienlakhawm, Pathien tirko- hai chu an nuisan a, a thu chu an hmusit a, a zâwlneihai chu an nuiêu a, sukṭhat nâwk theina um ta lo hiel khawpa, mipuihai chunga LALPA lungsenna chu chawkthoa a um hiel chen chun.

NEHEMIA 13:18

In pi le puhai khawm khan hieng ang hi an thaw a ni naw am a nih? Chun, ei Pathien chun hieng thil ṭha nawhai po po hi ei chunga le hi khaw chunga hin a hung intlungtir tah a ni naw am a nih? Chuong sa sa khawmin châwlni sukpawrchein Israel mihai chungah lunginsenna in lân tlungsatir rawp el hi,” ka tih a.

INPÂKNA HLABU 119:136

Ka mitthli hi vadung tui angin a luong thlah a, I dân an zâwm naw leiin.

INPÂKNA HLABU 119:150

Ngaituona suol hnawttuhai chun an hung hnai a, Anni chu i dân hlata um an nih.

INPÂKNA HLABU 119:155

Sandamna chu mi rilohaia inthawk chun a hla a nih, I thuruothai chu an zawng naw leiin.

INPÂKNA HLABU 78:10

Pathien thuthlung chu an zâwm nawh a, A dâna um an nuom naw bawk a;

INPÂKNA HLABU 78:56

Nisienlakhawm, Pathien Achunghnungtak chu an infieh a, a chungah an hel a, A thu inhhriettirhai chu an zâwm si nawh a.

JEREMIA 26:4

Chun, an kuoma chun hieng hin tîng i ta: LALPA chun hieng hin a tih: in hmaa ka sie ka dân chu hraw dinga ka thu in ngai naw chun,

JEREMIA 40:3

chuongchun, LALPA chun a hung intlungtir a, a hril ang ngei chun a hung thaw tah a; LALPA chunga chun thil in suksuol ta leiin le, a râwl chu in awi naw leiin, hieng thil hi in chungah a hung tlung a ni hi.

JEREMIA 44:10

Vawisûn ni chen khawm hin an insukhnuoi nawh a, an ṭi bawk nawh a, ka dân khawm chu an hraw bawk nawh a, ka thuruothai khawm chu an hraw nawh; chuong in thlatuhai le nangni hma ngeia ka lo sie tahai kha.

JEREMIA 44:18

Amiruokchu, hi vân lalnu kuoma riminhnik raw kan mâka, dâwnmi thilinhlân buok kan mâk china chu thil iengkim kan tlasamin, ṭâmna le kâwlhnâmin a mi sukbo- hmang zo a ni ta hi.

JEREMIA 44:2

“Sipaihai LALPA, Israel Pathien chun hieng hin a tih: Juda ram khawpuihai le Jerusalem chunga thil ṭha naw ka hung intlungtirhai po po kha in hmu tah a, ngai ta u, vawisûn ang dâm hin râusan an ni a nih, mi tukhawm an chêng naw a nih;

JEREMIA 44:21

“Jerusalem kawtthlêrahai le, Juda rama nangni le, in thlatuhai le, in lalhai le, in rorêltuhai le, chu rama mihaiin riminhnik in raw hlak kha LALPA chun a hriet zing nawin, a lungril khawm a hung tlung naw am a nih?

JEREMIA 44:3

lunginsennaa mi chawktho ding- in an thlatuhaiin amanih, anni ngei khawma an hriet lohai pathien danghai chu an rawng bâwl ding le, an kuoma riminhnik raw dinga an fe a, chuong khawhlonahai an thawna lei chun.

JEREMIA 44:8

chuongahai chun in kut sinthaw- hai chun in mi suklungsen a, in va mikhuolna tiengahai chun Aigupta rama pathien danghai kuoma chun riminhnik dâm in rawh a; chuong chu hi hnuoia hnam po pohai laia thu- sekawk le, ṭawngsephur le, sât thlâk in ni theina ding chau a ni naw am a nih?

ṬAP HLA 1:8

Jerusalem chu lungngaithlâk- tak elin a lo suol tah a; chuleiin, thil thieng naw ang a hung ni tah a; A saruokna chu an hmu leiin, ama lo inza hlaktuhai po po khawm khan an hmusit tah a; Anih, ân rûm a, nawtieng a nghah a.

DANIEL 9:13

Mosie Dâna ziek a ni angin hieng thil ṭha naw po po hi kan chungah a hung tlung a nih; chuong khawm chun, i thudik chu chîktaka ngaituona nei ding le kan rîtlonahaia inthawka inher hmang dingin LALPA kan Pathien ditsakna chu kan hni chuong nawh a.

1 KORINTH 10:20

Jentailhai inthâwina chu Pathien kuomah ni loin, khawhrihai kuomah an inthâwi hlak ti ka hril lem a nih; nangnirawi chu khawhrihai in inṭawmpui ka nuompêk naw cheu a ni hi.

2 KORINTH 6:16

Milimhai le Pathien biekin khawmin ieng am inremna an nei a? Eini chu Pathien hring biekin ei ni sih a; Pathienin, “Anniah um ka ta, Anniah lêng bawk ka ta; Chun, an Pathien nîng ka ta, Anni khawm ka mihai nîng an tih”, a ti ang khan.