JEREMIA 44:2 - Pathien Lekhabu Inthieng (BSI)

² “Sipaihai LALPA, Israel Pathien chun hieng hin a tih: Juda ram khawpuihai le Jerusalem chunga thil ṭha naw ka hung intlungtirhai po po kha in hmu tah a, ngai ta u, vawisûn ang dâm hin râusan an ni a nih, mi tukhawm an chêng naw a nih;

JEREMIA 44:2 ပူးပေါင်းရင်းမြစ်များ

2 LALHAI 21:13

Samari inkhina hrui le Ahab sûngkuo dârmûmkhai chu Jerusalem chungah keimar ka tih; chun, miin thlêng a hrûk a, ân let vêl angin Jerusalem chu hrûng ka tih.

FESUOKNA 19:4

Aigupta mihai chunga ka thil- thaw tah le, mupui thlahai chunga phur cheua ka kuoma ngei ka ṭhuoizie cheu kha in hmu tah a.

ISAI 24:12

Khawpuia chun rausanna mâk- sanin a um a, a kul kawtkhâr chu vuok sietin a um tah.

ISAI 6:11

Chun, kei chun, “LALPA, ieng chen am nîng a ta?” ka tih a. Chun, ama chun a dawn a, “Khawpuihai mihriem um loa a ram a, inhai thlûttu um lo a a ṭîek a, râusana a um vawng a,

JEREMIA 25:11

Chuongchun, hi ram pumpui hi rausan le maktiah um a ta; chun, hnamhai chun kum sâwmsari sûng Babulon lal rawng chu bâwl an tih.

JEREMIA 34:22

Ngai ta u, thu pêng ka ta, hi khawpuia hin hung inkîrtir ka tih; LALPA chun a tih: chun, do an ta, lâng an ta, meiin râwng an tih; chuongchun, Juda khawpuihai chu hluotu um loa râusanah siem ka tih,” tiin.

JEREMIA 4:7

Sakeibaknei chu a chîmbuka in- thawk chun a hung suok tah a, hnam- hai sukbohmangtu ding chu; a lam- puia chun a thang mêk a, a hmuna inthawk chun a suok tah a, i ram chu râusana siem ding le, i khawpuihai khawm hluotuhai um loa sukse dingin.

JEREMIA 44:22

Thil tirdakum in thawhai lei le, in thilthawhai suol lei chun LALPA chun a tuor pei ta nawh a; vawisûn ni ang chen khawma a ni ang sawn, in ram chu râusan le, maktia um le, ṭawngsekawk, hluotu um lo a lo ni ta kha.

JEREMIA 44:23

Riminhnik chu in raw leiin, LALPA chungah in lo suksuol ta leiin, LALPA râwl chu in ngai nawh a, a dân khawm in hraw nawh a, a thuruothaia le, a thu inhriettirahai chun in um bawk nawh a; chuleiin, vawisûn nia a um ang hin, hieng thil ṭha nawhai hi in chungah a hung tlung a ni hi,” tiin.

JEREMIA 7:34

Chun, Juda khawpuihaia in- thawk le Jerusalem kawtthlêrhaia inthawk chun hlimna râwl dâm, lâwmna râwl dâm, moneitu râwl dâm, mo râwl dâm inrêtir ka tih; ram chu suksiet a ni ding a ni sih a.

JEREMIA 8:3

Chun, hi sûngkuo rilo la umsun- hai, ka hnawt hmangna hmuna la umhai chun, hring nêkin thi thlang lem an tih, sipaihai LALPA chun a tih.

JEREMIA 9:11

Chun, Jerusalem chu hmun- hnawk intiengkhâwmna le, satene- hai ta dinga chêngna hmunah siem ka tih; Juda khawpuihai khawm chu hluotu um loa râusanah siem bawk ka tih. Hi hi hrethiem thei dinga mi var tu am a um a?

ṬAP HLA 1:1

Iengtiziea khawpui khânga mi- puia sip kha khawsâwta ṭhung el am an tah a! Hnamhai laia khânga ropui kha, iem a tih a hmeithai ang a hung ni ta el chu! Rambunghai laia a lalnu ni hlak kha, chîn lem a hung ni ta el chu!

ṬAP HLA 1:16

Hieng thilhai lei hin ka ṭap a; ka mit chu tuiin a luong- thla a, Thlamuongtu ka lungril sukhartu ding kha keimaa inthawka a hlat êm leiin. Hmêlmahai chun an hne ta leiin, ka nauhai chu râusanin an um tah a.

ṬAP HLA 5:18

Zion tlâng chu râusana umin, Sihalhai chu a chungah an inlawn a.

DANIEL 9:12

Kan chungah thil ṭha naw chu intlungtirin, keini le kan rorêltuhai, kan chunga rorêltuhai chungah a thu a hrilhai chu a hung sukdet tah a; Jerusalem khaw chunga thaw a ni ta ang hin vân hnuoi po po khâwlai khawm thaw a ni ngai si nawh a.

LEVI DÂN 26:31

In khuohai chu sukrêm ka ta, in hmun inthienghai chu sukrêm bawk ka tih; in rim inhnikhai khawm chu inhnam naw bawk ka tih.

LEVI DÂN 26:43

Ram khawm chu inkiengsan an ta, anni um loa a rêm sûng chun a châwlnihai chu hlimtakin hmang a tih; ka rorêlnahai an dit naw lei le, ka thuruothai an hringna chun a theida hlak leia an rîtlona chun insiem ṭhâng an tih.

MIKA 3:12

Chuleiin, Zion chu, nangni lei chun lo anga inlet nîng a ta, Jerusa- lem chu thil se um khâwm nîng a ta, biekin umna tlâng chu ramhnuoi hmun insâng ang nîng a tih.

ZEKARIA 1:6

Amiruokchu, ka thuhai le ka thuruothai, ka siehlaw zâwlneihai thu ka ipêkhai chu, chuonghai chun in thlatuhai chu an hnawtphâk tah ni lo am a nih? Anni chu an ngha kîr a, ‘ei thilthawhai ang pei le, ei um dân ang peia sipaihai LALPAIN ei chunga thaw dinga a ngaituo angtakin, chuong angtak chun ei chungah a thaw a ni hi,’ an tih a,” tiin.

DÂN PAHNINA 29:2

Chuongchun, Mosie chun Israel mi po po chu a ko a, an kuomah a hril a, “Aigupta rama Pharao chunga dâm, a mihai po po chunga dâm, a ram po po chunga dâm, in mithmu ngeia LALPAIN thil a thawhai po po kha in hmu a,

JOSUA 23:3

LALPA in Pathienin nangni leia hieng hnamhai po po chunga a thaw dân hi in hmuh a, LALPA in Pathien, ama ngeiin a nih a dopêk cheu chu.