JEREMIA 42:4 - Pathien Lekhabu Inthieng (BSI)

⁴ Chun, zâwlnei Jeremia chun an kuomah, “In thu chu ka hriet tah a; ngai ta u, LALPA in Pathien kuoma chun in thuhai ang peiin ṭawngṭai ka tih; chun, thil iengkhawma LALPAIN a hung dawnna cheu chu in kuomah hrilfieng ka tih, iengkhawm in kuomah ip naw ning,” a ta.

JEREMIA 42:4 ပူးပေါင်းရင်းမြစ်များ

INPÂKNA HLABU 40:10

I felna chu ka lungril sûngah ka ip nawh a; I ringumna le i sandamna thu chu ka khêkpui lem a, I ngilneina le i takna chu inkhâwmpui ropuitaka mi- hai kuoma chun ka thup nawh a.

FESUOKNA 8:29

Mosie chun, “I kuoma inthawk- in fe suok ka ta, Pharao le a sie- hlawhai le a mihaia inthawka, thohai hi zînga inthawka an fe hmangna dingin LALPA chu hnîng ka tih; amiruokchu, mipuihai chu LALPA kuoma inthâwi dinga infetir loin hmusittakin Pharao hin sawisa lep ta naw phawt raw se,” a tih a.

JEREMIA 23:28

Zâwlnei mang nei chun a mang chu hril sienla, keima thu hretu chun keia thu chu ringumtakin hril bawk raw se. Bu le a kûng chun ieng am inangna an nei a? LALPA chun a tih.

JEREMIA 23:35

Chuongchun, mi tinin mâni tuolbâwmhai kuoma le mâni unau- pahai kuomah, “LALPA chun ieng am a dawn a? LALPA chun ieng am a hril a?” tiin hril in tih.

JEREMIA 26:2

“LALPA chun hieng hin a tih: LALPA in huon tuollaia chun ngîr la, an kuoma thuhril ding ka thupêk po po che chu, LALPA ina Pathien be dinga hung khâwm, Juda khawpui- hai po po kuoma chun hril rawh; thu khat chau khawm ip naw rawh.

EZEKIEL 2:7

Chun, an lo ngai khawma, an lo ngaisak naw khawma, an kuoma chun ka thuhai chu hril hrim hrim i ta; hel hmangtak el an ni sih a.

THILTHAWHAI 20:20

Khâng khan a sâwt ding thil chu in kuomah iengkhawm hril intîm ka nei nawh a, vantlâng lai dâm inchûktir ka ma naw kha.

THILTHAWHAI 20:27

Pathien rêl po po arêngin in kuoma hril kân tîm nawh a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:1

Unauhai, ka lung nuom zâwng le, anni ta dinga Pathien kuoma ka ṭawngṭaina san tak hi, sandam an hung ni theina ding a nih.

1 SAMUEL 12:23

Chu chau khawm chu a ni nawh a, in ta dinga ṭawngṭai mah a, LALPA chunga suol chu keia ta ding khawma a âwm naw tawp a nih; lampui ṭha le lampui indik khîkhmu pei lem ka ti cheu.