JEREMIA 42:10 - Pathien Lekhabu Inthieng (BSI)

¹⁰ Hi rama hin in chêng zing chun, rem ka ti cheu a, ṭhiek naw ning cheu, phun ka ti cheu a, phawidawk naw ning cheu, in kuoma thil ṭha naw ka thaw kha ka lamlêt ta sih a.

JEREMIA 42:10 ပူးပေါင်းရင်းမြစ်များ

2 SAMUEL 24:16

Chun, vântirkoin sukse dinga Jerusalem tienga a kut a hang inlet chun LALPAIN thil ṭha naw thaw a tum chu ân lêt a, mihai sukbo- hmangtu vântirko kuoma chun, “A hun tah ie, i kut inlet ta naw rawh,” a ta. Chun, LALPA vântirko chu Jebus mi Arauna hrizâwl bula chun a um a.

INPÂKNA HLABU 102:16

LALPA chun Zion khuo chu ân ngîr nâwk ta sih a, A ropuinaa inthuomin ân lang tah.

INPÂKNA HLABU 106:45

A thuthlung chu anni a hrietpêk zing a, A ngilneina nasatzie ang peiin a lungril ân lêt tah a.

INPÂKNA HLABU 37:3

LALPA chu ring la, thil ṭha thaw rawh, Hi rama hin um la, ringumna chu hnawt pei rawh.

INPÂKNA HLABU 69:35

Pathienin Zion chu sansuokin, Juda khuohai chu a siem ding a ni sih a, Chuongchun, chutaka chun um an ta, nei nghâl an tih.

FESUOKNA 32:14

Chun, LALPA chun a mihai chunga thâwng ka tih tiha a hril thil ṭhanaw chu a lâkkîr tah a.

JEREMIA 24:6

An ṭhatna dingin an chungah ka mit inlên ka ta; chuongchun, hi rama ma hin hung ṭhuoi nâwk ka tih; chun, anni chu tungding ka ta, keihnuoi naw ningah; anni chu phun ka ta, phawi naw ningah.

JEREMIA 26:19

Juda ram lal Hezekia le, Juda mihai po po chun ama chu an that el am a nih? LALPA chu a ṭih a, LALPA ditsakna chu a hnih a; chuongchun, LALPA chun an chunga thil ṭha naw a lo hril ta kha a lamlêt a ni nâwm a ni kha? Chuong a ni chun eini thlatuhai ta ding ngeiin thil ṭha nawtak ei thaw a ni ding a nih,” an tih a.

JEREMIA 27:11

Amiruokchu, Babulon lal rîng- kawl hnuoia an rîng dawh a, ama rawngbâwltuhai chu hnam ngei chu an rama chun inumtir zing ka tih, LALPA chun a tih; inlêt an ta, chêng zing an tih,’” tiin.

JEREMIA 31:28

Chun, anni chu hmalthla ding le, sukchim ding le, peithla ding le, sukse ding le, sukrinum dinga ka enkai zing ang khan, chuong ang bawk chun, anni chu bâwl ding le phun dingin enkai zing ka tih, LALPA chun a tih.

JEREMIA 33:7

Juda sal intângna le Israel sal intângna chu inlamlêttir ka ta, a tîra ang khan anni chu rem ka tih.

JEREMIA 43:4

Chuongchun, Karea naupa Johanan hai, sipai hotuhai po po le mipuihai po po chun Juda rama chêng zing ding thu LALPA râwl chu an awi nawh a.

EZEKIEL 36:36

Chun, nangni vêla hnam mâk- sana la umhai po po chun kei LALPA ngei hin hmun se tahai chu ka bâwlin, râusana um tahai khawm ka tungding a nih ti hre tâng an tih; kei LALPA ngeiin ka hril tah a, thaw bawk ka tih.

HOSEA 11:8

Aw Ephraim, iengtin am thlauthla thei ka ti che a? Aw Israel, iengtin am inthla thei ka ti che a? Iengtin am Adma angin siem thei ka ti che a? Iengtin am Zeboiim angin inumtir thei ka ti che a? Ka sûnga hin ka lung hi ân lêt a, Ka lunginsietnahai chu ân mûtâi nâwk ta lem a.

JOEL 2:13

in puon ni loin, in lungril thlêr ro,” a tih. LALPA in Pathien tieng chu ngha ro: ama chu lunginsiet theitak le lainatnaa sip, lunginuoi le zainêm- naa sip, thil ṭha naw chu inlêt hlak a nih.

AMOS 7:3

Hi thu tieng hin LALPA chu ân lêt a, LALPA chun, “Ni nâwk ta naw nih,” a ta.

AMOS 7:6

Hi thu tieng hin LALPA chu ân lêt a, Lalpa PATHIEN chun, “Hi khawm hi ni ta naw nih,” a ta.

JONA 3:10

Chuongchun, Pathienin an thilthawhai chu enin, an lampui ṭha naw chu an nghatsan ti a hmu a, an kuoma a hril tah thaw a tum thil ṭha naw chu, Pathien chun ân lêt a; a thaw ta nawh a.

JONA 3:4

Jona chu ni khat lam chen khaw- puia chun a hang lût ṭan phawt a, “Tuta inthawka ni sâwmliah Ninevi hi sukbohmang a ni ding a nih,” tiin a khêk tah a.

JONA 4:2

LALPA kuoma chun a ṭawngṭai a, “Aw LALPA, ka ngên che, hi hi ni lo am a ni kan rama ka um laia ka hril kha? Hi lei hin Tarsis tieng khan ka tlân hmang a ni kha, nang chu lunginsietna hau, thil ṭha nawa inthawka inlêt nâwk hlak i ni ti ka hriet a.

THILTHAWHAI 15:16

‘Chuong zoa chun kîr nâwk ka ta David bâwktê chim kha siem nâwk ka tih, A sietna lai po khawm siem ṭha nâwk ka ta;

DÂN PAHNINA 32:36

LALPA chun a mihai ro a rêl ding a na, A siehlawhai khawm thawpêk a tih; An thilthawtheina inhmang a, Khuokhir le khir naw tukhawm um dêr loa a hmu pha chun.

RORELTUHAI 2:18

LALPAIN rorêltuhai a siem- pêk pha chun LALPA chu rorêltu kuoma chun a um a, rorêltu dam sûng chun an hmêlmahai kuta inthawk chun a sansuok pei a; anni sukrimsitu le nêksâwrtuhai leia an inrûm chun LALPA chun za a ngai nâwk hlak a.