JEREMIA 42:1 - Pathien Lekhabu Inthieng (BSI)

¹ Chun, sipai hotuhai po po, Karea naupa Johanan hai, Hosaia naupa Jezania hai, mipui po po a chîn taka inthawka a lien tak chenin an hung hnai a,

JEREMIA 42:1 ပူးပေါင်းရင်းမြစ်များ

2 LALHAI 25:23

Chuongchun, sipai pâwl hotu- hai po po le an rawihaiin Babulon lalin Gedalia chu awptu dingin a siem ti an hriet chun Mizpa khuoah Gedalia kuomah an feh a; chuonghai chu Nethania naupa Ismael hai, Karea naupa Johanan hai, Neto- phath mi Tanhumeth naupa Seraia hai, Maaka mi naupa Jaazania hai, an rawihai leh an nih.

ISAI 29:13

Chun, LALPA chun, “Hieng mihai hin an mi hung hnai a, an bau le an hmûr hin an mi chawimawi hlak deha chu, an lungril chu keia hlatah an sawn hlak a, an mi ṭina chu mihriemhai thupêk miin an inchûktir el chu a nih;

ISAI 48:1

Aw Jakob sûng, Israel hming inṭâwmpuia, Juda tuihaia inthawk suok a, thutakah ni si loa, felnaa khawm ni bawk si lo, LALPA hming sâla ṭawng inkhâma, Israelhai Pathien hming lam hlaktuhai, hi hi lo ngai ro.

JEREMIA 37:3

Chun, lal Zedekia chun Selemaia naupa Jehukal le, thiempu Maaseia naupa Zephania chu zâwlnei Jeremia kuomah, “Tuhin keini ta dingin, LALPA kan Pathien kuoma chun ṭawngṭai rawh”, ti dingin a tir tah a.

JEREMIA 40:13

Chu nawa khawm Karea naupa Johanan le sipaihai hotuhai ram- hnuoia umhai po po chu Mizpaa chun Gedalia kuoma chun an hung a,

JEREMIA 40:8

Mizpaa Gedalia kuoma chun, Nethania naupa Ismael, Karea nau- pasal Johanan le Jonathan, Tanhu- meth naupa Seraia, Netophath mi Ephai naupasalhai, Maakath mi naupa Jezania le anni le an mihai chu an hung tâwl a.

JEREMIA 41:11

Nisienlakhawm, Karea naupa Johanan le, ama kuoma um sipai hotuhai po po chun Nethania naupa Ismaelin thil ṭha naw a thawhai po po chu an lo hriet chun,

JEREMIA 41:16

Chun, Karea naupa Johanan le, a kuoma sipai hotu umhai po po chun, Nethania naupa Ismaela inthawka mipui la um sun an lâk dawkhai po po chu, Ahikam naupa Gedalia le, indo mihai, nuhmeihai, naupanghai le, mitillâkhai, Gibeona inthawka a hung ṭhuoi nâwkhai a that hnunga, a lâk suokhai chu Mizpaa inthawk chun an ṭhuoi tah a.

JEREMIA 41:18

Ahikam naupa Gedalia Babulon lalin chu ram chunga rorêltu dinga a sie kha Nethania naupa Ismael khan a that leiin anni chu an ṭi êm êm a.

JEREMIA 42:20

In thlarauhai chunga chun hmusitumtakin in lo thaw tah a; ‘LALPA kan Pathien kuoma chun mi ṭawngṭaipêk la, LALPA kan Pathien- in a hril ang ang che chu kan kuomah hrilfie la, thâwng kan tih,’ tiin LALPA in Pathien kuoma chun in mi tir ta sih a,

JEREMIA 42:8

Ama chun Karea naupa Johanan le, an kuoma um sipai hotuhai po po le, mi po po a chîn taka inthawka a lien tak chenin a ko a.

JEREMIA 43:2

Hossia naupa Azaria hai, Karea naupa Johanan hai, mi chapo po pohai chun Jeremia kuomah thu an hril a “Thukhêl i hril dêr a nih: ‘Chutaka va mikhuol dingin, Aigupta rama chun in fe ding a ni nawh,’ ti dingin LALPA kan Pathien chun a hung tir naw cheh a;

JEREMIA 44:12

Juda la um sunhai chu ṭhuoi ka ta, chutaka va mikhuol dinga Aigupta ram tieng an hmai innghathai chu; chun, anni chu bohmang vawng an ta, Aigupta rama chun tlûng an ta; ṭâmna le kâwlhnâmin anni chu suk- bohmang nîng an tih; thîng an ta, a chîn taka inthawka a lien tak chenin kâwlhnâm le ṭâmin thîng an tih; chuongchun, anni chu hnâwmhnawk le, makti ding le, ṭawngsephur le ṭawngsekawk nîng an tih.

JEREMIA 6:13

Anni laia a chîn taka inthawka anni laia a lien tak chenin, inîtthîk tuonain an sip a; zâwlneihaia in- thawka thiempuhai chen khawmin, mi tin el chun indik lotakin an thawh a.

JEREMIA 8:10

Chuleiin, an nuhmeihai chu mi danghai kuomah pêng ka ta, an lohai chu a neitu dinghai kuomah pêng ka tih; mi tin el chu a chîn taka in- thawka a lien tak chenin, inîtthîk- nain an sip sih a; zâwlneia inthawk thiempu chenin indik lotakin an thaw bawk a.

EZEKIEL 11:1

Chu nawa chun thlarau chun a mi hang dawm kâng a. LALPA in dâi saktieng kawtkhâr, saktieng sawnga chun a mi ṭhuoi tah a; chun, ngai ta, chu dâi kawtkhâra chun mi sâwmhni panga an um a; chun, anni laia chun Azzur naupa Jaazania le Benaia naupa Pelatia, mipuihai hotuhai chu ka hmuh a.

EZEKIEL 33:31

Mipuihai chu an hung angin i kuoma chun anni chu an hung a, ka mihai angin i hmaa chun an ṭhung a, i thuhai chu an ngai a, amiruokchu, thaw si loin; an bau chun nasatakin hmangaina an inlangtir a, amiruok- chu, an lungrilhai chun an hlâwkna chu a hnawt sih a.

EZEKIEL 8:11

An hmaa chun Israel sûngkuoa upahai sâwmsari an ngîr a, anni laia chun Saphan naupa Jaazania chu a ngîr a, mi tin chun an kutah rimin- hnik râwna thlêng an chawi seng a; chuongchun, riminhnik khu rim chu a hang feh a.

MATTHAI 15:8

‘Hi hairawi hin an bauin an mi chawimawi a, An lungril ruok chun an mi hlat sih a.

THILTHAWHAI 8:10

Mi po po chun mi setaka inthawka ân laltak chenin, “Hi mipa hi Pathien thilthawtheina, ‘Ropui,’ an ti kha a ni hi,” tiin a thu an ngaisak tâwl hlak.