JEREMIA 41:5 - Pathien Lekhabu Inthieng (BSI)

⁵ Mi ṭhenkhat Sekema inthawk dâm, Siloa inthawk dâm, Samaria inthawk dâmin mi sâwmriet zet, an khâkhmul vawa, an puonhai kei- thlêra, anni le anni chu inât a, an kuta bu thilinhlânhai le rimin- hnikhai chawiin, LALPA ina hung inhlân dingin an hung tah a.

JEREMIA 41:5 ပူးပေါင်းရင်းမြစ်များ

INṬANNA 33:18

Chun, Jakob chu Paddan-aram rama inthawka hungin, Kanaan rama um Sekem khuo chu himtakin a tlung a, khawhnâwma chun a puon in a zar tah a.

INṬANNA 34:2

Chun, Hiv mi Hamor, chu ram lal naupa Sekem chun ama chu a lo hmuh a; a man a, a zâlpui a, ân tlâwm tah a.

INṬANNA 37:12

Chun, a uhai chu Sekema chun an pa ran ruol chu inthlain an feh a.

2 SAMUEL 10:4

Chuongchun, Hanun chun David mihai chu a man a, an khâkhmul chenve a vâwpêk a; chun, an silfênhai chu a laitakah an mawng tlung chau- in a tanpêk bawk a, ân fetir tah a.

1 LALHAI 12:1

Chun, Rehoboam chu Sekem khuoah a feh a, Israelhai po po chu Sekem khuoa chun ama lala siem dingin an fe ta sih a.

1 LALHAI 12:25

Chuongchun, Jeroboam chun Ephraim tlâng rama chun Sekem khuo a siem a, chutaka chun a um a, chun, chutaka inthawk chun a suok a, Penuel khuo a siem a.

1 LALHAI 16:24

Semer ta Samari tlâng chu tangka talent hniin ân châwk a; chun, tlânga chun khuo a siem a; a khaw siem hminga chun chu tlâng neitu Semer hming chawiin Samari ân puttir a.

1 LALHAI 16:29

Juda lal Asa inlal kum sâwm- thum le kum rietnaah Omri naupa Ahab chu Israel chungah ân lal ṭan a; chun, Omri naupa Ahab chu Samari khuoa chun Israelhai chungah kum sâwmhni le kum hni ân lal a.

2 LALHAI 25:9

LALPA in le lal in chu a rawh a; Jerusalem in po po, in ropui taktak- hai chu a rawh a.

1 CHANCHIN SUINA 19:4

Chuongchun, Hanun chun David siehlawhai chu a man a, an hmul a vâwpêk a, an silfênhai chu a laiah, a mawng tlung rakin a thlêrpêk a, anni chu a tir hmang tah a.

INPÂKNA HLABU 102:14

I siehlawhai chun a lunghai chu an ngainain, A pilvut chen khawm an lunginsiet sih a.

INPÂKNA HLABU 78:60

Chuongchun, Silo biekbûk, Mihriem laia a puon in sie chu, a mâksan a.

ISAI 15:2

Dibon mipui chu bâwlhmuna hai chun ṭap dingin an hang fe a, Moab- hai chun Nebo le Medeba chu an ṭapkhum rak rak a, an lu po po a kawl vawng a, khâk hmul tinrêng khawm vawin a um ta vawng a nih.

JEREMIA 16:6

Hi rama hin a lien le a chîn khawm thîng an ta; phûmin um naw ni hai a, mihai khawma anni chu ṭa naw ni hai, anni le anni khawm in ât naw ni hai, an ta dingin an lu suk- kâwk bawk naw ni hai;

JEREMIA 41:4

Chun, Gedalia chu a thata mi tukhawma an hriet naw ni hnina hnunga chun hieng hi a hung na;

JEREMIA 47:5

Gazaa chun châtvaina a hung tlung a, an phairuom la um sun, Askelon hlak chu ieng khawm loa siem a ni tah a; chun, nang le nang ieng chen am în ât ding a na?

JEREMIA 48:37

“Lu tin chu a kâwk a, khâkhmul tin kildein a um a; kut po pohai chun thil chepnawi an chawi a; kâwnghai chunga chun saiip puonhai a um bawk a.

JEREMIA 7:12

Amiruokchu, tuhin ka hmun Siloa chun fe unla, a tira inthawka ka hming kân umtir zingnaa chun; ka mi Israelhai khawhlona leia thil ka ithawhai chu va hmu ta u.

JEREMIA 7:14

chuleiin, in thlatuhai le nangni kuoma ka pêk, hmun le in ringna innghatna, ka hming chawia ko, in chunga chun, Siloa chunga ka lo thaw ta ang bawk khan ka thaw ding a nih.

JOEL 2:13

in puon ni loin, in lungril thlêr ro,” a tih. LALPA in Pathien tieng chu ngha ro: ama chu lunginsiet theitak le lainatnaa sip, lunginuoi le zainêm- naa sip, thil ṭha naw chu inlêt hlak a nih.

DÂN PAHNINA 14:1

“LALPA in Pathien nauhai in nih a, mithi leiin in inât ding a ni nawh a, in mit inkâr mithmul in vâw kawl ding a ni bawk nawh,

JOSUA 18:1

Chun, Israel thlahai mipui po po chu Silo khuoah an in- khâwm tah a, chutaka chun inbiekna puonin an zar a; ram chu an thu hnuoiah a hung um tah a.

JOSUA 24:32

Chun, Israel thlahaiin Aigupta rama inthawka Josef ru an sawm pei kha Sekem khuoa chun Sekem pa, Hamor nauhaia inthawka Jakobin tangka zaa a în châwka khan an phûm a; chuongchun, chuong chu Josef thlahai puolah a hung um tah a.

RORELTUHAI 18:31

Chuongchun, Silo khuoha Pa- thien in a um sûng po chun an inngîr tah a.

RORELTUHAI 9:1

Chun, Jerubbaal naupa Abimelek chu Sekema a nu ṭahai kuomah a feh a, anni le a nu pa pahnamhai po po chu a biek a,

1 SAMUEL 1:7

Chuong anga kum tin a lo thaw hlak leiin, LALPA ina a hang fe zâtin a lungngaina chu amanu chun a lo chawktho hlak a. Chuleiin, Hanna chu a ṭap a ṭap a, bu khawm a fâk nawh a.