JEREMIA 4:7 - Pathien Lekhabu Inthieng (BSI)

⁷ Sakeibaknei chu a chîmbuka in- thawk chun a hung suok tah a, hnam- hai sukbohmangtu ding chu; a lam- puia chun a thang mêk a, a hmuna inthawk chun a suok tah a, i ram chu râusana siem ding le, i khawpuihai khawm hluotuhai um loa sukse dingin.

JEREMIA 4:7 ပူးပေါင်းရင်းမြစ်များ

2 LALHAI 24:1

Ân lal lai chun Babulon lal Nebukadnezzar a hung lien a, Jehoiakim chu a siehlawah kum thum a um a; chu hnunga chun a nghatsan a, a chungah a hel tah a.

2 LALHAI 25:1

Chun, ân lal kum kuo kum, thla sâwmna, ni sâwm ni takin Babulon lal Nebukadnezzar chun a sipaihai po po leh Jerusalem khuo chu an hang thawh a, umhmun an hang khuor a; chun, kulin an inhuol vêl tah a.

ISAI 1:7

In ram chu rausanin a um zo a, in khuohai chu meiin a kâng zo a, in ram chu ram dang mihaiin in mithmu ngeiah an nei zo a, ram dang mihai suksiet angin a se zo tah.

ISAI 5:9

Sipaihai LALPA chun ka naah hieng ang hin a tih, “Titakzetin in tamtak, lientak tak, mawitak takhai chu a thlûttu um loin la ram a ta;

ISAI 6:11

Chun, kei chun, “LALPA, ieng chen am nîng a ta?” ka tih a. Chun, ama chun a dawn a, “Khawpuihai mihriem um loa a ram a, inhai thlûttu um lo a a ṭîek a, râusana a um vawng a,

JEREMIA 2:15

Sakeibaknei tuoihai chun an inrûm khum a, an inhûk a: a ram chu an suksiet a; a khawpuihai khawm a hluotuhai um loin a kâng zo tah a.

JEREMIA 22:6

Juda lal in chungthua chun LALPA chun hieng hin a ti sih a: Ka ta ding chun Gilead i na, Lebanon lu leh; nisienlakhawm, matheiloin thla- lêra le khawpui hluo loah ka siem ding che a nih.

JEREMIA 22:7

I chunga chun suksetuhai, mi tin el chu mâni hriemhrei seng leh, ka buotsai ding a nih; anni chun i ditthlang sidar dâm chu sât thlâng an ta, meiah tîng an tih.

JEREMIA 25:38

Sakeibaknei angin a chîmbuk a mâksan a, a lunginsen ṭiumna lei le, nêksâwrna kâwlhnâm ṭiumna lei chun an ram chu a se zo ta sih a.

JEREMIA 25:9

ngai ta u, mi tir ka ta, hmâr rama inthawk chun sûngkuohai po po chu ko ka tih, LALPA chun a tih; chun, ka siehlaw Babulon lal Nebukadnezzar kuoma chun mi tir ka ta; anni chu hi ram le, a hluotuhai le, a vêla hnamhai po po chunga do dingin hung ṭhuoi ka ta; chuongchun, anni chu sukse letdêr ka ta, makti ding le, inchekna ding le, kumkhaw rausanah ka siem ding a nih.

JEREMIA 26:9

Iengdinga LALPA hminga thu hrila, ‘Hi in hi Silo ang nîng a ta, hi khawpui hi hluotu um loa rausan nîng a tih,’ i ti am a na?” an tih a. Chuongchun, LALPA ina chun Jeremia chu mipui po po chun an bâwr ta hut hut a.

JEREMIA 27:8

Chun, hnam le lalram Babulon lal Nebukadnezzar rawng bâwl lohai le, Babulon lal rîngkawl hnuoia an rîng sie nuom lohai chu, LALPA chun a tih; ama kut ngeia ka sukbohmang vawng hmakhat chun, anni chu hripui dâm, ṭâm dâm, kâwlhnâm dâmin hrem ka tih.

JEREMIA 33:10

“LALPA chun hieng hin a tih: ‘Sa le mihriem khawm um loin a sie a,’ in ti, hi hmuna le, Juda ram khawpui- haia le, hluotu um loa, ran khawm um loa râusan Jerusalem kawtthlêrahai chun hieng hi hriet la nîng a tih:

JEREMIA 34:22

Ngai ta u, thu pêng ka ta, hi khawpuia hin hung inkîrtir ka tih; LALPA chun a tih: chun, do an ta, lâng an ta, meiin râwng an tih; chuongchun, Juda khawpuihai chu hluotu um loa râusanah siem ka tih,” tiin.

JEREMIA 4:29

Khawpui sûng po po chu sakawr chung chuong mihai le, thal kâp mihai ria chun an tlânseh a; chîm- bukahai chun an feh a, râwlkhoahai chun an lâwn a; khawpui tinhai chu mâksanin a um a, mi hrim an chêng ta nawh a.

JEREMIA 44:2

“Sipaihai LALPA, Israel Pathien chun hieng hin a tih: Juda ram khawpuihai le Jerusalem chunga thil ṭha naw ka hung intlungtirhai po po kha in hmu tah a, ngai ta u, vawisûn ang dâm hin râusan an ni a nih, mi tukhawm an chêng naw a nih;

JEREMIA 46:18

Laltak a hming khawm sipaihai LALPA chun, ka hring zing angin; tuisuoriet panga Karmel ang le, tlânghai laia Tabor tlâng angin, ama chu hung ngei ngei a tih.

JEREMIA 49:19

Ngai ta u, ama chu tlatna hmun pângngaia chun Jordan vadung fâwna inthawk chun sakeibaknei ang elin hung a ta; amiruokchu, ama kuoma inthawk chun intlânsiettir vak ka tih; chun, mi tukhawm thlang- a um chu, ama chunga chun ruot ka ta, tu am keia ang an um a? Tuin am hun mi ruotpêk a ta? Berâmpu ka hmaa ngîr ding chu tu am a na?

JEREMIA 5:6

Chuleiin, ramhnuoia sakeibak- nei chun anni chu sukhlum a ta, zântieng huna satenehai chun anni chu suksieng an tih, chun, keitê chun an khawpuihai chu nghâk a ta, mi tukhawm chutaka inthawka suok taphawthai chu keinawiin um an ta, an bawsietnahai chu a tam êm leiin le, an hnungtawlnahai chu a hung pung ta pei leiin.

JEREMIA 50:17

“Israel chu berâm indar a nih: sakeibakneihai chun ama chu an lo hnawt hmang tah a; a hmasatak chun Assuria lal chun anni chu a fâkzo a; a tâwpah Babulon lal Nebukadnezzar hin a ruhai chu a sukthliek tah a.

JEREMIA 50:44

“Ngai ta u, umhmun det chu doin, Jordan chaponaa inthawk chun sakeibaknei angin hung suok a ta; amiruokchu, amaa inthawk chun intlânsiettir vak ka tih; chun mi ama chunga thunei ding chun ruot ka ta; kei ang hi tu am an um hrim a? Tuin am hun mi ruotpêk a ta? Berâm vêngtu ka hmaa ngîr ding chu tu am a na?

JEREMIA 8:16

Dana inthawk chun a sakawr- hai hnâr hnâwt ri chu ân hriet a; a mi hrât hung inhrosatna ria chun ram pumpui chu ân hnîng a. Anni chu an hung a, ram po po le a sûnga umhai chu an fâk zo sih a; khawpui le a sûnga chênghai le khawm chun.

JEREMIA 9:11

Chun, Jerusalem chu hmun- hnawk intiengkhâwmna le, satene- hai ta dinga chêngna hmunah siem ka tih; Juda khawpuihai khawm chu hluotu um loa râusanah siem bawk ka tih. Hi hi hrethiem thei dinga mi var tu am a um a?

EZEKIEL 12:20

Chun, khawpui, hluoa umhai chu suksiet nîng a ta, ram chu râusan nîng a tih; chun, LALPA chu ka nih ti mi hre tâng in tih,” tiin.

EZEKIEL 21:31

I chunga chun ka lunginsenna chu hung bunthlâng ka ta, ka lunginsenna mei chu i chunga chun hung mût ka tih; chun, mi hrânghai, that dân thiemtakhai kuta chun pesuok ka ti che.

EZEKIEL 32:2

“Mihriem naupa, Aigupta lal Pharao ta dingin sûnna hla siem la, a kuoma chun hril rawh; Nang chu hnamhai lai chun sakeibaknei vânglaiah în ngai a, Amiruokchu, tuisuorieta rûlpui ang chu i nih; I vadungpuihaia chun i hung inper a, I kehaiin tuihai chu i hung chawkvir a, An vadungpuihai chu i hung suksiet tah a.

DANIEL 5:19

ropuina a pêk lei chun a hmaa chun mi po pohai, hnam po pohai le ṭawng tinhai chu an inthinin an ṭih a; a nuom nuom a that a, a nuom nuom chu a sukhring bawk a; a nuom nuom chu a kei sâng a, a nuom nuom chu a kei hnuoi bawk a.

DANIEL 7:4

A hmasatak chu sakeibaknei ang a na, mupui thlahai a nei a; a thlahai chu sukthlawnga uma, hnuoia in- thawka dawm kânga uma, mihriem anga ke pahnia inngîrtir a hung na, mihriem lungril a kuoma pêk a ni chen chun ka en zing a.

LEVI DÂN 26:31

In khuohai chu sukrêm ka ta, in hmun inthienghai chu sukrêm bawk ka tih; in rim inhnikhai khawm chu inhnam naw bawk ka tih.

LEVI DÂN 26:33

Hnam danghai laia chun suk- dar ka ti cheu a, a hnawt ding cheuin kâwlhnâm chu phawi ka ta, chuong- chun, in ramhai chu sukrêm nîng a ta, in khuohai chu ṭâwp a tih.